تجربتى مع نيسان صنى 1999

**aboamr** · 25-05-2011 03:05 AM

السلام عليكم
بدأت قصتى مع نيسان مع نيسان صنى 1999 والتى اشتريتها بطريق الصدفه وكنت انتوى شراء لانسر كرستاله
السياره وقت الشراء كانت حالتها ممتازه ممتازه وبالكشف عليها كل شىء بها يعمل وسليم وعدادها كان 87000 الف كيلوا وتم شراء السياره

امكانيات السياره
باور ستيرنج ممتاز تكييف رائع سنتر مرايات كهرباء من الداخل فتح الشنطه والبنزين من الداخل تم اضافة انذار ووحدة رفع للسياره . الموتور كاربراتير 1300 سى سى وعلى فكره موديل 99 و2000 واحد فى كل شىء
السياره ظلت معى حوالى تلاث سنوات واستخدام 30000 الف كيلومتر تم عمل فيها الاتى
تم تغيير طقم عجل رومان بلى واحد امامى واخر خلفى بما يقرب من 300 جنيه
تغيير طقم تيش مابين العجل الى علبة الاسكاترا بمايقرب 220 بكاوتشة التيش
تغيير تيل فرامل ب 230 جنيه
تغيير خرطوم الباور ب 300 جنيه
طقم جنوط سبور 1300 جنيه
طقم كاوتش جديد تقريبا 1200 جنيه
انذار بالريموت ووحدة رفع ب350 جنيه
طقم بوجيهات ب 60 جنيه
تم بيع طقم جنوط السياره الاصلى والكاوتش بمبلغ 600 جنيه
تم تغيي فلتر الهواء ب 45 جنيه

ملاحظاتى على السياره
ايجابيات
السياره ناعمه جدا وكذلك الفتيس . عفشه ممتازه وتتحمل خشونة الطرق .
صوت الموتور هادىء جدا . خامات ممتازه فى تصنيع السياره .
حديثة التصميم وعصريه . قطع غيار متوفره وسعرها معقول .
ثبات ممتاز على سرعات من 120الى 130 كيلو متر
شبه عديمة استهلاك للبنزين الصفيحه حوالى 350 كيلو متر
سلبيات السياره

تسارع السياره ليس بالقوى وانما متوسط . يتأثر الموتور بشده عند تشغيل التكييف . ارتفاع السياره قليل عن مستوى سطح الارض ولابد من استخدام جنط 14 . السرعه المثاليه للسياره 120 كيلو متر وتعطى ثبات رائع

فى النهايه تركت السياره انطباعا ممتازا لدى من نيسان وغيرت كثيرا من ارائى السابقه
ولذلك قررت ان اكون نيساويا على الدوام
وتصبحوا على خير

**Ahmed.TV** · 25-05-2011 03:43 AM

تسلم ايدك على التقرير الاكثر من رائع يا ابو عمرو
ولا اروع من كدا بصراحة

انا عايز اسالك بس هى العربية كانت اتوماتيك ولا مانيول

الصنى 99 و2000 افضل من الانسر الكرستالة ولالا

هو الموديلان ال99 و 2000 فيها abs ولالا

تيل الفرامل غالى شوية , هو حضرتك كنت بتجيبه نوع ايه وهل كان يابانى ولالا

لان فى انواع بيوصل تمنها ال150 جنيه تقريبا وبتكون اسبانى

وجزاك الله خيرا على الموضوع الممتاز ده

تحياتى

**SonaSteel** · 25-05-2011 08:18 PM

ماشاء الله لا قوة الا بالله
ربنا يباركلك فيها ويكفيك شر طريقها
وتقرير ممتميز جدا وخاصة ان حضرتك اول حد معاه 99 صني
واستهلاكها رائع ماشاء الله
وطبعا في انتظار مشاركة حضرتك المتميزة
اقعد بالعافية

**aboamr** · 26-05-2011 01:00 AM

المشاركة الأصلية كتبت بواسطة sonasteel

ماشاء الله لا قوة الا بالله
ربنا يباركلك فيها ويكفيك شر طريقها
وتقرير ممتميز جدا وخاصة ان حضرتك اول حد معاه 99 صني
واستهلاكها رائع ماشاء الله
وطبعا في انتظار مشاركة حضرتك المتميزة
اقعد بالعافية

ربنا يكرمك ويخليك بس العربيه تم بيعها من كام يوم واستبدلتها ب ex جديده

**aboamr** · 26-05-2011 01:06 AM

المشاركة الأصلية كتبت بواسطة haitham10

الف شكر علي التجربة والتقرير ياابو عمرو

حقيقي اول مرة اقرأ عن العربيه ووصفك معقول جدا ليها
وانا سمعت ناس شكرت فيها فعلا بالنسبة لسعرها
بس استهلاك البنزين دة رهيب يعني بتعمل 700 في التفويلة
يمكن عشان مانوال بس حاسه كتير

فعلا عربيه ممتازه وهايله بالنسبه للبنزين كنت بعمل فى المفتوح 190 كيلو ب 10 لتر الداخلى ماحسبتهوش