و الله معاك حق
عندنا هنا في مصر ماشيين بنظام طنش تعيش و محدش يعرف اهميتها
و كله بيكبر دماغه و تيجي تتكلم الرد المعتاد يا عم كبر دماغك
لدرجة ان الواحد لما بيقول هروح اخد دورة في الدفاع المدني و الاسعافات الأولية كان الكل بيضحك كأني قولت نكتة
و في بعض المدارس بتعلم الطلبة مواجهة حالات الحرايق و بعض الشركات بتودي موظفيها ياخدوا دورة في الدفاع المدني لكن برده يتعدوا ع الصوابع
المفروض التعليم من ابتدائي لحد ثانوي كل سنة دورة لمدة اسبوع في مواجهة حالات الطوارئ من : حريق و زلازل و حروب و الفيضانات
و من ثانوي لحد جامعة دورة لمدة اسبوعين كل سنة في الاسعافات الأولية و الدفاع المدني و تكون منحة زي ما icdl منحة من وزارة الاتصالات يبقي الدفاع المدني و الاسعافات الأولية منحة من ادارة الدفاع المدني و الهلال الاحمر و يكون عليها درجات عملي في المدارس عشان يهتموا بيها و لازم تكون شرط في الجامعة عشان تاخد البكالريوس او اليسانس ...الخ زي الـicdl
و مفيش وظيفة الشخص يتقبل فيها الا لما يكون معاه شهادة انه واخد دورة في الدفاع المدني و الاسعافات الأولية زي ما بيطلبوا ان يكون من ضمن السي فيIcdl
و طبعا بما انها هتكون زي الـ icdl اجباري في الجامعة فكله هيبقي معاه
و اللي مخدهاش ممكن ياخدها و تكون برسوم رمزية
و للأسف بعض موظفين الامن الصناعي بيبقوا مش فاهمين حاجة لدرجة اني مرة كنت بفهم واحد امن صناعي الفرق بين الطفاية اللي ضغطها عالي و ضغطها واطي و ايه اللي يحصل في حالة كل واحدة يا فرحتي اومال انت ماشي بتعلم ع ايه في الكروت المتعلقة ع الطفايات
البلد مش محتاجة ثورة تغيير اد ما محتاجة ثورة تظبيط
اسف ع الاطالة لكن انا عقلي بجد هيشط و نفسي في حاجات كتيير تتعمل في البلد و تطبق
تقبل مروري
المفضلات