يا اهل التويوتا معروض عليا تيوتا كرولا 1600 سيسي مانيوال عامله 5000 كيلو في العداد لسه بورقه المصنع وعاوز 94 الف حد يفيدني اجيبها ولا غاليه
عرض للطباعة
يا اهل التويوتا معروض عليا تيوتا كرولا 1600 سيسي مانيوال عامله 5000 كيلو في العداد لسه بورقه المصنع وعاوز 94 الف حد يفيدني اجيبها ولا غاليه
موديل كام العربيه؟؟؟؟؟؟
لو موديل عالي يعني من 2005 كده يبقي هاتها فورا
لان سعرها كده يبقي في الجون و اقل من السوق بكتير.
بس اكشف عليها كويس لا تكون مغيره حاجه
لحسن السعر دا اقل من متوسط اسعارها
و دي حاجه تقلق
لازم تكشف عليها حتة حتة
العربيات دى بيتلع فى عدادها جامد اوى
بيفصلوا العداد, و تفضل ماشية و بعدين لما يخلصوا, يبيعوها و يغيروا كاوتش و يلزقوا الورق عليها
1600 يبقي اكيد موديل 2005 او 2006
لان 2004 كانت 1300
الرقم ده بعيد جدا دي ما تسواش اقل من 105 ابد ان ماكنش اكتر
الرقم ده يجيب ال 1300 وبالعافية كمان
بص انت تاخدها وتروح التوكيل ابورواش او العباسية...وتقولهم انا عايز افصص العربية دي حتة حتة...
لو العربية سليمة ...ماتسيهاش...لان دة سعر فعلا يدوب يجيب عربية 1300 وعاملة فوق ال70 الف كم...
ملحوظة:
لو العربية خليجي برضة ما تسيبهاش....ماشاء الله سعرها ممتاز...
معلش انا اسف مقولتش هيا موديل كام العربيه موديل 2006 مانيوال 5000 كيلو بيقولوا ان صاحبها اشتراها وطلع السعوديه علي طول
ان شاء الله هشوفها النهارده واقلكم ايه الاخبار
قدر الله وما شاء فعل طلعت 1300 سيسي وخليجي كمان الواحد ميصدقش تجار العربيات ابدا غير لما يشوف بنفسه:o
معلش قدر الله وما شاء فعل
مفيش نصيب ربنا يعوضك خير منها
على فكره السعر كويس برضه جدا لو 1300 وماشيه 5 الاف فقط يبقى ميه ميه بس تكون كامله مانيوال
العربيه خليجي يعني مش كامله بس العداد فعلا 5500 الزجاج عادي مثلا لا العربيه دي اخرها 90 الف وانا بصراحه عاوز 1600 شكلي هخش علي اللانسر