بص أنا متأكد إن فيه ناس كتير ..... من نفس رأي معتز في النقطتين دول
أنا حقول رايي و الارزاق على الله
النقطة الأولى ......
فيه مشكلة في كلام معتز بيضحك بيه على عقول البسطاء ....... و هو خلط الشخصية الإعتبارية بالشخصية الإنسانية الطبيعية
ازاي ؟؟؟ ....... بالبلدي كدة معتز حسسنا في كلامه إن وزارة الداخلية دي كلها على بعضها كدة ...... بني أدم واحد ..... و البني أدم دة فاسد بس احنا محتاجينه عشان الأمن يرجع تاني
مين قال كدة ؟؟؟!!!! ...... إيه الكلام الفارغ دة ؟؟؟؟؟ يعني خلاص الداخلية خلصت ...... مفيهاش غير فاسدين ..... مفيش حد كويس
إلي بنطالب بيه الفرز ...... إختيار الأصلح و الصالح ...... و محاسبة الملوثة أيديهم بالدماء
النقطة التانية ......
معتز ...... أستاذ في العلوم السياسية ...... غريبة إنو يبقى مش فاهم حاجة في الإقتصاد للدرجة دي .......
كلمة إن دراسات الجدوى إلي قاموا بيها المستثمرين كانت على أساس افتراضات معينة ....... قول حق يراد به باطل
الفساد في مصر كان بشع بجد ...... في أي دولة محترمة في العالم ..... هامش صافي الربح بيبقى ليه سقف معين مش مفتوح على مصراعيه
في مصر لأ الكلام دة مالوش وجود ..... الحاجة بتتباع بأربع و بخمس أضعاف تكلفتها الفعلية ..... بعد كل المصاريف و الضرايب كمان
الأرض وخدها ببلاش ..... شوية رشاوي محترمه ...... و المستثمر بيحلم بصافي المكسب الخيالي إلي بيوصل ل-500 أو 600 %
طبعاً غير رحلة العمولات و المنتفعين و عمليات الوساطة و السمسرة ...... تيجي السلعة تقف في الأخر على المواطن الغلبان بأضعاف أضعاف تمنها الحقيقي
تيجي دلوقتي تقول للمستثمر دة ........ حتدفع تمن الأرض الأصلي ...... يلاقي هامش ربحه بقى 150 % مثلاً ...... يقولك لا يا عم دي مش جايبه همها
للأسف الموضوع دة بقى ثقافة ..... في ظل غياب أي تواجد حقيقي لاليات السوق و العرض و الطلب في مجتمع استهلاكي مش منتج ......
في المنتدى هنا ..... كان فيه موضوع عن بناء عمارة و بيعها ...... كان واحد بيقول للناس إلي معاه ...... الشقة بتكلف 150 ألف جنيه و بتتباع ب-400 ألف جنيه ...... و الناس إلي معاه فرحانة أوي و بتسقف !!!!!!!
المصيبة يا تامر ...... إن الفكر و التوجه إلي في المقالات دي ....... يديك فكرة عن الأراء و الأفكار إلي بتطرح في مجلس الوزراء
المفضلات