شكرا جزيلا اخي مندور دياب ....
لكن ازاي صوت التزييق من الفرامل عند نزول او صعودحفر او مطبات وطرق مكسرة ؟؟؟وشكرا علي نصائحك اكيد الاستيراد والصيني للعفشة مستبعد تماما...
كان عندي نفس المشكلة دي وطلع العيب من الكنبة الخلفية ماكنتش متثبتة كويس في الكليبسات فا كانت بتعمل الصوت دا مع اي هبدة في العربية. شوف برضو الشكمان متثبت كويس ولا بيتحرك ممكن يكون العيب منة. اعمل برضة تجربة انك تحاول تضغط علي الشطنة جامد اكتر من مرة ورا بعض والعربية واقفة وشوف هيطلع صوت التزييق دا ولا لا .
ضغت علي الشنطة انا ومعي شخص بكل قوة ولم يحدث الصوت ونزول وصعود سلسس جدا والشكمان متثبت كويس ..
الموضوع اكيد كلبسات الكنبة لانها اترفعت من شهرين في الصيانة الدورية لفتح تانك البنزين وتنظيفه ..بس مش عارف اوصل فين مكان الكلبسات ...
وشكرا للاهتمام ...
لو فرضا ان هو دا السبب .. يبقي غالبا يا اما مشبك الكنبة مش متثبت كويس في الكلبسة بعد فكها او لقدر الله انها اتكسرت وقت تركيبها او فكها. هو في الكنبة في كلبسيتين واحدة في اليمين والاخري في الشمال . انت ممكن تشيل الكنبة مجرد انك هتشدها لفوق بس بقوة شوية من الناحية اليمين هيطلع معاك جزء منها وهتشدها مرة ثانية من الناحية الشمال او العكس هتلاقي الكنبة كلها في ايديك.
انت ممكن قبل ما تعمل الموضوع دا تحاول انك تضغط علي الكنبة زي ما عملت مع السوست وتشوف الصوت هيطلع منها ولا لا. او تشد الكنبة لفوق لو طلعت معاك من ناحية بسرعة يبقي مش متثبتة في الكلبس واكيد انت هتلاحظ الموضوع دا
لو الموضوع فى الكنبة صحيح ليها كلبس بيركب فى جسم العربية فى الغالب هاتلاقيه وقع مع الفك ده لازم هاتجيبه استيراد و لو عايز تفك شلتة الكنبة الموضوع فى منتهى السهولة هاتيجى على الكنبة من قدام يعنى من طرفها و من اقصى اليمين او الشمال تزقها لجوة و بعدين ترفعها هاتفك معاك لو الكلبس مش موجود هاتفك بمنتهى السهولة و كذلك كرر نفس الحكاية فى الاتجاه المعاكس بس هوا السؤال اللى بيطرح نفسه انت ازاى نضفت تنك البنزين من فوق من عند فتحة العوامة اللى اعرفه انه عشان ينضف ده له موال و له طبة تحت العربية بتنفك و تصفيه كله و هوا نفسه بينفك و يتغسل و قصة كبيرة و بردك ايه الداعى انك تغسل تنك العربية؟
كان مؤشر تانك البنزين في لوحة العدادات في التابلوه مش لاعلي نقطة رغم ان التانك مفول بنزين يادوب فتحو التانك من تحت الكنبة ا وضبط ونظف العوامة بس والمؤشر رجع طبيعي علي فول تانك في دقيقتين بالضبط العملية كلها تمت
وشكرا جزيلا لاهتمامك وتقبل احترامي وتقديري لخبراتك وتمكنك من السيارة