تفحم 3 طلاب في انقلاب سيارة بأكتوبر

الحقيقه انا لاحظت ان الناس بتتكلم على السرعه في المنتدى بنوع من اللا مبالاه واحيانا كثيره نوع من التفاخر
الامر الذى اثار غيظي هو حكاية الثبات على السرعات العاليه وكأن الطبيعي ان الواحد ينزل كل يوم يروح الشغل يقوم يسوق على 140 وللا حاجه
و طبعا كلنا نعلم حالى الطرق المصريه التي اصبحت الاولى على العالم في عدد وفيات حوادث السيارات
لذلك و حرصا مني على التذكره لعل الذكري تنفع المؤمنين فقد بدأت هذا الموضوع ليكون عبره لمن يستخف بموضوع السرعه
وارجو من الاخوه في المنتدى المشاركه الايجابيه
وقانا الله واياكم شر الطريق وردنا الى اهلنا سالمين
ادى اول مثال
مش حرام الشباب دول اللى زي الورد يقتلوا بهذه الطريقه
تفحم 3 طلاب في انقلاب سيارة بأكتوبر
كتب - خالد إدريس: لقي 3 طلاب مصرعهم حرقا داخل سيارة انقلبت في مدينة 6 أكتوبر بسبب السرعة الجنوبية. تلقي اللواء محسن حفظي مساعد الوزير لأمن الجيزة بلاغا باشتعال النيران في سيارة بأكتوبر ووفاة 3 أشخاص، تبين للواء فاروق لاشين مدير الإدارة العامة لمباحث الجيزة، ان السيارة رقم 403050 ملاكي جيزة قيادة هاني عبدالمنعم محمد مدير شئون عاملين بأحد مصانع البلاستيك كانت تسير بسرعة جنونية واختلت عجلة القيادة من يد السائق

فاصطدمت بعامود إنارة وانقلبت واشتعلت فيها النيران، وتم انقاذ قائدها، بينما لقي 3 كانوا بداخلها مصرعهم حرقا وهم أحمد ابراهيم محمد- 24 سنة- طالب، وعلاء الدين عادل- 22 سنة- طالب، ومتولي صلاح محمد 24 سنة طالب. تم نقل المصاب وجثث المتوفيين للمستشفي وأخطرت النيابة للتحقيق، وصرحت بدفن جثث الضحايا وانتداب لجنة هندسية لمعاينة السيارة لبيان سبب وقوع الحادث وموافاة النيابة بتقرير مفصل

الحادثة دي من 3 أو 4 أيام بالظبط قدام أون ذا ران الجديد اللي قبل ميدان جهينة على صف هايبر وان
وبجد حادثة فظيعة لدرجة ان كان فيه عربيتين مطافي مش عربية واحدة عشان تسيطر عل الحريق
كنت فاكر أكتب عنها هنا في المنتدى لأني شفتها بعينيا
اكثر ما لفت نظري هو العدد الهائل من العربيات اللي اتوقفت على جانبي الطريق وكله عشان يتفرج
ياريت حد كان هايقدر يساعد في حاجة زي دي
انما كله واقف للفرجة
وده أدى إلى توقف الطريق تماما
وصل الأمر إلى تعذر وصول عربية المطافي التانية بالرغم من السرينة والكلاكسات
وكانت العربية متفحمة تماماً
ربنا يعافينا ويسترها معانا جميعاً ويكفينا وإياكم الحوادث

and It was BMW...

الكلام عن ثبات العربيات مش معناه لامبالاه و لا حاجة
يعني لو انت مسافر و ماشي علي 100 تضمن ان حادثة زي دي متحصلش
أكيد لأ

ثبات العربية بينفع حتي جوه البلد و أكيد في السفر و دلوقتي بقي فيه طرق السرعة فيها تصل لـ 120

التعميم هنا مش صحيح و خصوصا لو كنا نتناول الموضوع من الجهة الفنية مش من باب الترويش

مينفعش طبعا تطبيق عقوبة القتل العمد على حوادث الطرق لان قانونا مفيش نيه للقتل و بالتالى ينتفى مبداء العمد

الاحسن هو مراجعة عقوبات القتل الخطاء و تنسيبها حسب جسامة خطاء السائق و يبقى فيه عقوبات فعلية مش مع ايقاف التنفيذ

يعنى انا مثلا خبط واحد فى يناير اللى فات و مات... الراجل نزل يعدى فى صلاح سالم و جرى وسط العربيات فا كان نصيبة انى اخبطة.. انا لا كنت سكران ولا بسابق و لا شارب مخدرات و لا اى حاجة من دى... حتى الطريق مفيهوش اشارات فى الحتة دى ولا اماكن عبور مشاة...

هل اتساوى مع البيه اللى كان بيسابق فى طريق المطار و موت 15؟
هل اتساوى مع البنت السعودية اللى سفلتت تاكسى فى وسط البلد و موتت السواق و الراكب؟

اكيد لا و عشان كدة انا قلت يبقى فيه مدى اكبر فى العقوبة لجنحة القتل الخطاء اللى بيها يتعاقب سائق السيارة على قدر خطائة والا كل واحد ماشى على رجلة يرمى بلاه على الناس اللى راكبة عربيات و يوديهم فى داهية

فى الحالة اللى انت بتتكل عليها تحديدا لازم يتعمل معاينة لمكان الحادث و تحديد اسباب الحادث و ما اذا كان السائق فعلا مسرع بشكل جنونى و هل كان فى كامل وعية اثناء وقوع الحادث ولا لا... اذا كان مخطىء يبقى يعاقب على تهمة القتل الخطاء للثلاث شبان اللى كانوا معاه و لازم تبقى عقوبة رادعة

القتل العمد فلم تانى خالص ملوش اى علاقة بقضيتنا

MMamdouh

ده قدر ومكتوب وهم مكتوب ليهم يموتو لو حتي واقفين بالعربيه

ممكن مش موضوع سرعه او حاجه ممكن يكون اهمال مثلا في الطرق السريعه

اقتباس:

---

المشاركة الأصلية كتبت بواسطة cazanova555

ده قدر ومكتوب وهم مكتوب ليهم يموتو لو حتي واقفين بالعربيه

ممكن مش موضوع سرعه او حاجه ممكن يكون اهمال مثلا في الطرق السريعه

---

ما هو برضوا اللى بيموت مقتول بالسم او بالرصاص ربنا سبحانه وتعالى كاتبله انه يموت بهذه الطريقه ومع ذلك فان القاتل يعاقب بالقوانين
الوضعيه والقانون الالهي

يا جماعة ده قضاء وقدر
ربنا يسترها معانا

ا

اقتباس:

---

الحقيقه انا لاحظت ان الناس بتتكلم على السرعه في المنتدى بنوع من اللا مبالاه واحيانا كثيره نوع من التفاخر
الامر الذى اثار غيظي هو حكاية الثبات على السرعات العاليه وكأن الطبيعي ان الواحد ينزل كل يوم يروح الشغل يقوم يسوق على 140 وللا حاجه

---

+10000000000000000000

يا جماعه الي حصل كالاتي
هما اتنين ماتوا و واحد عاش بس بحروق درجه تانيه و التوفوا د احمد ناجح رضوان و د ياسر سعيد و الي اصيب د علاء عزمي
الي حصل ان كاوتش العربيه انفجر و العربيه دخلت في عمود النور و احترقت و فيها الدكتور احمد و الدكتور ياسر
يا جماعه الموضوع كله قضاء و قدر مش تهور و الكلام ده
دول دفعتي و اعز اصحابي و اكتر من اخواتي بجد
انا جالي الخبر الساعه 9 باليل و كنت في دمياط و للاسف معرفتش اعمل حاجه غير الدعاء و العياط
الدكتور علاء الحمد لله بس بجد يا جماعه بجد اعولهم بالرحه و بالشفاء للدكتور علاء بجد ده رجاء خاص

على فكره دول بكالريوس طب جامعه 6 اكتوبر

اقتباس:

---

المشاركة الأصلية كتبت بواسطة Youssef_Mostafa

يا جماعة ده قضاء وقدر
ربنا يسترها معانا

---

كل حاجة بتحصل قضاء و قدر , انما لما واحد يجرى بسرعة جنونية , يبقى بيعرض نفسة و بيعرض اللى معاة و بيعرض السيارات التانية لاحتملات اكبر فى وقوع حادث , يبقى لما يقع حادث , ماينفعش نلقى باللوم على القدر , لان هناك شخص ارعن , كان ممكن يتجنب هذا الحادث ,
لما انا اخطر بحياتى و حيات الاخرين و يحصل حادث يبقى انا السبب , و قضاء و قضر برضو .

إنا لله وإنا إليه راجعون

العضو العزيز / يرجى تحري كتابة الآيات ولفظ الجلالة بدقة أكبر .
الإدارة ..

ياجماعة وجهه نظر صاحب الموضوع .ان شوارعنا مش بتاعت جري ودي حقيقة كلنا عارفنها!!! وكمان حتستفيد اية من الجري.انا لما بلاقي شاب روش عمال يحارب وياخد غرز بضحك علية! لانه بعد شوية بيوقف جمبي ف اشارة او في الزحمة!!! يبقى استفاد ايه من المخاطرة ان شاء لله؟

اقتباس:

---

المشاركة الأصلية كتبت بواسطة dr_3eshoo

يا جماعه الي حصل كالاتي
هما اتنين ماتوا و واحد عاش بس بحروق درجه تانيه و التوفوا د احمد ناجح رضوان و د ياسر سعيد و الي اصيب د علاء عزمي
الي حصل ان كاوتش العربيه انفجر و العربيه دخلت في عمود النور و احترقت و فيها الدكتور احمد و الدكتور ياسر
يا جماعه الموضوع كله قضاء و قدر مش تهور و الكلام ده
دول دفعتي و اعز اصحابي و اكتر من اخواتي بجد
انا جالي الخبر الساعه 9 باليل و كنت في دمياط و للاسف معرفتش اعمل حاجه غير الدعاء و العياط
الدكتور علاء الحمد لله بس بجد يا جماعه بجد اعولهم بالرحه و بالشفاء للدكتور علاء بجد ده رجاء خاص

---

البقاء لله

اللهم اغفر لهم و اجعل مثواهم الجنة

MMamdouh

انا لله و انا إليه راجعون..... اللهم ارحم المتوفين و أرزق أهلهم الصبر و السلوان ....اللهم أتمم شفاء المصابين..... اللهم تقبل منا انك أنت الغفور الرحيم

لا إلة إلا الله

إن لله وإن إلية راجعون

ربنا يرحمهم ويغفر لهم

طبعا ...... أنا أخترت الأولى
أولا لأنه تجاهل القاعدة المرورية الخاصة بالسرعة القصوى على الطريق
مما جعله مخالف للقانون المروري الوضعي مما جعل فعلته و ما يترتب عليها مخالفة للقانون و كلنا نعلم أن السرعة هي سبب حوادث القتل على الطريق و الكل يعمل ذلك و مع ذلك يقود السائقين المصريين حتى داخل المدن على سرعات عالية

يا جدعان هو يُعقل إن مثلا طريق صلاح سالم الناس تعدي فيه 100 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!! ده حرام و الله العظيم اللي بيحصل في بلدنا
و الله العظيم لما شارع الهرم بيكون فاضي الشباب بتعمل حاجات ؟؟
و طبعا السرعة قاتلة و تقل أبرياء أخرين
و أنا شايف إن مفهوم السرعة في مصر مفهوم مغلوط تماما
و أنا بجد مش عارف ليه الناس في السواقة زي الأكس
و في الشغل ........... سلاحف ........ بس مش الننيجا :mad: :mad:
و حسبي الله و نعم الوكيل في هؤلاء الناس
يا جماعة من الأخر
مصر هي عدم النظام .......... و بلد اللانظام
و الشعب المصري مش عايز يتصلح و مبسوط كدا
ده الكارثة أنك لما تكلم واحد متعلم و تقوله بلاش السرعة اللي ملهاش لازمة أو تقوله بلاش الغرز
يرد و يقولك أيه
هي البلد كدا
طيب لما كل واحد يقول كدا ............ يبقى البلد هاتنصلح ؟؟؟؟

و الأدهى إن كمية الحوادث اليومية اللي بنشوفها على الطريق و لا بتغير رأي أي حد و لو حتى 1 %
و الناس بتعتبر إن ده نصيب مش أكتر
يعني لو ليك نصيب تموت هاتموت و لو ملكش يبقى مش هاتموت
و طبعا ده أسمه تواكل و لا مبالاة
كل مبادئ الحياة أنقلبت حسب الأهواء الشخصية
و الحل الوحيد هو الشرطة ......... الطريق اللي بيبقى عليه رادار الك بيمشي محترم علشان عارف أنه هايتعاقب

لاحول ولا قوة إلا بالله - ربنا يرحمهم ويجعل مثواهم الجنة - بس دية بى أم يعنى الأمان رقم واحد وتتحرق بالشكل دة حرام والله دة كدة الواحد يركب توتوك ويتوكل على الله

إنا لله وإنا إليه راجعون

انا خترت الاولي :
اولا القيادة السريعه غير مبررة اطلاقا ...الا لو كانت سيارة شرطة اثناء مطاردة او سيارة اسعاف...غير كدة مش من حق اي بني آدم انة يجري بسرعه تفوق السرعه المقررة من ادارات المرور..
ثانيا ..ايلي ساق السيارة بسرعه عالية هو كدة قصد انة يخالف قانون السرعات وفي نفس الوقت هي بيعرض نفسة وايلي معاة وايلي بيستخدموا الشارع معاه للخطر والتهلكة...
وفي افتاء للشيخ ابن باز رحمة الله ...بان تجاوز السرعه المقررة هو مخالفة لامر شرعي...
حيث ان اي امر يطلقة الحاكم بما فية صالح الرعية والحفاظ علي حياتهم وممتلكاتهم هو امر ينضم للامور الشرعية ....واعتبر قائد السيارة المقتول في حادث بسبب سرعتة في القيادة اقرب الي المنتحر شرعا...لانة يعلم ان في سرعتة خطر علي حياتة ...

الناس كلها في كل حتة في العالم ما عدا مصر ...بيحترموا آلة القتل (السيارة)..وبيتعاملوا معاها بمعاملة متفهمة لطبيعتها ....

يعني وانا في انجلترا....في بعض الشوارع داخل المدينة السرعه القصوي 30 ميل...يعني 45 كم /س ....ومع ذلك الناس كلها ..حتي لو الطريق فاضي...وفي اي وقت نهار ليل ..ملتزمة جدااااااااااا بالسرعه دي...رغم ان ممكن تمشي علي 60 و 70 عادي...

ياريت الناس تتعظ...وتعرف ان اي انسان مات بسبب تهور واحد او سرعه زائدة عن الحد المسموح...هايتسال يوم القيامة ...لية قتلت فلان...لانة كان سبب في قتلة بسرعتة ورعونتة ...وعدم اهتمامة لا بحياتة ولا بحياة الآخرين...

ربنا يعافينا ...ويرحمنا من البلاء..

ربنا يغفرلهم ويرحمهم

اذا حصل ان سيارة خبطت شخص وتوفى
لو السائق كان ماشى على السرعة القانونية يبقى يعاقب عن جريمة قتل خطأ (انا لو قاضى فى الحالة دى هحكم عليه بسنة مع ايقاف التنفيذ)
اما لو كان السائق متجاوزا للسرعة القانونية هعتبر ان التجاوز هنا ظرف مشدد لعقوبة القتل الخطأ
وطبعا فى ظروف لابد ان تدخل فى الاعتبار:
1-هل الشخص اللى توفى ده عبر الطريق من الاماكن المخصصة سواء قانونا او عبر من مكان الناس معتادة على العبور منه؟
2-سرعة السائق المتسبب فى الحادث هل التزم بالسرعة القانونية ام لا؟ هل بذل عناية الشخص العادى لتوقى الحادث ام لا؟
وهناك ظروف اخرى لابد من وضعها فى الاعتبار

اولا ربنا يرحمهم برحمه يارب ويجعل مثاوهم الجنه باذن الله
ثانيا وطبعا ده قدرهم فى كل حال

انا اخترت لا هو ما كانش قصده علشان هو فعلا ما كنش قاصده وفيه ناس بتحصل معاه موقف زى ده وبيكون فعلا مكنش قصده وبيقى قتل خطا وممكن الموضوع بتحل بالديه

المفروض بقى اللى يحصل ان قانون يطبق على السرعات العاليه دى ويوصل للحبس لقائد السياره ومثلا سحب رخصه شهر ده المفروض اللى يحصل علشان نحد من السرعه العاليه