الموضوع: تعالو نصارح بعض بجد

المشاركة الأصلية كتبت بواسطة otefa

الله يقتح عليك حاتم بيك
وحتى السياحة تستبدل بسياحة عربية أسلامية(الغرب مليء بالمسلمين كمان)
يعني مش هانخسر بالعكس ممكن نكسب أكثر دنيا وأخرة

يا هندسه احنا تلاميذك
صدقني الحرامي التائب حينما تدير معه حوار ستكتشف انه مكنش عايش قبل ان يذوق طعم الحلال
و الله فيه ناس بتروح تحج و بترجع متعرفش هيا عملت ايه هناك من كتر الذنوب و ناس تحكي انها اعوذ بالله مشفتش الكعبة خالص فيه اكتر من كده
لانهم بيروحو هناك و هما مش هناك هما في وادي تاني بس وادي شيطاني اعوذ بالله
فما بالك بالموظف اللي كان فاتح الدرج ال 8 ساعات في الحرام و بعدين يروح يعتمر و لا يحج
و اللي بيرشي علشان يطلع يحج اليس كل هذا من البعد عن اصول الدين في كيان الدولة

المشاركة الأصلية كتبت بواسطة mhdside

بارك الله فيك

و في حضرتك ارجو ان نتشارك الافكار كي تعم الفائدة

المشاركة الأصلية كتبت بواسطة ainshouka

الافضل من كل دا ان بقى فيه دلوقتى مساحة حلوة جدا للحرية ودى اللى حتظهر افكار الناس من التيارات الدينية

ومين اللى فكره كويس ومين اللى فكره سئ

عكس زمان تلاقى الدروس فى الجوامع كلها عليها رقابة مشددة ومتراجعة وكلام مينفعش يتقال دا غير انها لازم تكون محدودة

فمكنش بيقدر يبان اوى الكويس من السئ

وكفاية جدا ان الازهر ياخد وضعه تانى

وفى الاخر اللى حيبقى دماغه وتفكيره كويس هو اللى الناس حتستريحله

وربنا يقرب البعيد

كلام حضرتك عين العقل كلما سمح للدين بالانسياب كلما حلت الوسطية و كلما ضيق علي الدين و اتباعه كلما ظهر التطرف في الفكر و التشدد الاعمي لانه بيحاول ان يجد لنفسه متنفس فيميل الي الحل الاسهل و هو مقاومة المنع بالعنف
حينما ضيق علي المسلمين الاوائل ( جعل الله الهجرة حل لهم ) في مواجهة الكفر و حينما فتح الله للمسلمين مكة ( ارشد رسوله الكريم للعفو عن اهلها ) هكذا هو الدين و جماله و سماحته
الكثير و الكثير من الناس كانو لا يعرفون الشيوخ امثال ( محمد حسان و محمد عبد المقصود و ابو اسحاق الحويني ) و شيوخ الاخوان المسلمين ( محمد بديع و عصام العريان و عبد المنعم ابو الفتوح ) و غيرهم لم يكن احد يعلم عنهم شئ لان الاعلام الفاسد الموجه لهدم هذه الامة كان يظهرهم بأشكال سيئة و المجموعة الاولي يا عم بتقول جلباب و نقاب و مفيش تليفزيون و مفيش مصيف و مفيش كذا و كذا و نسيو انهم قالو هذه الاشياء بعد ان
( التزم اتباعهم بصلاة الجماعة في المسجد و التزم اتباعهم بعدم الكذب ابدا و مراقبة الله سرا و علانية و التزمو بصيام السنن المؤكدة و التزم اتباعهم بالخروج في سبيل الله ( للامر بالمعروف و النهي عن المنكر ) و بناتهم التزمن العفة و عدم الاختلاط مع شباب العائلة من ابناء العم و الخال اولا كما امرهم الله و رسوله
و بعد كل هذه الالتزامات قررو الالتزام الشكلي الذي يقربهم لشكل الصحابة و التابعين و لامهات المسلمين
و خوفو الناس من القسم الثاني و هم الاخوانجية انهم قتلو وزير ( ايام الاحتلال و اخدين بالكو ايام الاحتلال ) و هو كان خائن فعلا و لكن نحن في زمن العجائب بيسمح للفنانه و الفنان انهم يفتو و يقولو رأيهم كما يترائي لهم و لكن حامل الدين لا مكان له بيننا للاسف

المشاركة الأصلية كتبت بواسطة نور القمر

اتمنى من الله ان مصر تكون اسلامية
ليه
لان البني ادم ضعيف ونفسه امارة بالسوء ده غير وسوسة شياطين الانس والجن فعلى سبيل المثال موضوع الالتزام باللباس المحتشم هيكون الكل مجبر عليه واللي ممكن عينيها تتزغلل بالبنات اللي لابسة المحذق والملزق او اتباع الموضة ساعتها هتكونمداخل كتير للشيطان اتقفلت

و الله يا اختنا الفاضلة كلماتك ذكرتني بأيام مررت بها شخصيا
في المرحلة الثانوية كانت من سنين كنير و علي ما اتذكر اصلي عجوز اوي المهم كانت هذه الفترة تنتشر فيها الجماعات الاسلامية سواء الجيدة او بواقي السيئة اواخر الثمنينات
المهم الناس الكويسة بتاعة ( التبليغ و الدعوة ) و ( انصار السنة ) و ( الامر بالمعروف و النهي عن المنكر ) كانو لانتهاجهم المنهج الوسطي سمح لهم بممارسة دعوتهم فكنت انا وزمايل الشارع مثلا نبقي واقفين سته سابعة في اجازة اخر العام بنتجمع ورايحين نلعب ماتش كورة و هب نلاقي اخوانا دول جايين من اول الشارع بملبسهم الجميل الابيض و الابتسامة العريضة و السلام عليكم يا اخوان
نرد في صوت منخفض و عليكم السلام
و يبدأ الكلام بالصلاة علي النبي و اذا بواحد فينا يستأذن علشان رايح يجيب لامه دوا من الصيدلية مع انه لابس ترنج و احتمال يكون الكورة في ايده و ينسحب و شوية التاني بينسحب بحجة انه هيصلي العصر في مسجد بعيد و مينفعش يتأخر لحسن لو لم يصلي هناك احتمال متتقبلش منه الصلاة ( اي هبل طبعا ) و انا مثلا اتحجج بأي موضوع و الرابع و الخامس و هكذا حتي يسيرو في هدوء للبحث عن شباب اخر لاصطجابهم معهم للمسجد ليدركو الجماعة و لو فيه درس بعد الصلاة و لا حاجة المهم بقي اننا كلنا طبعا مبنروحش ساعتها انما بنتقابل في اخر الشارع و نفضل نبص من وراء الحيطة لحد ما نتجمع مرة بقي سابونا نتجمع و جم لينا المدرسة الثانوي اللي بنلعب فيها و ساعتها خدونا علي مسجد الفتح اللي امام المدرسة و من ساعتها و اغلبنا بفضل الله من المحاولين ان يلتزمو و خرج منا من اصبح اليوم من اهل الدعوي بفضل من الله
و كانو سبب لهدايتنا
من هذه المعلومة و تصديقا لكلام حضرتك الموضوع يحتاج الي مجاهدة للنفس و ان يكثر الخير و تكثر سبله و اسبابه في شتي مناحي الحياة

م.حاتم السباعي