| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 9 من 9 الأولىالأولى ... 4 5 6 7 8 9
النتائج 81 إلى 87 من 87

  1. #81

    الصورة الرمزية Ahmad_koko

    رقم العضوية : 166364

    تاريخ التسجيل : 08Oct2014

    المشاركات : 1

    النوع : ذكر

    الاقامة : القاهره

    السيارة: بنيلي 200

    السيارة[2]: موتوسيكل دايو40

    الحالة : Ahmad_koko غير متواجد حالياً

    افتراضي -

    hasad">

    موضوع جامد و مجهود رائع

    اللهم صل على محمد وعلى آله وصحبه أجمعين


  2. #82

    الصورة الرمزية zohne

    رقم العضوية : 169137

    تاريخ التسجيل : 08Dec2014

    المشاركات : 14

    النوع : ذكر

    الاقامة : ش المشروع امبابه

    السيارة: toyota

    السيارة[2]: toyota

    الحالة : zohne غير متواجد حالياً

    افتراضي -

    اقتباس المشاركة الأصلية كتبت بواسطة joacky مشاهدة المشاركة
    حاجةطبعا كل اللى بيشترى بايك بيبقى محوش فلوسه بالعافية, ونفسه يجيب يفرح بيها وتعيش معاه من غير ماتغلبه, وكتير فلوسهم بتضيع فى بايك مستعمل فيه مشاكل, مبيكتشفوهاش الا بعد فترة, فمنعا للأحباط, دى شوية نصائح عن أزاى تفحص بايك مستعمل, هيا بنا نلعب

    البايك فى مصر بيعامل معاملة سيئة جدا, لأن غالبا اللى بيركب بايك بيكون لسه جديد فى السواقة, وبيقع بيه كتير, ده غير أن معظم اللى بيجيبوا الريس بيبقوا جايبينه علشان يسمع صوته وهو بيفصل ويلعب بيه, وده طبعا بيهلك حالة البايك جدا, فلما تشترى لازم تشترى من شخص مخضرم وقديم فى مجال البايكس, أو يفضل حاجة أستيراد علشان أختلاف الطرق ونظام المرور وحتى نوعية الحوادث بينا وبينهم .

    الفايبر هو أول حاجة بتلاحظها على البايك, وهو أكبر دليل على حالة البايك وأعتناء صاحبها بيها, بس بما اننا فى بلد الفهلوة, أغلب اللى بيشتروا بايك بيمشوا من غير فيبر أو بفايبر صناعة محلية رخيص, لأن سعر الفايبر أصلى أو أستيراد غالى جدا, بالتالى ممكن يتضحك عليك بشكل الموتوسيكل لما تلاقيه لسه بيلمع وجديد لانج.



    الفايبر ممكن يتصب ويتدهن ويبقى شكله زى الأصلى بالظبط, بس بيبقى أضعف وأرخص وبيقلل من ثمن البايك جامد, لازم تفك الفايبر من على البايك وتشوفه من جوه, هل فيه نسيج فايبر ولا لأ (الريش اللى بيتعمل منه الفايبر) لو صاحب البايك مقالكش أن البايك مغير فايبر يبقى أكيد فيه حاجات تانية مقالهاش , ولو الفايبر أصلى برضه حاول تفحصه من جوه ومن بره, ممكن يكون مكسور وأتعمل عند صنايعى, وده بيبان كمناطق مرتفعة ومنخفضة غير ملاحظة على سطح الفايبر, أو لو الصنايعى غبى ممكن من ظهر الفايبر كمان تشوف لون الفيلر والبرايمر والمواد اللى أستخدمها

    بعد فك الفايبر, هيبقى قدامك جسم الموتوسيكل, جسم الموتوسيكل هو أهم حاجة فيه, لأنه عامل زى شاسيه العربية وأكثر, أى عوجة فيه أو خبطة بتبوظ تحكم البايكر فيه, كمان هو الحاجة الوحيدة فى الموتوسيكل اللى صعب تغييرها أو تصليحها, لازم تشوف لو فيه ماسورة متنية فى الفريم, أو واخدة خبطة, أو لونها مختلف, ده بيدل أن البايك وقع وقعة جامدة, والحاجات دى هتقرفك بعدين, ولازم كمان تبص للفريم بتاع البايك على أنه نصين, وتحاول تطابقهم مع بعض, يعنى مثلا تبص للبايك من ورا, لقيت حتة من الفريم داخلة لجوه شوية والنص التانى مظبوط يبقى البايك متبهدل, وتبص على الصدأ برضه فى الفريم, وتشوف الشكمان متجرح ولا لأ (دليل على وقعة).



    العجل ثم العجل ثم العجل, العجل أكثر حاجة بتدل على حالة البايك ومعاملة صاحبه ليه, لازم تبص على العجلتين وبالذات العجلة الخلفية وتشوفها ممسوحة أو النقشة بتاعتها ضايعة ولا لأ, وهل الجنط نفسه متجرح أو معووج او مرشوش قبل كده؟, ,وتشوف الكاوتش مشقق ولا لأ, أحسن يتخلع منك وأنت ماشى وتبقى فرجة فى الشارع.



    لو كل ده سليم يبقى أساسات البايك سليمة, بعد كده هترفع البايك من قدام, وتمسك العجلة الأمامية تدورها بأيدك, وتشوف هل بتتهز وهى بتدور أو مبتدورش بصورة مثالية ولا لأ, وتشوف هل بتدور بسهولة ولا لأ, علشان ممكن الفرامل تكون قافشة عليها, وهتعمل نفس الحكاية فى العجلة الخلفية, بس دى طبيعى أنك تلاقى فيها مقاومة علشان السلسلة وكده.

    سلسلة البايك مهمة جدا جدا, لازم تبص على السلسلة والتروس, وتشوف هل كل أسنان الترس موجودة ولا فيه منها مكسور, وتبص على السلسلة كويس جدا وتشوف هل عليها صدأ أو متوسخة زيادة عن اللزوم, وبرضه وأنت رافع البايك من ورا, دور العجلة وبص على السلسلة والتروس, لازم السلسلة تمشى على أسنان الترس بسلاسة من غير مقاومة عند جزء معين, أو أنها تعدى على سن من غير ماتلتحم بيه.



    هتطلع على البايك, وتبص على الجادون, وتمسك فرامل اليد, مش من المفروض أنها توصل للأخر, ده معناه أن الفرامل مش كويسة أو التيل عاوز يتغير, وهتدور بكرة البنزين وتشوف بتدور معاك بسلاسة ولا فيه مقاومة كبيرة, وهل شكلها مستقيم ولا ممسوحة وفيه ثنية, وهتدوس دبرياج وتشوف حالة المقبض بتاعه برضه وهل شكله مثنى ولا لأ, مقبض الدبرياج والفرامل لازم يكون شكلهم مثالى ومتطابقين, بمعنى متعدلوش أو أتثنوا قبل كده.



    هتدور الجادون يمين وشمال, وتشوف فيه صوت غريب ولا أيه, وهتضغط بجسمك على البايك من قدام وورا علشان تشوف حالة "العفشة " أو مايطلق عليها الشوكة, وتشوف فيه أصوات غريبة أو تخبيط, وهل البايك بيرتد بسهولة, وهتبص على الشوكة وتشوف هل عليها زيت أو فيها ثنية غريبة, وكمان هترفع العجلة الأمامية تانى وتشوف هل الجادون بيتهز بسهولة وبيتحرك قدام وورا ولا ثابت فى مكانه.



    وطبعا هتجرب منظومة الكهرباء, وتدور النور العالى والواطى ونور الفرامل والأشارات, وتجرب كل أوبشن فى البايك عدة مرات, وخاصة بعد متاخد بيه لفة علشان لو فيه حاجة متلصمة تبان, وتبص على العدادات تشوف هل عداد السرعة أو الأربى أم بيهيس أو عداد الكيلومتر مش شغال وحالة الباغة اللى على العدادات عاملة أيه, ومتنساش تبص على حالة وجسم المرايات.



    طبعا هتبص على حالة الكرسى, هل ناشف زيادة عن اللزوم أو مقطوع أو أو, وبعدين هترفعه علشان غالبا هتلاقى البطارية تحتيه, هتبص على حالتها, هل الأقطاب بتاعتها متوسخة أو حالة البطارية وحشة, ده بيدل على عدم أهتمام صاحب البايك بيها.

    (مكان البطارية, لاحظ الصدأ)


    هتفتح تانك البنزين وتدخل صباعك جواه , وتدوره حوالين حافة التانك علشان تشوفه مصدى ولا لأ, وهتعمل نفس الحكاية مع قربة المياه وتشوف لون المياه فيها أيه, وهتبص على الزيت وتشوف لونه أيه, لو أسود وملمسه حديدى يبقى بقاله كتير متغيرش وصاحب البايك مطنشها, لازم يبقى لونه خفيف وملمسه نضيف شوية لأنه روح الموتور.

    هتسأل الموتور حالل ولا لأ, وتبص على البلوك تشوف شكله وحالته أيه, متجرح أو فيه خبطات, وهل عليه زيت أو فيه تنشيع من أى جزء من أجزاء الموتور, والبوجيهات لونها أيه وهل عليها زيت أو بنزين (مصيبة), وطبعا هتفحص عند أو هيكون معاك ميكانيكى موتوسيكلات علشان يظبطك فى موضوع الموتور, وبرضه متنساش تبص على الفتيس من بره, لو متجرح = وقعة شديدة.



    ومتنساش تبص على ديسكات الفرامل والتيل, وتشوف فيه تنيه أو حتة مكسورة فى الديسك أو أى شئ غريب, وتجرب الفرامل الورانية عدة مرات, وتطلع على البايك تانى وتمسك فرامل وتزق فى الموتوسيكل لورا وقدام, مش من المفروض أنه يتحرك (طبيعى ), هتزعل أوى لو ماشى على 130 وبتدوس فرامل وتلاقى البايك خيش منك وبقيت بتلف خمسات.



    بعد كل ده هتشغل البايك, وتجرب تدوس دبرياج, لازم الدراع يتحرك معاك بسهولة وخاصة وأنت مدى غيار, ويسيب معاك بسهولة برضه (لو عمل العكس: ورق دبرياج) وتسيبها واقفة سلانسيه شوية, لأزم صوتها يبقى منتظم ومبتهبلش, بعد كده هتطلع تاخد بيها لفة, وتجرب الغيارات اكثر من مرة, لو بتعشق بصعوبة يبقى البايك غالبا محتاجة ورق دبرياج برضه, وهتجرى بالبايك (أو وأنت ورا صاحبك لو مبتعرفش تسوق) وتجرب التسارع (لازم يكون بسلاسة) والفرامل وكفائتها وسرعة أستجابتها, وتشوف فيه أهتزاز أو صوت غريب ولا لأ, أو سخونية شديدة غير متوقعة, وتشوف البايك بيحود بسهولة ولا أيه, وبعد ماتخلص لعب أقف ونزل الكيك ستاند وشوف بيقاوم الحركة أو البايك هيقع ولا أيه.



    وى فى الاخر انشاء الله تلاقى الحاجة الى تنفعك

    وى ممكن واحد يجيييب بيك يخليه يعشق ركوب المتوسيكلات وى فية واحد يجييب بيك يكرهووو فى ام اى حاجة بتمشى على عجل .

    طبعاً الموضوع منقول مع بعض التعديلات من عندى وانا لاحظت ان فى ناس كتيرة جديدة عايزاا تشترى بيكس
    وارجو فى الاخر ان الموضوع قد نال اعجابكم


  3. #83

    الصورة الرمزية zohne

    رقم العضوية : 169137

    تاريخ التسجيل : 08Dec2014

    المشاركات : 14

    النوع : ذكر

    الاقامة : ش المشروع امبابه

    السيارة: toyota

    السيارة[2]: toyota

    الحالة : zohne غير متواجد حالياً

    افتراضي -

    احسن موضوع عن البايك والله ربنا ربنايكتر من خيرك يارب انا عن نفسي استفدت من المعلومات دى


  4. #84

    الصورة الرمزية elshrpeny

    رقم العضوية : 9302

    تاريخ التسجيل : 21Apr2008

    المشاركات : 755

    النوع : ذكر

    الاقامة : EgYpT - DaMieTTa

    السيارة: عجلة إنما إيه!ملهاش حل

    السيارة[2]: VW POLO 2001 1.0

    دراجة بخارية: لسة بفكر بصراحة

    الحالة : elshrpeny غير متواجد حالياً

    افتراضي -

    هو الموضوع مغلق و لا إية يا جماعة ؟


  5. #85

    الصورة الرمزية Osamafawaz

    رقم العضوية : 182459

    تاريخ التسجيل : 20Dec2015

    المشاركات : 2

    النوع : ذكر

    الاقامة : Cairo

    السيارة: Ford

    السيارة[2]: Bmw

    الحالة : Osamafawaz غير متواجد حالياً

    افتراضي -

    لسلام عليكم اولا انا اسف علي الازعاج بس حبيت اسال لو حد عنده خلفيه عن الكاستم
    لان ادامي سوزوكي بوليفارد سي٥٠ راشش تغيير اللون مش حادثه موديل ٢٠٠٥ بس انا مش عارف سوقه بيبدا من كام وعايز حد فمدينه نصر يكشف عليه لانه اكيد مش هيكون اقل من٤٠٠٠٠ وهلبس فيه لو لبست فيه وقالولي علي اسامه لاشين الميكانيكي الي عنده يبص عليه بس مش عارف هل كويس ولا لا.
    واسف علي الاطاله والازعاج شكرا


  6. #86

    الصورة الرمزية حمودي

    رقم العضوية : 190859

    تاريخ التسجيل : 07Aug2016

    المشاركات : 1

    النوع : ذكر

    الاقامة : الإسكندرية

    السيارة: لا يوجد

    السيارة[2]: فيات 127

    الحالة : حمودي غير متواجد حالياً

    افتراضي -

    شكرا علي المجهود الرائع


  7. #87

    الصورة الرمزية Medo322002

    رقم العضوية : 206049

    تاريخ التسجيل : 15Sep2018

    المشاركات : 1

    النوع : ذكر

    الاقامة : القاهرة

    السيارة: هيونداي

    السيارة[2]: فيات

    الحالة : Medo322002 غير متواجد حالياً

    افتراضي -

    hasad">

    تسلم ايدك ياكبير



 
صفحة 9 من 9 الأولىالأولى ... 4 5 6 7 8 9

المواضيع المتشابهه

  1. بما إن كل واحد فيكو عمل موضوع أنا قررت أخش بالموضوع دة البيك المحدش شافو
    بواسطة seif2005 في المنتدى مختــلف أنواع الدراجات النارية
    مشاركات: 13
    آخر مشاركة: 01-08-2012, 08:08 PM
  2. كيفية الشراء عبر الأنترنت (موضوع تعليمى)
    بواسطة Most_H في المنتدى بيـــع و شــــراء
    مشاركات: 12
    آخر مشاركة: 04-09-2011, 09:05 PM
  3. كيفية الشراء من موقع امازون ؟
    بواسطة marco14 في المنتدى المنتــــــدى الاجتمــاعى
    مشاركات: 10
    آخر مشاركة: 16-01-2011, 12:29 PM
  4. أفيدوني أفادكم الله لأني محتار جداً جداً جداً
    بواسطة epnmasr في المنتدى قســـــــــم المقارنــــات
    مشاركات: 14
    آخر مشاركة: 24-12-2010, 11:28 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2