أنا عاوز أفتح حساب في البنك الأهلي سوسيتي جينرال ودخلت على الموقع ولقيت اكتر من حاجة وكل واحد بمميزات غير التاني ومش فاهم حاجة حد يساعدني عشان كنت عاوز أخلص الموضوع بكرة الصبح
عرض للطباعة
أنا عاوز أفتح حساب في البنك الأهلي سوسيتي جينرال ودخلت على الموقع ولقيت اكتر من حاجة وكل واحد بمميزات غير التاني ومش فاهم حاجة حد يساعدني عشان كنت عاوز أخلص الموضوع بكرة الصبح
فكك من البنك ابن ال ُ#$^#@^ ده
شوف غيره
أنا عاوز حاجة أعرف أسحب بكرتها في أي حته وتعاملاتي معاه هتبقى بسيطة مش عاوز منهم حاجة أكتر من لما أتزنق في فلوس في أي حته أقدر أسحب
يعني ميهمنيش غير إنتشار الatm
بنك كويس يا بوكو وفروعه كتيير أوى وديه ميزته
بس فيه عيب بيقفل الساعه 2 الظهر وخدمه ال internet banking ب 6 جنيه فى الشهر
هو مبلغ صغير بس ليه ؟؟ ال HSBC الخدمه ديه فيه ببلاش وبيقفل الساعه 5
طيب ممكن حد يشرحلي الفروق بين الحسابات أنا كده كده هعمله حساب جاري
وبفكر دلوقتي في hsbc هو ولا سوسيتيه جينرال وhsbc ليه ٣ فروع جمب البيت برده (أبعدهم ١٠د بالعربيه)
بص يا احمد انا معايا الإلكترونيك كارد وممتاز معايا في الإستعامال والرسائل التفصيلية بتيجي في مواعيدها وكل حاجة ولكن بصراحة عشان اكون صريح معاك هوة انا فاتحمع من اول يوم ليا في الكلية عن طريق فرع البنك في الكلية فنوع الحساب ايه مش ها اعرف افيدك ولكن هوة بصراحة البنك بصراحة انتشاره ممتاااااااااااااااااااااا اااز يعني في مساكن شيراتون والنزهة بس في بتاع 4 مثلا !! العباسية 2 وهكذا بقى مش بتغلب فيه خالص !! بس بصراحة متعاملتش معاه في موضوع الإنترنت بنك خالص !!!
انا ها انصحك واقولك يا احمد خليك في الأهلي سوستيه جنرال انا بيعجبني في مواغيدع والدقة اي نعم هية العقلية المصرية الفذة طاغية على تعاملاته هنا ولكن حتى برة مصر انا اتعاملت معاهم في اكتر من مكان ممتازين وعن تجربة وفي الساجل وفي شرم وفي كل المحافظات ليهم فروع :d
تمام يا سيد بس انا إحترت أكتر ناس تقول nsgb كويس وناس تقول زي الزفت والcib نفس الكلام وكل بنوك مصر
مساء الفل يا يوكو
بص ميزات nsgb
1- انتشاره الرهيب في كل حتة في البلد
2- كارت ال ATM بتاعه شغال visa electron بيسحب مباشر من الحساب مش فيزا يسحب و بعدين تسدد (Debit not credit)
عيوبه:
1- ال statement عمرها ما بتيجي في معادها و في احسن الاحوال شهر متأخره
2- مفيش انك تراجع الحركة على حسابك عن طريق الانترنت غير باشتراك (على حد علمي)
ديه النقط الي هماني في الموضوع, و لو سألتني اخترت على اي اساس, حقولك الشغل قالي افتح في NSGB عشان حساب الشركة عليه
كله تمام معادا ديه
ديه صعبة قوياقتباس:
2- مفيش انك تراجع الحركة على حسابك عن طريق الانترنت غير باشتراك (على حد علمي)
أنا عايز حاجة ليها atm وdebit card
وأعرف أعمل كل حاجة من على النت
نسيت اقولك الفروق بين الحسابات
الحساب الجاري: ما بيتحسبش ليك ارباح و بتدفع مصاريف ادارية جنيه15 كل 3 شهور + تمن الكارت كل سنة (تقريبا 40 جنيه مش فاكر الرقم بالظبط)
الحساب الادخاري (التوفير) بيتحسب ليك ارباح على اساس شهري و بتضاف سنويا و مصاريفه الادرارية 10 جنيه كل 3 شهور (دس غريبة شوية) + تمن الكارت السنوي
فيي حساب اسمه جاري بارباح و هو ان الفلوس يتحسب عليها ارباح باليوم مش بالشهر بس لازم حسابك يكون معدي 10,000 جنيه (ممكن تسأل على تفاصيل اكتر من موظف خدمة العملاء)
ارجو اني اكون افدتك.
تمام وشكلي هروح بكره أعصرهم أسألة وأنا هعمله جاري تجنبا للشبهة
باشا بص أنت عاوز تفتح حساب تمام كدة و يبقى معاك كارت بتاع البنك علشان تسجب منة فلوس تمام كدة
بص لو عملت حساب جارى مش حا تاخد أى أرباح كلام لا يذكر
لو عملت حساب توفير دة أفضل و الافضل من دول تعمل شهادة بالمبلغ و الكارت الى حا يبقى معاك طالما مكتوب علية 123 or master card or visa حا تقدر تسحب من أى ماكينة فى الشارع عليها اى علامة من العلامات الى ذكرتهم ليك بس الفرق لو سحبت من ماكينة البنك الى انت حاطط فية الفلوس مش حا تدفع زيادة عن المبلغ ال 20 جنية تقريبا بتوع السحب من أى ماكنة غير بتاعت البنك .
لو حا تعمل كارت فيزا و أنت حا تحط فلوس فى البنك حا يعملك بلوكنج على الحساب و القيمة بتاعت الفيزا حا تبقى بضمان الوديعة الى أنت حاططها . أنا مش بفضل الموضوع دة
بالبلدى اسهل و أحسن حاجة ليك لو أنت عاوز كارت تسحب منة حا يبقى حساب جارى و البنك حا يطلع لك كارت الحد الاقصى بتاعة هو الملغ الى انت عامل بية ايداع
هو فيه تجربة سيئة للبنك في الغردقة هو مش معايا انا مع اخويا (كان مهندس في فرع الغردقة بالمقاولين العرب) و مرتباتهم عليه سيادة مدير الفرع هناك اصدر قرار بمنع دخول اللي شغالين بلمقاولين العرب جوه البنك ويسحبو بالكارت علشان منظر البنك والسياح
حاجة .............. هو ايوا القرار اتلغي بعد ما اتشد مدير الفرع من المركز الرئيسي بس التجربة ديه خلت الواحد قافل من ناحية البنك للعلم الكلام ده من سنتين
وفيه تجربة تانيه بنسحب من الماكينة فخرجت 100 جنيه مقطوعة وما كانش فيه ايصال روحنا البنك علشان نغير 100 جنيه قالوا لينا هاتوا الايصال قلنانهم الماكينة ما خرجتش اي ايصال فسيادة المحاسب قال انا كده ما اقدرش اغيرلكم 100 جنيه و لولا الشد قال خلاص هنعمل محضر وابعت للمركز الرئييسي هنشوف هو يرد هيقول ايه هي الحكاية مش حكاية 100 جنيه هو ايوا بعد كده اتصل وقال الحساب تم زيادتة 100 مكان الماية التانة هي اللحكاية اسلوب التعامل مع العميل هو لو شاف الحساب هيعرف انه مش هتفرق 100 جنيه اللي خلانا نعند انا او اخويا الاسلوب التعامل يكلمك كانك شغال عنده ليه الواحد ما بياخدش حقه غير بالخناق و الغلاسة
فبصراحة التجربتين دول خلو الواحد قافل من سيرة البنك ده اساسا و مبحبش اسمع سيرته اساسا
يوكو باشا .. بالنسبة للبنوك هفيدك بأذن الله على حسب خبرتى ف التعامل مع بنوك مختلفة على مدار سنوات عدة
اولا .. الاهلي سوستية جينرال اوعى تفتح معة حساب ! وبعيدها تانى بلاش البنك دة للاسباب التالية :
1 - العمل بعشوائية وانعدام لبعض النظام فى اكثر من فرع .. " فرع فيصل - المقطم - حدائق القبة "
بداية المشكلة حصلت ف فرع حدائق القبة .. لما ملقتش اي حلول .. قلت انقل حسابي لفرع تانى لنفس البنك مش معقول كل الفروع كدة
لقيت نفس النظام ف المقطم والقبة .. يعنى واضح انة شيئ عادى
2 - اخطاء بالجملة ! سواء ف الريدت او المصروفات التى تكاد لا تذكر ف البداية قبل فتح الحساب وتظهر لحضرتك انها فعلا مصروفات سهلة زى مثلا 20 ج ف الشهر مصروفات بنكية ... وهكذا
الكلام جميل جدا قبل فتح الحساب .. بعد فتح الحساب تلاقى مبالغ بتتسحب ولما تسأل عن السبب تلاقى الرد التالى :
bank fee
mail fees
stamp fees !
saving fees
ABo Galambo fees !
وهكذا تلاقى مبالغ غريبة وبيطلعو لها اسماء ..
3 - حصل عندى مشكلة ف الحساب مبلغ غير معلوم اتسحب ولما عملت شكوي بكل الطرق واوضحت ان فية تهريج ف البنك وعدم نظام
والمعروف عنى انى مش بسكت ف المواضيع دى .. والنتيجة المبلغ ضاع .. لان المشكو فى حقها تبقى مرات مدير الفرع وانا معرفش اي لم يـلتفت للشكوي من الاساس ! ضع خط تحت النقطة دى .
بلاش البنك دة .النظام المصري مسيطر العقول هناك نوعا ما ...ا .. " ناحية النظام والدقة وسهولة الاجراءات "
--------------
البنوك اللى مشترك ومرتاح معها كالاتى :
بنك سى اي بي CIB
سىتى بنك
البنك الاهلي المصري
بالنسبة للاقل بنك ف المصروفات الشهرية والسحب والانتشار : الاهلي المصري
افضل بنك ف المعاملات : سيتى بنك
...............
شروط فتح الحساب :
بالنسبة للحساب بالمبلغ المصري : 5 الالاف ج .. وسيتى بنك 6 الالاف ج
حضرتك بتمضى على نموذج توقيع .. وبيتم خصم المصروفات الخاصة بالكريدت كارد من حسابك
من 3 الى 5 ايام عمل بتستلم الكريدت كارد بعد ما يرجع من المطبعة ..
لاي استفسارات اخري بخصوص الانترنت كارد او الكريدت كارد او البنوك عموما يا يوكو قولي وعيونى ليك
تمام بعد كلمكم ده هبعد عن nsbg هشوف hsbc أنا نازله دلوقتي
اتش اس بى سي هو اقوى واحد فى مصر
وفروع فى كل حتة
وفى فروع بتشتغل جمعة وسبت ولغاية 8 بالليل!!! فدى ميزة خرافية
على فكرة الاى تى ام فى معظم الاحيان ممكن تسحب منها من بنوك تانية وبتدفع 4 جنيه على السحبة يعنى مش لازم كل مرة تسحب من ماكينة البنك نفسه
على فكره انتم ممكن تسحبوا من اى مكنه فيزا مقابل فلوس تحويل 4 جنيه يعنى لو انت تبك بنك سوستيه جنرال ممكن تسحب من ماكينه البنك الاهلى المصرى مثلا مقابل 4 جنيه يعنى مش يهمك الانتشار لاى فى شبكه ربط بين البنوك
افضل بنك من وجهه نظرى هو البنك الاهلى المصرى
بص يا باشا عشان تريح نفسك كل البنوك زي بعض مفيش فرق بينهم يعني اللي هتلاقيه في x هوا اللي في y
ولو لقيت حاجة زيادة في واحد منهم هتلاقي حاجة تانية فلتاني زيادة مختلفة
nsgb و hsbc انتشارهم واسع قوي بس الاولاني أنا ليَّ حساب فيه ومش عجبني خدمة العملا بتاعته عشان عمله كذا موقف مش تمام مع ناس صحابي فـأنا برشحلك hsbc أنا أسمع إنه أحسن خدمة عملا وعروض وكده
ومش هتفرق كتير بين بانك والاتنين كلمة السر في كل البنوك "golden customer"
غير كده متتعبش نفسك كله زي بعضه
ولو على ال atm machines يبقى بنك أبوظبي الوطني أحسن بنك ده مصاريفه فلسنا 100 جنيه وبتسحب من أي مكانة من أي بنك في أي مكان ببلاش وباي limit
انا خلاص فتحت في hsbc وهما كويسين خلصت على طول ومشيت
المصاريف لا يوجد طول ما الحساب فوق ال٥٠٠٠ جنيه والكرت ب٤٠ في السنة ودمتم ودي شايفها ميزة كويسه جدا إن مش كل شويه يقولوا مصاريف إداريه
جميل جدا .. مبروك يا يوكو .. المهم انك بعدت عن البنك الفقري اللى كلة بيشتكى منة
موضوع ان الحساب يكون فوق الخمسة .. انت تقدر تسحب عادي بس قبل يوم 25 ف الشهر تخلي المبلغ مينيمم 5 الالاف
الاهلي المصري مفهوش النقطة الرخمة دى ..
" على الهامش ..هتخلص امتحاناتك امتي ؟ " ابعت برايفت عشان الموضوع ميبوظش
تمام وباالعكس مش شايفها رخمة ولا حاجة والمتحانات مش. متاكد غالبا ااول سبعة