تحذير لملاك كيا سيراتو والكارينز

**misoalex** · 26-05-2011 12:08 AM

المشاركة الأصلية كتبت بواسطة ahmed1718

ايه يارجالة بلاش نضحك علينا الناس ايه السذاجة دى هوا يعنى خلاص مش لاقين سبب وجيه يلزقوه للتوكيل

وبعدين اللى كتب ف اخبار اليوم دى ولا اى جريدة ايه اللى فهمو اساسا اهو مجرد كاتب او ناقل لقصة راوى اخر

مع احترامى لمهنته بس مش هوا اللى يقدر يحدد حاجة زى دى ، انا مش بدافع عن التوكيل علشان ابن اختى

بس بالعقل ياجدعان ده احنا متعلمين يعنى مش كده

حتى لو كلامك ده فيه منطق مين اللى هيبعتله كود المفتاح يعنى هيروح يستلمه من كونتر التوكيل على اساس ايه يعنى ولا فيه عربية ولا رخصة ولا نيلة هيرسمه يعنى ؟

وحتى لو كده يبقا مش هيعرف يسرق خليجي

وبخصوص غزة ده للاسف العربية مطلوبه بعينها هناك لافته نظرهم جدا وبتتباع بخمسين الف بدون ورق وكانت بتتروح غزة ف الانفاق وهيا متساقة

يعنى مش لمجرد سهولة سرقتها

دمتم شموعا سوداء

ويارب ابعد عنا الفزاعة اللى بتطلع كل يوم بفزعة جديدة

طيب متقولنا حضرتك الكلام العلمى اللى المتعلمين الفاهمين يعرفوه ازاى العربيه دى بتتسرق

وبعدين هو الحرامى حيرح التوكيل مثلا يعمل المفتاح هناك
حضرتك ما فيه برامج منتشره على النت ممكن تجيب عن طريق كود العربيه معلومات عنها كلها
ما بالك بقى الحراميه مش حيعرفو يشترو برنامج متهرب او يسرقو البرنامج اللى عند التوكيل نفسه

او يكون واحد من التوكيل شريك للحراميه ؟؟؟؟؟

كل دى احتماللات وارده وانا لو مش شايف الكلام منطقى مكنتش عملت الموضوع
انا عن طريق السريال اللى موجود على اى موبايل ممكن افك الشفره بتاعته وافكلك اللوك كود بتاعه كمان عن طريق برامج منها برامج مجانيه وبرامج بفلوس وبوكسات فك تشفير

يبقى مش حعرف اعمل مفتاح لعربيه انا عرفت الكود بتاعها ؟؟؟؟؟

**AHMED1718** · 26-05-2011 03:14 AM

المشاركة الأصلية كتبت بواسطة misoalex

طيب متقولنا حضرتك الكلام العلمى اللى المتعلمين الفاهمين يعرفوه ازاى العربيه دى بتتسرق

وبعدين هو الحرامى حيرح التوكيل مثلا يعمل المفتاح هناك
حضرتك ما فيه برامج منتشره على النت ممكن تجيب عن طريق كود العربيه معلومات عنها كلها
ما بالك بقى الحراميه مش حيعرفو يشترو برنامج متهرب او يسرقو البرنامج اللى عند التوكيل نفسه

او يكون واحد من التوكيل شريك للحراميه ؟؟؟؟؟

كل دى احتماللات وارده وانا لو مش شايف الكلام منطقى مكنتش عملت الموضوع
انا عن طريق السريال اللى موجود على اى موبايل ممكن افك الشفره بتاعته وافكلك اللوك كود بتاعه كمان عن طريق برامج منها برامج مجانيه وبرامج بفلوس وبوكسات فك تشفير

يبقى مش حعرف اعمل مفتاح لعربيه انا عرفت الكود بتاعها ؟؟؟؟؟

يعنى هوا الكود بتاع الموبايل ده مكتوب على الكافر بتاعه من بره بردوو زى ضهر المرايا ولا لازم تفتحه ؟؟؟

وبعدين مش السيراتو الماركة الوحيدة اللى بتتسرق ف بلدنا المشكلة بس ان العربية دى بقت مرغوبة وسهل تسليكها

كقطع غيار ولا تهريبها لغزة ولا حتا علشان يطلع بيها طالعة ويرميها ف الشيخ زايد

الحرامى مش هيستنا يجيب كود علشان يسرق عربية

انا كنت حكيت ف موضوع عن قصة محاولة سرقة سيارة صديق ليا وهيا لانسر فول اوبشن وفيها ايموليزر واتنين انزار ووحدة رفع

اللى توصلناله بعد كده ان الحراميا معاهم اجهزة فصل كهربا عن السيارة يعنى لو فيه انزار ف العربية مش هيشتغل

(عرفنا الزاى ) العربية بعد مالحراميا اتزنقوا ونزلو من العربية وجريو جبنا العربية وقفلنا كل حاجة وجينا نحاول نفتح العربية الانزار اشتغل يعنى ممكن تخليك تلف حوالين نفسك بقا علشان تفهم الزاى هوا مخلاش الانزار مينطقش مش قطع سلكه ولا الحوار ده .

وبيعمل ايه علشان يدخل العربية ؟
اقولك بيجيب حاجة زى عتله كده ويفسخ بيها الباب من فوق وباى خازووووق رفيع يفتح لوك السنتر وبقا جواه وكل ده ف اقل من دقيقتين

بعد كده بيفور علبة الدريكسيون وينطر دايرة الكونتاكت اللى فيها ايموليزر وفرحانين بيه وبتبقا وراه حاجة زى فيشة كده مش عارف اوصفها ودى لو اى مفتاح او مفك هيلفها والعربية هتدور وسلملى على التوكيل بقا والانزار

لو عايز تسأل على تفاصيل تانيا ابقا قولى بس تقولى توكيل ورقم مرسوم على مرايا والحاجات دى مش منطقية

اتمنى اكون افدك

ودمتم

**madoo_600** · 26-05-2011 03:24 AM

المشاركة الأصلية كتبت بواسطة ahmedsamir5edr

رأي الشخصي .. كلام فارغ
و مقااااااااااااالب بتتعمل في توكيل كيا عشان النجاااح بس

+ 1111111111111111111111111111111111111111111111111

**madoo_600** · 26-05-2011 03:36 AM

سؤال بس للناس اللي بتقول كود وكلام من ده في عربيات اتسرقت من ناس بعنوان مختلف عن العنوان المسجل في التوكيل فحد يجاوبني هل الحرامي كان مراقبه مثلا وشافوا بيركن فين وخد الكود وراح عمل المفتاح وتاني يوم جه خد العربيه اعتقد انه حوار مش منطقي

**misoalex** · 26-05-2011 05:34 PM

انا شايف الناس اللى مش مصدقه او مش عاوزه تتعب نفسها وتلزق استيكر هى الناس اصحاب السيراتو

والله كل واحد براحته انا لقيت تحذير ومنطقى جدا انه يكون صح قولت اقولكم
اللى يصدق يصدق واللى مش مصدق براحته

**AHMED1718** · 26-05-2011 05:37 PM

المشاركة الأصلية كتبت بواسطة misoalex

انا شايف الناس اللى مش مصدقه او مش عاوزه تتعب نفسها وتلزق استيكر هى الناس اصحاب السيراتو

والله كل واحد براحته انا لقيت تحذير ومنطقى جدا انه يكون صح قولت اقولكم
اللى يصدق يصدق واللى مش مصدق براحته

يا استازى الفاضل الواحد مش بيعارضك لشخصك

وكتر خيرك لنقلك التحزير بس احنا ف منتدى لازم نتناقش علشان نكمل معلومات بعض امال ايه لازمته المنتدى