ماهى شروط ترخيص سلاح نارى حى لاصحاب الشركات والمحلات التجاريه او المخازن او ماشابه ذلك ؟
ياريت حد من الاخوه الى عندهم معلومات يفيدونا لانى سمعت كلام كتير فى الامور ديه
عرض للطباعة
ماهى شروط ترخيص سلاح نارى حى لاصحاب الشركات والمحلات التجاريه او المخازن او ماشابه ذلك ؟
ياريت حد من الاخوه الى عندهم معلومات يفيدونا لانى سمعت كلام كتير فى الامور ديه
الاجراءات هتروح القسم ومعاك شهادتين باطنة ونظر لاستخراج رخصة سلاح تاخد طلب تملاه
وتعمل فيش الطلب والفيش فى القسم ثم تمضى على اقرار بانك معندكش امراض نفسية تقدم شوية الورق دة وتاخد جواب تروح بية مقر التدريب والرماية التابع لمحافظتك وبعد متخلص التدريب يدوك شهادة ترجع بيها القسم تضم لملفك وتلف الادارات و تروح الامن العام للموافقة.
بالنسبة لشروط الامن العام وهي كالاتى:
لا يكون عليك اى احكام قضائية
فى حيازتك ارض زراعية 5000 فدان تقريبا او محل ذهب او تجارة ضخمة شركة كبيرة محلات كبيرة وليها اسم مش عندك سايبر يعنى ولا سوبر ماركت او شغلك مندوب مشتريات لشركة كبيرة وتجيب موافقة من الشركة الى انت بتشتغل فيها انهم بيدولك مبالغ ضخمة تسافر بيها او تكون بدرجة مدير عام فى اى مصلحة حكومية فيما فوق او ظابط سابق
ان شاء الله لو اتوافق بتاخد اورنيك شرا و بيكون ليه وقت محدد تشتري فيه السلاح لو خلصت المهلة و مشترتش راحت عليك الليلة ديه كلها
و لو عايز طبنجة حلوان عندك مصنع 54 حربي ع الكورنيش
و متقدرش تشتري اي سلاح حي سواء من المصنع او برة الا لما يكون معاك اورنيك شراء و لو روحت لأي حد برة و قولته عايز اتفرج ع سلاح حي هيقولك وريني اورنيك الشرا
بعد ما تشتري تروح و معاك فاتورة الشراء و تاخد الرخصة
و بتجدد بقي برسوم بسيطة
في حالة ان الترخيص خلص و متجددش
مصيبة لأن كده يعتبر حيازة سلاح بدون ترخيص
ماشى انا قريت الكلام ده كله فى منتدى تانى بس انا مثلا عندى شركه بس مش كبيره لكن شركه وانا صاحبها فهل يجوز اطلع ترخيص
اولا يكون عندك سجل تجاري و تكون بتروح بفلوس كتييرة
و هم ع حسب ما بيشوفوا يعني انت و نصيبك برده
و ممكن لو بتمتلك عقار في منطقة من المناطق الجديدة فيلا او عمارة ممكن يوافقوا
يعني حاول تدور ع اي حاجة عندك تنفع في الشرط ده لأن هو ده العقدة الوحيدة في الليلة كلها
هل هناك اى امور قانوينه اخرى للموضوع لانى مهتم جدا وسمعت من احد الاخوه فى منتدى تانى ان لازم تكون الشركه راس مالها لايقل عن 200 او 250 الف جنيه علشان تقدر تطلع سلاح