هل عازل الحرارة V-kool يستاهل السعر ده ؟

**SoFiMaN** · 26-05-2011 03:29 AM

السلام عليكم

بفكر من فترة اركب عازل حرارة لأني مش عايز افيم. الستاير كويسة الى حد كبير بس بتعوق الرؤية مهما كان طبعا فمش قادر اعتمد عليها
ففكرت في عازل حراري لقيت احسنهم اسما هو في كول,, و كلمتهم عرفت ان السعر لأعلى درجة شفافية و اعلى عزل هيعمل حوالي 5000-5500 جنيه للعربية.
ايه رأيكم يستاهل ولا ايه؟ و هل فعلا فعلا هحس بفرق ؟

انا عرفت ان في حاجة تايواني تاني بحوالي 2000 جنيه بس فكرتي ان لو فعلا في كول افضل فخلاص الواحد يضحي بالفلوس قصاد الكفاءة طالما هتفرق فعلا لأن دي حاجة مش بتتغير كل شوية ولا بتتغير اصلا.

و شكرا :)

**party_0000** · 26-05-2011 04:30 AM

في السعوديه سعره للعربيه كلها قدام وورا واجناب وفتحه سقف يعمل 1100 ريال لو اسود
انما لو شفاف يعمل 3000 ريال بس ممتاااااز
وبيفرق حسب درجه حجب الاشعه في موديلات k22 k 37 k 60 k 80

**ashouhdy** · 26-05-2011 04:34 AM

اركب اى c-200 kompressor او 5-series وشوف بنفسك

**Gelgel2004** · 26-05-2011 09:12 PM

المشاركة الأصلية كتبت بواسطة sofiman

السلام عليكم

بفكر من فترة اركب عازل حرارة لأني مش عايز افيم. الستاير كويسة الى حد كبير بس بتعوق الرؤية مهما كان طبعا فمش قادر اعتمد عليها
ففكرت في عازل حراري لقيت احسنهم اسما هو في كول,, و كلمتهم عرفت ان السعر لأعلى درجة شفافية و اعلى عزل هيعمل حوالي 5000-5500 جنيه للعربية.
ايه رأيكم يستاهل ولا ايه؟ و هل فعلا فعلا هحس بفرق ؟

انا عرفت ان في حاجة تايواني تاني بحوالي 2000 جنيه بس فكرتي ان لو فعلا في كول افضل فخلاص الواحد يضحي بالفلوس قصاد الكفاءة طالما هتفرق فعلا لأن دي حاجة مش بتتغير كل شوية ولا بتتغير اصلا.

و شكرا :)

السلام عليكم و مساء الخير
ارجو انك تستنى شويه
باعمل موضوع على نوع من الافلام اللى بتغطى زجاج السيارات صناعه ممتازه و مضمونه و بتكلفه اوفر من الانواع الاخرى ( المعتمده ) بمن 15 الى 20 % و كمان عليه ضمان 5 سنوات
و الممتع انه فى انواع شفافه و فى نفس الوقت تجعل كسر الزجاج صعب جدا و بالتالى بتنفع فى حالات الحوادث او السرقه اذا قدر الله و كمان فى انواع ببتلصق على البودى شفافه جدا للمحافظه على الطلاء و حفظ رونق العربيه من الخدوش البسيطه
و الحقيقه ان التاخير منى علشان باحاول الم الموضوع و مواصفاته و نسب الخصم لللاعضاء المحترمين فى المنتدى من جهة
و من جهه ثانيه اخذ موافقه اداره المنتدى و طبعا ان شاء الله الاداره توافق على الاعلان و الموضوع و يضبطوا الاسعار

انا اسف للتاخير بس ادينى اسبوع و ان شاء الله تسمع اخبار كويسه جدا.
دمت بود

**DrWaEl** · 27-05-2011 02:49 PM

ياعم ركب فامية هيعزل حلو و شكلة شيك وفخم واخرها 50 جنية غرامة لو اتمسكت ف لجنة وانتهينا

انما العزل ده غالي جدا بصراحه

بس اكيد الغالي تمنة فية

**massoh** · 29-05-2011 02:06 PM

انا حاطط v-kool انقى شفافية وهو فعلا بيعمل فرق ومش حتحس بلسعة الشمس الحارقة وحتقلل السخونية لدرجة معقولة (مافيش حاجة تمنعها تماما) والتكييف فعال اكثر على الدرجات الآولى بس ممكن تنتظر موضوع gelgel وتشوف بس حقيقى فىكول افضل نوع متاح بالسوق وضمانهم حقيقى لفيلم السيارة 5 سنيين .... موضوع 50جنيه لجنة دة مش حقيقى لان اللى بيحصل هو سحب رخصة وايصال السحب مكتوب فيمية = علشان ترجع الرخصة بتدفع غرامة + فحص وتكون شلت الفيمية...وده حصل معى...علشان كده لو حتحط في كول حط اعلى شفافية (هو مش اقصى حماية بس مناسب جدا)... المرسيدس والبى ام (كمان البيجو الرينو) بيضعوا فى كول بس فى الزجاج الأمامى وبيكون الفيلم داخل الزجاج يعنى بين شرائح الزجاج الداخلى مش زى ما احنا حنضعه على الزجاج من الداخل ومحتاج بعض العناية الخاصة عند التنظيف

**mahmoud_anwar** · 29-05-2011 03:27 PM

ياخرابي هيا الدنيا رخصت اوووي كده 5000 الف جنية مالها الشمس دي حتا ليه فوائد كتيرة وكمان خالي الشمس تدخل عربيتك علشان متكتمش هههههههههههههههههههههه
ياباشا انتا روح بس لي اي حد بتاع اكسسورات وقولة عايز اركب فامية شفاف وخلاص الحكاية وخلية يلزق ليك من برة ومن جوة وهتلقي العملية زي الفل مع التكيف لكن بصراحة انا مدفعش في شوية ملصقات 5000 جنية انا مش هبات يعني في قلب العربية يعني مش بطلع مثلآ من الساعة 11 بيها لغاية الساعة 5 مثلآ العصر فا الافضل اعمل فامية شفاف وريح جيبك هههههههههههههه