فلوس الزكاة اعمل فيها ايه ؟

**mo3od** · 24-05-2011 08:38 PM

الاخوة المحترمين بالمنتدى
تحيه طيبه وبعد

نظرا لظروف خارجة عن الارادة لم استطيع انا وعائلتى من اخراج الزكاة عن العام السابق
ونحن الحمد الله بنخرجها كل عام جزء فى رمضان وجزء نهايه العام

العام التالى على الابواب واصبحت الزكاة الضعف

المبلغ اصبح كبير والحمد الله تقريبا ما يقرب من 50 الف جنيه منى ومن عائلتى
ونظرا ان معظم العائله خارج مصر لا يوجد احتكاك كثير بالناس

عايز اعرف ازاى اقدر اصرف المبلغ دة فى مصرف من مصارف الزكاة وفى نفس الوقت
اقدر احط فيه من الصدقات من المعارف والاهل والزكاة فى الاعوام التاليه

الحمد الله لم اتخلف عن الزكاة فى اى عام من اول يوم كان معايا فى فلوس

ودفعت لكل الجهات والموسسات الى اعرفها وللجيران والاقارب والمحتجين

وعمرى مشفت انها نقص من راس المال

بس انا نفسى اعمل حاجة اكبر من كدة للناس عشان ربنا يبارك ويرفع غضبه عننا
خصوصا ان البلد فى ظرف طارق وفى ناس كتير محتاجة

فهل من افكار من رجاله المنتدى
وشكرا

**A.Saad** · 24-05-2011 09:22 PM

اولا الزكاة اولى ان تصرفها فى المكان المحيط بيك
معرفش حكم صرفها للاهل
شوف الجمعيات الخيرية فى منطقتك
شوف المساجد فى منطقتك
وخد بالك ان ليها مصارف محددة
مش كل اوجه الخير ينفع تتصرف فيه

**amohsen** · 24-05-2011 11:17 PM

فيه مركز غسيل كلوي بناهيا محتاج تبرعات لشراء أجهزة لغسيل الكلى (الجهاز تمنه حوالي 85 ألف جنيه)

AK 96â„¢ - Gambro

أنا مش عارف هل يجوز تدفع الزكاة في مصرف زي ده ولا لأ
ممكن تسأل ولو عايز تشارك أبعتلى على الخاص وأنا هوصلك بالمسؤول مباشرة

**hussein** · 25-05-2011 01:23 AM

خلى بالك ان زكاة المال لازم تتطلع مال يعنى مش تشترى اكل او لبس و تديه للناس لأ تخرجها فلوس مباشرة
و برده اتأكد
بالنسبه للجمعيات انا برده اعرف جمعيات لو عايز اسامى وعناوينو تليفونات ممكن اقولك بس اهل منطقتك اولى

**m3_dolphen** · 25-05-2011 02:02 AM

الأولى ان تستفى عالم فى هذه المسألة فهذا حكم شرعى وليس أمر دنيوى ولا يجوز لأحد أن يقدم اقتراحات قبل أن يسأل أهل العلم

**ahmed1981** · 25-05-2011 02:37 AM

من كان له أقارب محتاجين فهم أول من يعطى من الزكاة

قَالَ ابْنُ عَبَّاسٍ : " إِذَا كَانَ لَكَ ذُو قَرَابَةٍ مُحْتَاجُونَ ، لا تَعُولُهُمْ فَضَعْ زَكَاتَكَ فِيهِمْ " .

إذا تصدقت فأغني
بمعنى إذا أعطيت إنسان من الزكاة فأعطه مبلغ ينفعه فترة من الزمن
أما أن تعطيه قيمة قليلة تنفعه يوم أو يومين فهذا خطأ

بعد أن توزع الزكاة جيداً في كل أقاربك وأقارب من توزع زكاتهم نيابة عنهم وتعطي الفقراء قدراً مناسباً

بعدها تبدأ تبحث عن آخرين

-

**م. حاتم السباعي** · 25-05-2011 02:48 AM

ربنا يبارك فيك
و يكرمكم علي حرصكم علي تأدية الفريضة و طبعا يجب ان تحافظ علي اخراجها في مصارفها الشرعية
ومصارف الزكاة بينها الله تعالى في قوله : { إنما الصدقات للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل } [ التوبة 60 ] .

1 . والفقير هو الذي لا يجد شيئاً .

2 . والمسكين هو الذي يملك لكن لا يكفيه .

3 . والعامل على الصدقة هو الذي نصبه الإمام ليأخذ الصدقات ويعطى بقدر عمله ولو كان غنياً .

4 . والمؤلفة قلوبهم هم الذين كان النبي صلى الله عليه وسلم يستميلهم ويتألفهم ليسلموا أو ليدفع شرهم أو لتقوى نيتهم ويثبتوا على الإسلام فهم كانوا أصنافا ثلاثة .

5 . والرقاب هم المكاتبون أي العبيد الذين اتفقوا مع سادتهم على العتق بمال يدفعونه ، أو ما يدفع لتحريرهم ابتداء دون مكاتبة .

6 . والغارم هو المدين الذي عجز عن سداد دينه .

7 . وفي سبيل الله هم الجنود المنقطعون للجهاد في سبيل الله وإعلاء كلمة الإسلام .

8 . وابن السبيل هو الغريب المسافر المنقطع عن ماله ، يعطى ما يبلغه حاجته ولو كان في بلده غنياً .

هذا وللمزكي أن يدفع الزكاة إلى جميع هذه الأصناف المذكورة أو إلى بعضهم ولو واحداً من أي صنفٍ كان .

وقد توسع بعض الناس في لفظ " وفي سبيل الله " ، والراجح أنها في الجهاد ، ويمكن أن يدخل فيه الحج .

والله تعالى أعلم

م.حاتم السباعي

**ahmedbatoos** · 25-05-2011 03:45 AM

هناك صناديق زكاة كثيرة . . شوف انسبها واكثرها عمل وشفافية . . .

في صندوق زكاة الازهر

في جمعيات مختلفة للعمل الخيري زي جمعية مسجد سيدي بشر في اسكندرية
جميعة انصار السنة

الخ الخ الخ

في جمعيات كتير مشهرة وحكومية للزكاة

والافضل انك تختار الافضل بعد ان تسأل عن مدي الشفافية وان الزكاة بتروح لامكانها وتوزعها يعني مش شرط كلها تكون في مكان واحد

واسئل شيخ . .

وربنا يذيدك خير ويجازيك خير . .

-

الموضوع: فلوس الزكاة اعمل فيها ايه ؟

LinkBack

أدوات الموضوع

عرض

-

-

-

-

المواضيع المتشابهه

معايا فلوس وعايز اعمل بيهم مشروع ؟

اخر صيانه ..............اعمل فيها ايه!!!!!!!!!!!!!!

الاحتكاكات اعمل فيها اية ؟

ايه افضل مكان لدفع فلوس الزكاة والصدقة وتروح فعلا لمستحقيها

الخدوش اعمل فيها اية

الكلمات الدلالية لهذا الموضوع

المفضلات

المفضلات

ضوابط المشاركة