السلام عليكم ورحمه الله وبركاته
ياشباب انا كنت من معجبى السيارة إسبيرانزا a 516 سعرا وحجما ، ولكن بمتابعتى للموقع وجهت نظرى الى السيارة بروتون ساجا وبقيت محتار اجيب دى ولا الأسبيرانزا ومؤخرا دخل فى الأختيار حاجه تالته هى البريليانس frv
حقيقى مش عارف أختاار ممكن يكون التلات عربيات بعيد عن بعد تماما بس انا احتياجاتى عربيه مساحه كويسه اداء كويس من غير مشاكل كتير لأنى ماعنديش خبرة كبيرة فى العربيات
أفديونى أفادكم الله
السلام عليكم .
حضرتك حاول تحدد شوية مواصفات عشان الزملاء يقدروا يساعدوك
مثلا : مانيوال و لا اوتو , استخدام فرد واحد و أسرة , طبيعة المشواير جو القاهرة و لا سفر , طريقة القيادة هادئة و لا حرق و ان شاء الله توصل للقرار السليم .
حاول تستبعد الاسبرانزا ... و تدخل اللوجان في المقارنة ....
أولا : شكرا يا شباب على الاهتمام لأنى فعلا محتار
انا متزوج وعندى طفل يعنى العربيه عائلى بشكل كبير
موضوع ناقل الحركه ما يفرقش معايا كتير بس طبعا لو الأوتو هيبقى اريح والمشاوير أغلبها داخل القاهرة بس طبعا السفر موجود ومتاح طالما توافرت العربيه لأنها بتغرى فى السفر
موضوع القياده انا مش محبى السرعه الجنونيه يعنى على الهادى بأمر الله وطبعا الثبات مطلوب فى العربيه اللى هختارها
واسف للأطاله بس فعلا الأختيار عن عدم درايه ده صعب أوى
طيب هيا ايه عيوب الأسبيرانزا غير موضوع العفشه ؟؟
أ محمد نجيب :
سمعت ان اللوجان فيها مشكله كبيرة فى الماتور أنه بيسخن بشكل غريب معرفش صحه ده من خطأه وكمان قطع الغيار بيقولوا غاليه
اقتباس:
المشاركة الأصلية كتبت بواسطة mido_295
حقيقة انا كان بقالي حوالي سنة في دائرة المقارنات .. قبل ما اشتري ... و اللوجان كانت دايما احد جانبي المقارنة ... اول مرة اسمع ان الموتور بيسخن بشكل غير طبيعي او غريب ... الموضوع ان ممكن في موديلات سابقة - اعتقد عالجو المشكلة دي - كنت بتحس بدفا شوية عند رجلك جاي من الموتور ... مشكلة عزل يعني ... مش اكتر .... و موضوع قطع الغيار اعتقد ان العربيات كلها اسعار قطع غيارها في التوكيل بتبقى اغلى من بره ... و اللي اعرفه بسبب انتشارها اصبحت قطع غيارها متوافرة بره التوكيل و باسعار معقوولة جدا .... ممكن كمان تاخد لفة في قسم الرينو ... الرجالة هناك خبرتهم اكتر مني طبعا ...
لكن عاوز اقولك .. اني قبل ما اشتري الصني باسبوع .. كنت لسه محتار جدا بينها و بين اللوجان ... و على فكرة مع واحد صاحبي كمان ... و معجب بيها جدا ... مع انه معاه لانسر ....
حاول ما تستعجلش برده ... و اسال عن اللي قلبك يرتاحله ... و انزل و شوفهم ... و ما تنساش الاستخارة طبعا ......
ربنا ييسر لك الخير
بص هو يا باشا في الفئة السعرية دي فكر في عربيتين
اللوجان و الساجا
و بصراحة الاثنين زي الفل و عيوبهم قليلة جدا
و ربنا يوفقك للي فيه الخير
طيب تمام انا لقيت موضوع دلوقتى أقارن بيه بين البروتون والرينو ولو بين العربيتين ايه افضل فيهم ؟؟ ولا الاتنين واحد وبترجع للأزواق
وشكرا تانى وتالت وعاشر على التوجيه والأفاده بجد بارك الله فيكم
من وجهة نظرى
اللوجان
تتفوق فى انتشارها و بالتالى اعادة البيع مضمونة الى حد كبير وايضا تواجد قطع الغيار خارج التوكيل و توكيلها محترم جداااا
الساجا
اوفر فى استهلاك البنزين لانها 1300 وفيها اوتوماتيك وده ميزة لان معظم مشاويرك جوة البلد بس اما بالنسبة للتوكيل بصراحة معرفش عنو حاجة