بسم الله الرحمن الرحيم
السلام عليكم ورحمة الله وبركاته
قادم من ناحية المعادي عن طريق الدائري .. عايز انزل نزلة مدينة نصر تكون قريبة لارض المعارض وياريت وصف الطريق من اول ما انزل لاني ميح :)
عرض للطباعة
بسم الله الرحمن الرحيم
السلام عليكم ورحمة الله وبركاته
قادم من ناحية المعادي عن طريق الدائري .. عايز انزل نزلة مدينة نصر تكون قريبة لارض المعارض وياريت وصف الطريق من اول ما انزل لاني ميح :)
انزل النزله اللى بعد كارفور (المخرج بتاع طريق القطاميه) النزله هتلف بيك كأنك راجع على المعادى ... هتلف اليوترن هتوصل لميدان كبير تاخد شمال و تعدى نفق صغير تحت الدائرى ... هتطلع على ميدان تانى (اللى فيه محمد زكى) ... الطلعه بتلف شويه يمين و تاخد شمال مع الميدان (كأنك مكمل طوالى و ضهرك للدائرى) ... فى علامه للطريق اللى هتاخده و هى بنزينة اويلليبيا على اليمين بعد 100 متر
تفضل ماشى طوالى لا تخش يمين ولا شمال هتطلع على الاوتوستراد فى وش شارع الفنجرى هتكون مجبر تخش الوتوستراد يمين ... تاخد اول يوترن فى اول يمين هتلاقى قاعة المؤتمرات على يمينك و فى اخر الشارع ارض المعارض على الشمال
بص يا باشا
انت هاتكون جاي من المعادي على الطريق الدائري
يعني هايكون على يمينك كارفور تمام ؟
شوية وهاييجي على يمينك الشركة البافارية بتاعة البي ام دبليو ( ربنا يوعدنا )
بعديها هاتلاقي منزل على اليمين مكتوب عليه طريق السخنة ومدينة نصر والقطامية
انزل منه
لما تنزل هاتلاقي نفسك بتعمل يوتيرن اجباري مع الناس
لما تعمل اليوتيرن وترجع هاتلاقي على شمالك صينية كده تقوم انت لافف مع الصينية شمال وداخل النفق
كده انت على طريق مدينة نصر
هاتطلع من النفق وهاتدخل يمين بسيط اجباري وبعدين هاتلاقي صينية تانية صغيرة برضه تقوم انت داخل شمال
يعني هاتلاقي شركة محمد زكي بتاعة الرينو والجولف على يمينك
خليها على يمينك وكل انت علطول
علطوووووووووووووووووول بمعني الكلمة
هاتفضل ماشي على مطلع كده وبعدين منزل وبعدين هاتيجي مقابر ( المهم انت خليك علطول )
هاتلاقي صواني ويمين وشمال انت مالكش فيه علطول
هاتلاقي مستشفى الشرطة جت على يمينك
وبعديها بنزينة التعاون على يمينك
شوية وهاتدخل على الحي السابع
وهاتلاقي قسم تاني مدينة نصر على يمينك
انت علطول ملكش فيهم
جامعة الازهر على يمينك وبعدين هاتلاقي الطريق خلص بالتقاطع مع شارع النصر وفي وشك قاعة المؤتمرات
وهاتدخل يمين اجباري وتلف من اول فتحة وترجع وبعدين مع السور بتاع قاعة المؤتمرات تنزل يمين
هاييجي على شمالك مسجد ال رشدان وبعديه تقاطع تقوم نازل شمال هاتلاقي ارض المعارض على يمينك
اوعى بعد كل ده تقولي معرفتش اوصل
شكرا جدا جدا يا جماعة ع الشرح الوافي والكافي :)