العربية اتخبطت والحمد لله على كل شى
الحمد لله على قضاء ربنا
بعد ما خرجت على من مودرن ابو رواش النهاردة ومروح وماشى فى الطريق مصر اسكندرية اللى رايح على الرماية عشان اطلع الدائرى
والطريق ده كله زحمة موت والعربيات ماشى على مهلة ومفيش مجال ابداااااااا للجرى ولا اى حاجة
وواقف حوالى نص دقيقة او اقل من نص دقيقة بحاجة بسيطة ... وعربية هيونداى ماتركس , دب خبطت فيه من الخلف
نزلت ابص على الاكصدام لقيته واقع من الجنب اليمين , وبصيت على اللى خبطت , حظه اللى رحمه من ايدى
انه راجل كبير , ومعاه ستات كبار فى السن , وعمال يقولى معلش معلش
طبعا اتنرفزت .. وعمال يراضى فيه وياباشا معلش وحقك عليه , قولتله معلش وحقك عليه دى حتكلفنى حوالى 2000 جنيه
وزقيت الاكصدام بايدى ونطر تانى , وطبعا الودان المفرغة اللى بتركب على المسطرة البيضا اللى بتشيل الاكصدام فى منها اتكسر كتير
وكانت قبل كدا مكسرة ولحمتها عند واحد بتاع بلاستيك .. وباين عليها ضعفت على الاخر ومش حينفع فيها تصليح تانى .. وربنا يستر
وطبعا لو منفعش حضطر اجيب اكصدام خلف ب750 من بره التوكيل ولسه حيترش ولسه حيركب عليه الكساحات اللى مركبها فى الاكصدام القديم وحدخلى فى مبلغ محترم لا يقل عن 2000 جنيه , وربنا يستر
الواحد بجد عاوز يعمل ثورة لسحب رخص الناس اللى طلعت رخص بوسايط ومش بتعرف تسوق عشان الواحد استوى بجد .. حرام اللى بيحصل فينا بجد فى الشارع
ويارب بقا المرور يطبقوا موضوع عدم الحظر عشان البنوك تشدد اجراءات الضمانات والناس متعرفش تشترى عربيات تانى , لان البلد خلاصصصصصصصصص اتملت على اخرها , وكل دى بيجى على دمغنا
حسبى الله ونعم الوكيل
انا حجرب اروح لواحد شاطر بتاع بلاستيك .. ويارب ينفع يتعمل , وبتاع البلاستيك يعرف يشوفلى صرفة ويقويلى الحامل بتاع الاكصدام يبقا خير وبركة
وياريت لو حد يعرف حد فى القاهرة يكون جربه وسمع عنه انه شاطر بجد ومحترف وامين وبيعرف يبتكر ويكون شاطر , ولو مغلوانى مفيش مشكلة , بس يعمل الحاجة صح ,, وميكنش حرامى ياخد الفلوس ويضحك علينا فى الشغل والكلام
يبقا جزاكم الله خيرا
