استشارة في موتور البونتو وعايز الناس الي بتهم فيها كلها تشاركني احسن هتجنن

انا معايا عربية اونو وغلطت غلطت عمري وركبتلها موتور بونتو 1250
الموتور شغال كويس وكلو تمام بس لما بجري بيسخن
الموتور راكب على كربراتير وفتيس وفرن شكمان الاونو
انا بقالي خمس اسابيع في المشكلة دي ومش لاقي ايه سبب السخونة دي
فكيت الريدياتير نضفتو
ضبطت الكاتينا 30 مره ومضبوطة
غيرت ترموستات الريداتير بي ترموستات اوطى
غيرت حساس الحرارة
اسلاك بوجيهات ومشط الكتروني جديد
غيرت علب الشكمان
عملت جوان وش سلندر وضبطت التاكيهات
معنديش ميه بتنقص وللعلم بفتح الريدياتير والحرارة فوق النصف عادي جدا مفيش غليان مية مش فاهم ازاي
وغيرت العدادات
المروحة شغالة كويس وشغلت مروحة التكييف معاها كمان
كل ده وبرضو اجري تسخن
تفتكرو اغير فرد الكاوتش بالمرة عشان متسخنش الموتور؟؟؟؟؟؟؟؟؟؟؟؟؟؟:monkey1 :

أولا فرن شكمان الأونو اكيد اكيد خانق العادم اللي طالع من الموتور لانه اصغر و ممكن برده السبب يكون من الفتيس! الفتيس اللي راكب فيها بنسب معينة لموتور صغير 994 أو 999 سي سي و 45 حصان, فا أكيد لما تركب موتور 1242 سي سي و 60 حصان على نفس الفتيس حيعمل مشاكل... ده غير ان كل موتور متركب في عربية معينة عشان توزيع الهواء و التبريد بتصميم ردياتير معين برده و حجم معين للردياتير و وضع معين و حجم وسرعة معينة للمروحة....أي لعب في حاجات الموتور الأصلية لازم حيأثر أكيد....أنا اعرف كذا واحد معندهمش مصفحة تحت الموتور....فا راحوا جابوا واحدة و ركبوها و العربية بقت بتسخن, السبب انك بوظت نظام توزيع الهواء اللي بيخبط في وش العربية وانت ماشي....في اسباب كتير جدا و منطقية....انت كنت المفروض تجيب الموتور كامل بكل حاجته ( ممكن تحتاج تعديلات بس برضه حط في دماغك ان كل حاجة الخواجة عاملها مدروسة و محسوبة ) :d

بغض النظر عن الموضوع..فكرتني بشمهد من مسرحية

لعبته كل الالعاب...لعبته كيك علعالي وكيك علواطي

لعبته استغمايه..من يوميها مشوفتوووووووووووووووووووو وووش

أكبر غلطة عملتها تسقيت مطور لوحده دي كان لازم تسقطو ب كل حاجته فتس وكله

اقتباس:

---

المشاركة الأصلية كتبت بواسطة karimalaa

أولا فرن شكمان الأونو اكيد اكيد خانق العادم اللي طالع من الموتور لانه اصغر و ممكن برده السبب يكون من الفتيس! الفتيس اللي راكب فيها بنسب معينة لموتور صغير 994 أو 999 سي سي و 45 حصان, فا أكيد لما تركب موتور 1242 سي سي و 60 حصان على نفس الفتيس حيعمل مشاكل... ده غير ان كل موتور متركب في عربية معينة عشان توزيع الهواء و التبريد بتصميم ردياتير معين برده و حجم معين للردياتير و وضع معين و حجم وسرعة معينة للمروحة....أي لعب في حاجات الموتور الأصلية لازم حيأثر أكيد....أنا اعرف كذا واحد معندهمش مصفحة تحت الموتور....فا راحوا جابوا واحدة و ركبوها و العربية بقت بتسخن, السبب انك بوظت نظام توزيع الهواء اللي بيخبط في وش العربية وانت ماشي....في اسباب كتير جدا و منطقية....انت كنت المفروض تجيب الموتور كامل بكل حاجته ( ممكن تحتاج تعديلات بس برضه حط في دماغك ان كل حاجة الخواجة عاملها مدروسة و محسوبة ) :d

---

كلامك مضبوط ياباشا
بس انا عربيتي موتورها 1200 فابريكة يعني الفرق 42 سي سي بس

اتأكد برضو ان صباع الحرارة االي راكب في بلوك الموتور كويس او بيقيس صح مش بايظ

ده غير ان كود الموتور الي موجود b4.000و176
نفس تصميم الموتور بتاع الاونو يعني كل حاجتة شبه الي عندي بالملي

اقتباس:

---

المشاركة الأصلية كتبت بواسطة fouady

أكبر غلطة عملتها تسقيت مطور لوحده دي كان لازم تسقطو ب كل حاجته فتس وكله

---

اقتباس:

---

المشاركة الأصلية كتبت بواسطة icehearted girl

بغض النظر عن الموضوع..فكرتني بشمهد من مسرحية

لعبته كل الالعاب...لعبته كيك علعالي وكيك علواطي

لعبته استغمايه..من يوميها مشوفتوووووووووووووووووووو وووش

---

يارب يجي اليوم الي اتمسخر فيه عليكو زي مبتعملو يوم ماربنا يبتلكو بمشكلة برضو

اقتباس:

---

المشاركة الأصلية كتبت بواسطة juventus

اتأكد برضو ان صباع الحرارة االي راكب في بلوك الموتور كويس او بيقيس صح مش بايظ

---

غيرتو ياباشا
وشكرا للاهتمام

اكتر من كدا مشاكل؟؟؟لالالا اشتاتا شلوت ...ا الله يخليك انا استكفيت من مشاكل الفيات

ان شاء الله تحل مشكلتك.... وتعرف المشكلة فين

اقتباس:

---

المشاركة الأصلية كتبت بواسطة icehearted girl

اكتر من كدا مشاكل؟؟؟لالالا اشتاتا شلوت ...ا الله يخليك انا استكفيت من مشاكل الفيات

ان شاء الله تحل مشكلتك.... وتعرف المشكلة فين

---

طالما خايفة بتشمتي ليه
انا مرة واحد صاحبي عمل حادثة بعربيتو انا بس قلتلو مبتعرفش تسوق بتسوق ليه تاني يوم كنت عامل حادث انيل منه والي جمبي مات والعربيه التانية كان فيها تلاتة ماتو
ربنا مبيسبش حق حد ومش مسامحك :Ka_che1[1]:

شوف طرمبه الميه

اقتباس:

---

المشاركة الأصلية كتبت بواسطة tameraast

شوف طرمبه الميه

---

كشفت عليها وسليمة
شكرا للاهتمام

مفيش حاجه ممكن تسخن مبصتش عليها وكمان السخونة دي بحالات احيانا مش بتسخن
وكمان لغيت كوعة المية الاوربي

طب شوف اللي قولتلك عليه....و اهمها الردياتير والمروحة و فرن الشكمان....شوف حاجة كمان هو سبب بعيد بس ممكن تكون ظبط فيهم حاجة...شوف الفرامل ورة و قدام يمكن تكون مريحة جامد على الطنابير أو تكون فرامل اليد مترجلجة جامد

اقتباس:

---

المشاركة الأصلية كتبت بواسطة NFS7

يارب يجي اليوم الي اتمسخر فيه عليكم زي مبتعملو يوم ماربنا يبتلكو بمشكلة برضو

---

فين بس ال مسخرا دي ؟ :oops1:

اقتباس:

---

المشاركة الأصلية كتبت بواسطة karimalaa

طب شوف اللي قولتلك عليه....و اهمها الردياتير والمروحة و فرن الشكمان....شوف حاجة كمان هو سبب بعيد بس ممكن تكون ظبط فيهم حاجة...شوف الفرامل ورة و قدام يمكن تكون مريحة جامد على الطنابير أو تكون فرامل اليد مترجلجة جامد

---

باشا اولا اشكرك جدا على اهتمامك
الريدياتير عندي كويس ومع كده فكيتو وسلكتو عن بتاع الريدياتيرات
المروحة شغالة كويس وشغلت معاها كمان مروحة التكييف دايركت
الفرن هواهوا الي جاي مع الموتور في وسع مواسيرو الفرق ان البونتو طالع ماسورة واحده انا عندي طالع مسورتين
الفرامل عندي ضعيفه اصلا والهاند مضبوطه ويمكن عايزة تترجلش عشان تمسك اكتر
في حاجة واحده الي شاكك فيها بس مش متاكد اني لما غيرت العلب بتاعت الشكمان الراجل ركبلي علبة بي مواسيرها وقالي دي الاصلي بتاعت الاونو وقلتلو ان عربيتي 1300 مش 1000 قالي مش بتفرق في العلب دي كاتم صوت بس
ممكن تكون دي الي عاملة المشكلة؟
وبعدين انا لفت نظري انك بتقول ناس ركبت المصفحة العربية سخنت منهم انا المصفحة دي عندي بس نازلة مع العربية ومعتقدش ينفع الغيها عشان فيها بار حديد ماسك في الصدرقدام للشاسية تحت الدواساتفي اخر المقص
وباكد تاني العربيه مش بتسخن غير لما بجري يعني بعد 120 تقريبا

اقتباس:

---

المشاركة الأصلية كتبت بواسطة foباuady

فين بس ال مسخرا دي ؟ :oops1:

---

انت كنت كاتب حاجة تانيه ياباشا وعدلتها وحسيت فيها بالتريقة

اقتباس:

---

المشاركة الأصلية كتبت بواسطة nfs7

باشا اولا اشكرك جدا على اهتمامك
الريدياتير عندي كويس ومع كده فكيتو وسلكتو عن بتاع الريدياتيرات
المروحة شغالة كويس وشغلت معاها كمان مروحة التكييف دايركت
الفرن هواهوا الي جاي مع الموتور في وسع مواسيرو الفرق ان البونتو طالع ماسورة واحده انا عندي طالع مسورتين
الفرامل عندي ضعيفه اصلا والهاند مضبوطه ويمكن عايزة تترجلش عشان تمسك اكتر
في حاجة واحده الي شاكك فيها بس مش متاكد اني لما غيرت العلب بتاعت الشكمان الراجل ركبلي علبة بي مواسيرها وقالي دي الاصلي بتاعت الاونو وقلتلو ان عربيتي 1300 مش 1000 قالي مش بتفرق في العلب دي كاتم صوت بس
ممكن تكون دي الي عاملة المشكلة؟
وبعدين انا لفت نظري انك بتقول ناس ركبت المصفحة العربية سخنت منهم انا المصفحة دي عندي بس نازلة مع العربية ومعتقدش ينفع الغيها عشان فيها بار حديد ماسك في الصدرقدام للشاسية تحت الدواساتفي اخر المقص
وباكد تاني العربيه مش بتسخن غير لما بجري يعني بعد 120 تقريبا

انت كنت كاتب حاجة تانيه ياباشا وعدلتها وحسيت فيها بالتريقة

---

لأ واللهِ ده أنا دست بالغلط اعتماد المشراكه وأنا كنت مكتبتش حاجة كان دشارع بالغلط على أي كلام وآسف واللهِ مكنش قصدي دي حاجة جت كده

اقتباس:

---

المشاركة الأصلية كتبت بواسطة fouady

لأ واللهِ ده أنا دست بالغلط اعتماد المشراكه وأنا كنت مكتبتش حاجة كان دشارع بالغلط على أي كلام وآسف واللهِ مكنش قصدي دي حاجة جت كده

---

ياباشا ولا يهمك
وانت كمان متزعلش مني انا بس مخنوق من البيحصل ده ومش عارفلو سبب
والله اخر يوم رحت للميكانيكي قالي معنديش حاجه تاني في الميكانيكا ممكن تسخن العربية ورحت لكذا واحد وقلتلهم انا عملت ايه يقولو خلاص كدة مفيش حاجة تاني فمش عايز اقولك الخنقة الي انا فيها ازاي

اقتباس:

---

المشاركة الأصلية كتبت بواسطة nfs7

ياباشا ولا يهمك
وانت كمان متزعلش مني انا بس مخنوق من البيحصل ده ومش عارفلو سبب
والله اخر يوم رحت للميكانيكي قالي معنديش حاجه تاني في الميكانيكا ممكن تسخن العربية ورحت لكذا واحد وقلتلهم انا عملت ايه يقولو خلاص كدة مفيش حاجة تاني فمش عايز اقولك الخنقة الي انا فيها ازاي

---

ربنا يعينك إن شاء الله أنا عرف الخنقة اللي حضرتك فيها بس إن شاء الله ليها حل

لو العربيه مخنوقه بتكون السخونه دى من الكربراتير الموضوع ده حصل معايا فى عربيتى القديمه فيات بونتو وبعد لفه شهر ونص واحد ميكانيكى الله يباركله قالى غير الكربراتير والرشاش الكهرباء وبعد كده اصبحت 100/100 وكنت بمشى بيها 180 كمان تقبل مرورى

اقتباس:

---

المشاركة الأصلية كتبت بواسطة aliyosef

لو العربيه مخنوقه بتكون السخونه دى من الكربراتير الموضوع ده حصل معايا فى عربيتى القديمه فيات بونتو وبعد لفه شهر ونص واحد ميكانيكى الله يباركله قالى غير الكربراتير والرشاش الكهرباء وبعد كده اصبحت 100/100 وكنت بمشى بيها 180 كمان تقبل مرورى

---

انا الكربراتير عندي عادي مش كهربا وقصة اني اركب الكربراتير الكهربا بتاعها دي توصل لي يجي 2000 جنيه
عشان انا لا عندي كنترول ولا ضفيرة ولا حساسات عشان اشتري كل ده مكلف كتير

اقتباس:

---

المشاركة الأصلية كتبت بواسطة fouady

ربنا يعينك إن شاء الله أنا عرف الخنقة اللي حضرتك فيها بس إن شاء الله ليها حل

---

يارب

لأ مدام هي نزلة كده يبقى عادي أكيد...أنا قصدي العربيات اللي مش نزلة بيه لما تيجي تركبه ممكن يعمل المشلكة دي...يعني حاجة تافهة بس عملت مشكلة...و بالنسبة لانها بتسخن فوق ال120 يعني بتسخن مع الحرق...ممكن يكون علة الشكمان زي مانت قولت...أو ممكن برده الفرن (مش مشكلة كام فتحة , المشكلة كلها ان ده مش بتاع الموتور ده) أنا كل ده حاجات أنا مش متأكد منها بصراحة أنا بحاول معاك يعني...بس برده في حاجة ماخدناش بالنا منها...الحوض عندك واسع ولا ضيق بعد تركيب الموتور ؟؟؟ من جميع الاتجاهات يعني هل في فراغات كافية؟

اقتباس:

---

المشاركة الأصلية كتبت بواسطة karimalaa

لأ مدام هي نزلة كده يبقى عادي أكيد...أنا قصدي العربيات اللي مش نزلة بيه لما تيجي تركبه ممكن يعمل المشلكة دي...يعني حاجة تافهة بس عملت مشكلة...و بالنسبة لانها بتسخن فوق ال120 يعني بتسخن مع الحرق...ممكن يكون علة الشكمان زي مانت قولت...أو ممكن برده الفرن (مش مشكلة كام فتحة , المشكلة كلها ان ده مش بتاع الموتور ده) أنا كل ده حاجات أنا مش متأكد منها بصراحة أنا بحاول معاك يعني...بس برده في حاجة ماخدناش بالنا منها...الحوض عندك واسع ولا ضيق بعد تركيب الموتور ؟؟؟ من جميع الاتجاهات يعني هل في فراغات كافية؟

---

ياباشا الموتور الي انا ركبتو لو شوفتو وشوفت القديم مش هتفرقهم من بعض ابداااااااااا
يعني الحوض نفس الوسع الي قبل ما اغير مفيش اي تغير
انا لما ركبت الموتور ده معدلتش مسمار في العربية ركب اكنو بتاعها بالظبط حتى وانا برخصو المهندس كان هيكتبو انو 1200 زي الي كان فيها بنفس كودو
انا واحد ميكانيكي قالي روح عند مكان في الحرفيين اسمو tps عندهم داينو يحط العربية عليه ويعرف حرق وعادم وهوا اكيد هيعرف الكشكلة من الكمبيوتر على طول ويارب تتحل وانا شاكك ان علبة الشكمان هيا الي عاملا المشكلة دي
وشكرا ليك جدا على اهتمامك ياباشا

Tps هياخدوا حوالى 150 فى حوار الداينو دة
بس يا رب يعرفوا السبب, هما بيعدلوا عربيات كتير و ممكن يفيدوك

:angry06::angry06:

اقتباس:

---

المشاركة الأصلية كتبت بواسطة Moe86

Tps هياخدوا حوالى 150 فى حوار الداينو دة
بس يا رب يعرفوا السبب, هما بيعدلوا عربيات كتير و ممكن يفيدوك

---

انا انشاء الله انا هتجنن قريب
امبارح وانا راجع الساعة 3 الضهر والجو كان حررررر جداااااا
وكنت ماشي 120 الحرارة طلعت لحد قبل النصف بشرطة ووقفت على كده متحركتش طول الطريق
النهاردة الصبح وانا رايح الشغل وماشي 100 الحراره عدت النصف بشرطتين
:embarrassed::glasses12::monkey1::badsmelly::alien 21::untitled 1::angry06::grin54::Ka_che1[1]::chirol_boo:

واخيرا اكتشفنا سبب عيب السخونة النهاردة في tps
هما كانو سببين الاول علبة الشكمان الي بتاع الشكمانات الله يسامحة ركبهالي بتاعت 1000 مش بتاعة 1300 وكانت كاتمة الموتور
وبعد ما قطعنا علبة الشكمان سخنت برضو بس اقل من الاول وقال نفك الشبكة نبص على الريدياتير حالة ايه لقيتو بيقول ايه سربنتينة التكيف دي دي ضايعة من ضرب المية بالمسدس بتاع الغسيل فيها وفكها والحمد لله رجعت العربية لطبيعتها
اشكر كل الي حاولو معيا في انهم يلاقولي حل ويساعدوني كتير

مبرووووك ربنا يحفظهالك إن شاء الله

اقتباس:

---

أولا فرن شكمان الأونو اكيد اكيد خانق العادم اللي طالع من الموتور لانه اصغر و ممكن برده السبب يكون من الفتيس! الفتيس اللي راكب فيها بنسب معينة لموتور صغير 994 أو 999 سي سي و 45 حصان, فا أكيد لما تركب موتور 1242 سي سي و 60 حصان على نفس الفتيس حيعمل مشاكل... ده غير ان كل موتور متركب في عربية معينة عشان توزيع الهواء و التبريد بتصميم ردياتير معين برده و حجم معين للردياتير و وضع معين و حجم وسرعة معينة للمروحة....أي لعب في حاجات الموتور الأصلية لازم حيأثر أكيد....أنا اعرف كذا واحد معندهمش مصفحة تحت الموتور....فا راحوا جابوا واحدة و ركبوها و العربية بقت بتسخن, السبب انك بوظت نظام توزيع الهواء اللي بيخبط في وش العربية وانت ماشي....في اسباب كتير جدا و منطقية....انت كنت المفروض تجيب الموتور كامل بكل حاجته ( ممكن تحتاج تعديلات بس برضه حط في دماغك ان كل حاجة الخواجة عاملها مدروسة و محسوبة ) :d

---

+11111111111111