السلام عليكم
يا جماعة انا عاوز رأيكم عتوز اشترى للمدام عربية صغيرة تكون بتكييف مستعملة فى حدود 20 الى 30 الف مع العلم انها لا تعرف شئ عن القيادة وهتتعلم عليها,
يا ريت اللى عنده فكرة يقوللى عليها وشاكر ليكم جميعا..
عرض للطباعة
السلام عليكم
يا جماعة انا عاوز رأيكم عتوز اشترى للمدام عربية صغيرة تكون بتكييف مستعملة فى حدود 20 الى 30 الف مع العلم انها لا تعرف شئ عن القيادة وهتتعلم عليها,
يا ريت اللى عنده فكرة يقوللى عليها وشاكر ليكم جميعا..
مرشح أول : دايوو ماتيز بلا منازع .......... ..Daewoo Matiz تعملها ف حدود 27 أو 28
مميزاتها :
- مافيش أبعاد أصغر ولا أسهل من كده لحديثي القيادة ...والبنزين والدركسيون خفيف مش زي ال 28 ولا الادا ..والسيدات كلهم بيحبوها ..
في كمان هيونداي أتوس .. Hyundai Atos موديلات 97 و 98 بس ماأعرفش عنها حاجة ولايبدو أن عليها إقبال ..
أخر حاجة سوزوكي ماروتي بس غالبا هتستغني عن التكييف ...
مش هتلاقى فى حدود 20 سيارة مكيفة ممكن اكثر من ذلك وارشح لك بجد هوندا سيفيك من اول موديلات 90هتكون فى حدود 30او 32 مكيفة واكيد انت عارف تكييف الهوندا عامل ازاى وخد بالك انى سمعت من تاجر سيارات ان السيارات الجديدة زادت 30% بس مش متأكد من الزيادة دى
فيات اونو موديلات فوق 95
فيها تكيف و باور و سنتر و عربيه صغيره و قطع غيارها رخيصه جدا
ماتورها 1000cc و فيه 1300cc الاتنين موفرين للبنزين جدا
هتلاقيها في حدود 25 الف لو حالتها نضيفه
هات لها سوزكى ماروتى لان الحريم عندنا وهى بتتعلم ما ينفع معها الا الماروتى
انا كنت جايب لوالدتي التو 2007 ب 30 الف بس هيا نادره شويه ( من غير تكيف بس التكيف موجود بالتركيب 2500 جنيه).
شكرا يا جماعة على الردود الحلوة دى
بس الماتيز احسنهم انا جربتها بنفسى بس خايف احسن ماحدش يعرف يصلحها ومعرفش قطع الغيار نظامها ايه
لو حد عنده معلومات او اقتراحات تانى انا فى الانتظار
بالنيبة للبيجو 206 سعرها كام
متشكر على الردود وفى انتظار المزيد من الاراء
الاونو طبعا وبلا منازع وهى انشف عربية فيهم من حيث الجسم وكمان واسعة وهتستحمل حديثى القياده وفيها تكييف
الدايو ماتيز كويسة ومعقولة بس قطع غيار اغلى من الاونو
البيجو 206 سعرها من 37 لحد 43 ومنصحكش بيها اطلاقا
بص لو هتبص لتكييف يبقي انسي العشرينات الا بقي لو العربية ضايعة
و بما اني احد مالكي الالتو 2008 فانا ارشحهالك لأنها بسم الله ما شاء الله حلوة
ممكن تجيبها تكييف و ممكن من غير و تركبلها تكييف هيبقي في حدود 2500
و انا رشحتلك الالتو لأكتر من سبب
اولا ياباني تقفيل هندي - اثبتت نفسها و مطلوبةو حجمها مش وحش و مناسبة لأي شخص - موديل حديث و مش هتكون متبهدلة و سعر حلو
الخيار التاني فيات اونو تسعينات لكن اي موديل في التسعينات
وديه وجهة نظري
و بالتوفيق ان شاء الله
اللي يخليك تجيب التو وتركبلها
جيب ماروتي موديل 2006 ب 25 وركبلها ب 2750 تكييف وعيش
تحياتي
ممكن تفكر في بولو 97 ال1400 او اسكودا فليشيا او فيات انو -سزوكي ماروتي - عندك سيارة الصيني الي اسمها نوبل عندك حجات كتير ااوووي
شكرا يا رجالة
بالنسبة للالتو انا مش عاوز عربية اركبلها انا تكييف علشان مش هيبقى زى لما التكييف ينزل مع العربية وانا مش عاوز اجيبلها حاجة اتدبس انا فى تظبيطها :)
بالنسبة للاونو فى ناس كتييييييييييير بتشتكى منها
النوبل دى كرسيين بس وللا انا متهيألى
شكرا لكل اللى كتب رد
بالعكس يا ريس الاونو حلوة جدا و عمري ما سمعت ان حد اشتكي منها
و في من الالتو بتكييف لكن هتبقي فوق الــ 30 الف
و ابعد عن الصيني كله
و في فكرة تانية لكن هتزيد عن 30 الف برده
هيونداي اكسيل برده عربية حلوة و بتكييف 1500 سي سي بس هتبقي محتاجة انك تظبطها شوية و هتبقي اواخر التسعينيات
كيا برايد سيدان او هاتشياك , بالمبلغ ده ممكن تجيب حاله كويسه
ممكن سزوكي سويفت وتكون هاتش باك عشان لسه بتتعلم وموديل 1993 و 1994 وممكن تجيبها اوتوماتيك كمان ومكيفه
ودا اختيار مناسب جداا وقطع غيار السويفت كتيره ورخيصه جداا
طيب يا اخوانى ايه اخبار ال Ford Fiesta 1998 لقيت منها اوتوماتيك و تكييف على النت بــ 25000
ايه رأيكم فيها؟
تفتكر يباشا أيه اللي يخلي عربية أوتوماتيك وتكييف تبقي ب 25 ؟؟؟؟
ملهاش سوق للاسف مع احترامي طبعا للفورد وقطع غيارها نفس مشكلة قطع غيار ال بيجو 206 ..
لاأنصحك بيها إطلاقا ...
زي ما الزميل \ Taiwo قالك اولا العربية كسوق و اعادة بيع صعب جدااا , و اللي بيبقي عايز يبعها بيبقي عايز يخلص منها غير ان قطع الغيار غالية و غير متوافرة بالاضافة ان في ناس كتيير مش بتشتغل فيها كتصليح
ليا زميل جابها و ندم انه جابها وفي الاخر باعها بعدها بشهرين
اهم حاجة تبصلها في العربية اعادة البيع و سعر قطع الغيار و توافرها و سهولة تصليحها
و الاعضاء ادوا لحضرتك اختيارات كتيير حلوة و مناسبة ليك
و اي حاجة احنا موجودين برده :)
بولو او ابيزا مو 95 او 94 بالنسبه للأبيزا وعربيه ناشفه قطع غيارها متوفره اغلى نسبيا من الكورى لكن معمره وميزة العربيات دى انك تكسر فيها زى ما انت عايز ولما تيجي تشدها ترجع عروسه بس طبعا ميوصلش مسوى التكسير للدواخل
وربنا يوفقك
شكرا يا جماعة على الردود المفيدة دى
انا لما فكرت اشترى عربية ليا فكرت زى ما الاخ Taiwo قال كده بس انا اول مرة اشترى مستعمل وماليش فى الموديلات القديمة بصراحة عشان كده قولت اتعبكم معايا شوية دلوقتى بدل ما اتعبكم معايا بعدين فى تصليح وقطع غيار
انا عن نفسى جربت ال128 موديل 2006 زيرو وبعدين افيو 2009 زيرو وبعدين الاوكتافيا 2009 بردو زيرو فمعرفش حتى اكشف على عربية مستعملة وايه الاحسن ومن خلال تجربتى للكورى والالمانى طبعا رأيى معروف
الافيو قعدت معايا 6 شهور وجبت الاوكتافيا قيل بداية 2009
لو البولو او الايبيزا يبقى جميل جدا طبعا بس بالنسبة لقطع الغيار والتصليح ايه
انا بغير تيل الفرامل للاوكتافيا بــ970 جنيه والمدام مش هتقدر على اسعار زى كده
يعنى انا اللى هلبس :)
علشان انا كده انا محتاااااااااااااااااااااا ااااااااار
اسف على انى تعبتكم
الكيا برايد عمليه جدا وفي منها بينزل بتكييف وقطع غيارها رخيصه جدا وسهله التصليح والعربيه عمليه فى شوارعنا جدا واقتصاديه فى استهلاكها للبنزين وا ميكانيكى ممكن يتعامل معاها