السلام عليكم ,,
تقرير مفصل للناس ,, بعد مظبط العربية ,
دى صور العربية قبل التجديد ,,,
و بعد التجديد ,,,
نبتدى ,,,غيرت الاتى
1- اكصدام امامى ,,,,,,
اول مرة روحت جبت واحد تايوانى و التايوانى بينزل من غير الجلدة السودا اللى تحت ,,بس بينزل بالشبكة السودا ,,يعنى انت هتجيب الجلدة استيراد,,و دى فى حدود ال 100 -الى 150 جنية
تمام ,, العربية كانت فيها تطبيقة خفيفة من الجنب اليمين والشمال ,, و تريحة على حديد الاكصدام ,,الراجل ظبط التطبيقة و حديد الاكصدام شدو من غير ميفكو و دة كان شرط منى انو ميفكش اى مسمار من مكانو لان العربية مكانش فيها خبطات جامدة ,,
ركبنا الاكصدام التايوانى ,,و جيت اشوفو بعد التأفيل ,,لاقيتو عررةةةةةةةةةةةةة ,اية يا عم دة قالى هو التايوانى كدة ,,,مكانش ضابط خالص ,, غير كدة الراجل قالى ممكن اظبتو بس هنفخ العربية من الجناب شوية عشان يمشو مع بعض طبعا الكلام دة لا ,,غير كدة انة كنز جدااااا مش مضخم الوش بتاع العربية
كان ادامى حلين
1-اجيب واحد اصلى وامرى الى الله بس مهم طبعا الحوار دة عشان دة وش العربية لازم يبقى مضبوط بالمسطرة ,,
2-اجيب الايطالى اللى بيتكلمو علية ,,و انا كنت كارة الايطالى خالص لاسباب هقولهالكو تحت ,,
المهم لفيت الحرفيين لقيت مفيش اصلى نظيف ,, فى الاخر اضطريت اجيب الايطالى
لية كنت كارة
1- الايطالى بينزل من غير الشبكة السودا اللى فى الوسط ,,يعنى لازم تشتريها و تركبها و تلحمها و دة هيكلفك 120 شبكة و بتاع 30 لحام جامد
2- الايطالى بيبقى مركبين فية بدل الجلدة السودا اللى تحت مخلينها فبر ,, بعض الناس قالو ان الحتة دى ضعيفة و فى اى مطب هتتكسر و التانين قالو طيب مهى الجلدة بتنشف و بتتقطع لوحديها
اتكلت على الله و جبت الايطالى ,,ماشاء الله عجبنى اكتر من الاصلى لية
1-واخد نفس الاستنبة ,,الراجل اول مركبو مخدش معاة دقيقة كأنو الاصلى بالظبط
والحتة الفبر اللى تحت دى لقيتها قوية جدا ,و مدية منظر شيك اوى للعربية كأنك مركب كساحة ادام ,,
خدت الاكصدام و وديتو للراجل بتاع الفبر عمل الاتى
1- فتح مكان للفوجات
2- فية حتين كدة على جنب الشفة اللى تحت بتدى منظر شيك ,, انا اكدت على لحامهم عشان ميقعوش
3- اجمد حاجة انى وفرت تمن الشبكة و خدتهامن الاكصدام القديم و الراجل لحمها و رشتها اسود و بقت تمام
دة من الجنب
اللى انا شايفو مش تمام ,,ان فى فراغ صغير مبين الفوانيس و الاكصدام ,,السمكرى بيقول ان دة كدة اخرو بس انا هروحلو تانى و نفكو و نجيب اخرة لانى مش مقتنع بالحتة دة ,,,
بصوا الفراغ اللى فية المفتاح بتاع العربية ,,هو مش بيبان غير لما توطى
و طبعا اشتريت طقم فلين 3 قطع عشان الاكصدام يحمل علها لانهم كانو مهريين خالص تمنهم 120 جنية
و دة وش العربية
كدة خلصنا من الاكصدام
2- الفوجات :
اشتريت 2 فوجات ديبو تايوانى ,,ب180 جنية مش فارق كتير عن الاصلى ب 200 جنية بس الفكرة ان مفيييييش اصلى نظيف ,, والديبو كان بشوكة ,, الراجل بتاع الفبر كان تمام جبنا الفوجات و ركبو على طول الحمد لله ,,انا كنت مرعوب انهم يطلعو مش مظبوتين ,,
المشكلة هنا حاجة غريبة جداااااا ,,انا عندى 2 فيشة فوج ادام ,,,و صلناهم عادى و ركبنا المفتاح الجديد الكهربائى فوجء ان الموديل بتاعى مش مدخلين فية الفوجات على ضفيرة العربية ؟؟؟ تخيلو ,, طبعا انا كنت بنهار بعد كل المصاريف دى ملقيهاش متعرفة ,,الحل اية ,,قعدنا من الساعة 1 الى 5 شغال فيها لحد ما ابن اللزينة عملها ,, ازاى دى عايزة يوم اشرحها ,,,بس اهم حاجة انة عملها زى الفبريقة بالظبط مفيش اى عك ,
بس المفتاح دة حاسس انو غريب لان المفاتيح اللى شفتها استيراد الزرار مش بينور ,, عندى الا2 بينوروا ,,و شكلهم بصراحة اجمد
2-الفوانيس ,,
اشتريت 2 ديبو تايوانى موديل 2000 – محبتش اجيب اصلى لان برضو مفيش منو نظيف
سعرهم كان 380 جنية ,,
وجهتنى مشكلة ان الفيش بتاعت ال 98 غير ال2000 مدروة و ال 2000 مربعة و الحل اية ,,اشتريت 2 فيشة استيراد من العايدى ب 150 جنية و الكهربائى قطع القديم و وصل الجديد ,, و شكراااااا و طبعا طقم لمض اتش 7 عالى وواطى ,بس نفضت للمكن بتاع الرفع حسيت انو تكاليف مالهاش لزمة ,,الراجل رجلشلى النور و ضبتناة باليل و انا عرفت ازاى اعملو مانيوال و ظبتو زى منا عايز
3-الشبكة ,,جبتها النيكل بتاعة ال 2000
4-العلامة اضطريت انى اجيبها اصلى ب 50 عشان تبقى شيك
5-اشتريت مراية شمال كاملة مانيوال ب 165 3 قطع و رشيها مع العربية
6-مراية صالون من العايدى ب 80 جنية
7-روحت مقار و اشتريت 3 زراير انتظار و تكيف و ريسيكل ب 270 جنية
8-اشتريت فانوس خلفى يمين اصلى ب 125 عشان التايوانى غيرتو مرتين و مش راضى يظبط الظهر خالص
9-كلمة اوبل فكترا تايوانى ب 30 جنية
10-غيرت البرابريز الامامى من دكتور جريش ب 250 جنية
11-كار كير كامل طلعلى العربية فعلا زيرروو ب 150 جنية ,,
و دة اللى فاكرو لحد دلوقتى
الماتور بعد التنظيف
و دى صور الفوجات باليل
http://img818.imageshack.us/img818/8386/image890.jpg
اي رئيكووووووووووووو ببصراحة ,,,؟؟؟؟
-----------------------------------------------------------------------------------------
نيجى بقى لائهم حاجة ,,,
طنانى قال ,,
زى ما قلت لحضرتك
مش هتخرج عن حاجتين
ماب / ماف
حساس كرنك
و اراهن اللى عايز يراهن طالما الموتور و الفتيس و الات الجر سليمه
ممكن تقولى فين الحساسات دى عشان اتظفها و اتشك عليها
, لو عندك صور بتشرح مكانها يبقى تمام اوى
و باقى الاعضاء قالو غير فلتر الهوا و بوجيهات و سلوكها ,,,
و جوان وش السلنر اتعمل بنضافة ,,
لو تعرفو تجيبولى صور عن اماكن الستسورز عشان اعرف انظفها بنفسى يبقى تمام اوى ,,
يا رب اكون قدرت افيد حد و لو حد عايز اى سؤال يقولى ,,