الموضوع: ما هي العلمانية؟

المشاركة الأصلية كتبت بواسطة تامر.محمد

انا شايف يا باشا ان اللي بتقوله انا اتكلمت عنه فعلا و اتمنى منك تراجعه تاني



ما معناه ان كل معتنق دين شايف دينه حق و واقع مش شيء نسبي ولا لأن فيه ستة تانيين في العالم مش مقتنعين بدين فلان (مش شرط انا) يبقى ده معانه بالنسبة لفلان ان دينه مجرد فكرة في عقله , و الا يبقى ايمانه نفسه غير سليم, عشان كده زي ما باقول لك , نظرة ان كل الاديان سواء لا تنبع الا من تفكير الحادي او لا ديني على اقل تقدير لأنها بتتعارض مع ايمان فلان نفسه

اذن فالحل بتاعك ده تكريس لظلم الجميع باعتبار ان المساواة في الظلم عدل , هل هذا منطق يا رجل :)




1



2
هاحط لك فرضيتين
الأولى
لو البلد اغلبيتها عايزينها مليانة بارات يبقى قشطة و كلهم ربنا هايحاسبهم على كده
لكن لو البلد اغلبيتها مش عايزين حاجة محرمة في ديانتهم تنتشر في بلدهم , و انت اجبرتهم على قبول ده يبقى اخليت بالديمقراطية اللي هي اختيار الشعب و ظلمت اغلب الشعب . ازاي بقى تعمل كده ؟
:)
الفرضية التانية
مثلا الحكم الاسلامي بيمنع الاتجار في المخدرات و تعاطيها , و الدين x ما بيمنعهاش , هل ده معناه ان من الصحيح انك تسيب الناس تتعاطى مخدرات طالما في حالهم ؟ ده بيحصل في هولندا اظن ؟
اللي عايز اقوله من الفرضية دي , ان نقطة الناس تعمل اللي هي عايزاه طالما في حالها دي فرضية شكلها جميل لكنها غلط خالص
ازاي ؟
انا مثلا يسؤني اني اشوف واحد سكران و بيتطوح قدامي و باعتبر ده ايذاء معنوي ليا , و السكران ده عايز يسكر , هاتحكم بيننا ازاي ؟ هاتقول لي هو حر ؟
طب ده لو احنا اتنين , انما لو 90% مثلا من الشعب بيسوئهم كده , هل هاتقول لهم كلهم مالكوش دعوة و تيجي على 90% عشان 10% , ولا عشان خاطر مبدأ انت مؤمن بيه ؟ , في الحالتين فين الديمقراطية ؟
طب ما بنفس المنطق يبقى تجارة المخدرات قشطة هي كمان , ما لو الناس مش عايزينها مش هايشتروها, و فيه طبعا اللي عايزينها و كتير , و زي ما قلت لك فيه دول فيها ده عادي

يبقى كده هل العلمانية تعني السماح بالانحلال حتى لو اغلب افراد المجتمع مش عايزينه ؟؟؟؟

بص يا باشا , انا كل ده باحاول اكلمك من طرف الفكر الديني السوي بصفة عامة , مش من طرف اسلامي[/QUOTE]

شوف يا عزيزي

الديموقراطية مفهوم تطور كثيرا بعد الحرب العالمية الثانية تحديدا بعد ما منحت الديموقراطية الحق للقوي الفاشية والنازية بالأنقلاب علي الديموقراطية وصنع انظمة استبدادية

فأصبح أساس من أساسيات الديموقراطية هو عدم جواز مصادرة الحرية الفردية .. صحيح ان احيانا هناك ناس تسئ إستخدام الحريات الفردية وهنا بتوضع ضوابط للحد من إساءة الإستخدام

فكرة الأغلبية لها إحترامها ولكن أيضا هناك حدود لحكم الأغلبية وسيبونا من مثال الخمر ومثال الشذوذ لأنهم أمثلة مضلله في رأيي الشخصي

تعالي ناخد فكرة إغلاق المواقع الإلكترونية مثلا .. نفترض موقع يحرض مثلا علي الإلحاد وموقع يحرض علي تغيير قوانين جائرة صاغتها الحكومة زي قانون منع التظاهر مثلا

في حالة الديموقراطية الإنتخابية .. يمكن لللأغلبية منع الموقعين وصياغة قانون يمنح للحكومة حق إغلاق المواقع .. صحيح أن الموقع الأول مضر لكن التاني مفيد لأنه يحافظ علي حق اساسي هو حق التظاهر السلمي

في حالة الديموقراطية الحرة .. لا يمكن للأغلبية إطلاقا منع الموقعين لأنهما في إطار حرية الفكر والتعبير، صحيح واحد مضر والتاني مفيد، لكن الموقع المضر يمكنك الرد علية وتعمل موقع ضدة يفند الحجج والأراء اللي فية
---

تعالي نرجع لموضوع الخمور، صحيح ان فكرة واحد سكران في الشارع فكرة سيئة، لكن في نفس الوقت ملكش حق منع واحد عايز يسكر في بيتة، كمان الحكمة الدينية بتقتضي ان المحرمات تكون قدامك وتمتنع عنها لأن دة الإختبار الحقيقي للمؤمن

كمان إباحة الخمور وبعض انواع المخدرات في دولة زي هولندا مش جهجهوني كدة ... دة محاط بقيود عنيفة رفعت أسعار المخدرات ووقفت التهريب بعد دراسات إكتشفوا فيها بالأرقام ان نسبة المتعاطين زادت في أغلب الدول الأوربية اللي منعت تعاطي المخدرات

ويكفي اقولك تابع أخبار حالات تسمم الكحول في دولة زي السعودية جراء منع تداول الخمور ونسب التهريب المرعبة حتكتشف ان التقنين وفرض رسوم عالية تقلل من شرب الخمور

ويمكن مراجعة حالة الولايات المتحدة لما حظرت الخمور في فترة من فترات القرن العشرين علي المصايب اللي اتعملت لما منعت

علي فكرة مصر دولة منعت تداول المخدرات

عايزك تكون صريح وتقولي تعرف كام واحد مش بيحشش علي الأقل

ولو ملقاش حشيش مش بيضرب خمور !

ولو ملقاش مبضربش برشام !

----------

انا الحمد لله مليش في التلاتة رغم أني مدخن شرهه، بس رأيي ان لو سابوا الحشيش مثلا بجمارك عالية حنترحم اصلا من عصابات التهريب وفوضي تجارة المخدرات اللي تحولت إلي مورد رسمي من موارد رجال الشرطة ! ومتقوليش نخلي القوانين صارمة، لأن فعلا القوانين المصرية صااااااااااارمة في مسألة المخدرات

أبسط مثال - مثال علمي
مأزق الخلق مقابل التطور


يقولك الإنسان اصله قرد..طب ماطبعا ماهو لا يؤمن باله في السماء بيخلق الكون ومن فيه
يبقى لازم يدور على طريقة تانية يفسر بيها

Humans, known taxonomically as Homo sapiens[3][4] (Latin for "wise man" or "knowing man"),[5] are the only living species in the Homo genus of bipedal primates in Hominidae, the great ape family.
الإنسان....معروف بكذا كذا كذا..هو النوع الوحيد الباقي من عائلة القرد العظيم

يعني اختار إنه يلزق نفسه فالغوريلا والقرود عن إنه يعترف إنه مخلوق من حاجة لا يقدر عقله على رؤيتها
(الكلام من ويكي حتى مش من صفحات المقارنة)

المشاركة الأصلية كتبت بواسطة angeliccore

أبسط مثال - مثال علمي
مأزق الخلق مقابل التطور


يقولك الإنسان اصله قرد..طب ماطبعا ماهو لا يؤمن باله في السماء بيخلق الكون ومن فيه
يبقى لازم يدور على طريقة تانية يفسر بيها

humans, known taxonomically as homo sapiens[3][4] (latin for "wise man" or "knowing man"),[5] are the only living species in the homo genus of bipedal primates in hominidae, the great ape family.
الإنسان....معروف بكذا كذا كذا..هو النوع الوحيد الباقي من عائلة القرد العظيم

يعني اختار إنه يلزق نفسه فالغوريلا والقرود عن إنه يعترف إنه مخلوق من حاجة لا يقدر عقله على رؤيتها
(الكلام من ويكي حتى مش من صفحات المقارنة)

لاحظ ان لو الكلام مش على هواك فده مش معناه انه مش صح بالمناسبة

المشاركة الأصلية كتبت بواسطة dell2000

لاحظ ان لو الكلام مش على هواك فده مش معناه انه مش صح بالمناسبة

ده ده بقى أي ديانة من الديانات اللي بيطلقوا عليها ابراهيمية - السماوية - بيؤمن بيه

صح أيه بس ياراجل ياطيب أصدق بني أدم زي زيه وأكدب رب العباد ده أسمه ألحاد

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ ﴿4﴾

وَلَقَدْ خَلَقْنَا الْإِنسَانَ مِن سُلَالَةٍ مِّن طِينٍ ﴿12﴾ ثُمَّ جَعَلْنَاهُ نُطْفَةً فِي قَرَارٍ مَّكِينٍ ﴿13﴾ ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ ۚ فَتَبَارَكَ اللَّـهُ أَحْسَنُ الْخَالِقِينَ ﴿14﴾ ثُمَّ إِنَّكُم بَعْدَ ذَٰلِكَ لَمَيِّتُونَ ﴿15﴾ ثُمَّ إِنَّكُمْ يَوْمَ الْقِيَامَةِ تُبْعَثُونَ ﴿16﴾ وَلَقَدْ خَلَقْنَا فَوْقَكُمْ سَبْعَ طَرَائِقَ وَمَا كُنَّا عَنِ الْخَلْقِ غَافِلِينَ ﴿17﴾

+1

المشاركة الأصلية كتبت بواسطة otefa

صح أيه بس ياراجل ياطيب أصدق بني أدم زي زيه وأكدب رب العباد ده أسمه ألحاد

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ ﴿٤﴾


وبالمناسبة الأيات الكريمة ألي تحت مثال من عشرات بل مئات الأمثلة لما أكتشفناه للأعجاز العلمي في القرأن الكريم يعني مافيش فرصة حتى تشكك في صحتها أو تتساءل وأنا أش ضمني أنها كلام الله وليس كلام بشر حاشى لله

وَلَقَدْ خَلَقْنَا الْإِنسَانَ مِن سُلَالَةٍ مِّن طِينٍ ﴿١٢﴾ ثُمَّ جَعَلْنَاهُ نُطْفَةً فِي قَرَارٍ مَّكِينٍ ﴿١٣﴾ ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ ۚ فَتَبَارَكَ اللَّـهُ أَحْسَنُ الْخَالِقِينَ ﴿١٤﴾ ثُمَّ إِنَّكُم بَعْدَ ذَٰلِكَ لَمَيِّتُونَ ﴿١٥﴾ ثُمَّ إِنَّكُمْ يَوْمَ الْقِيَامَةِ تُبْعَثُونَ ﴿١٦﴾ وَلَقَدْ خَلَقْنَا فَوْقَكُمْ سَبْعَ طَرَائِقَ وَمَا كُنَّا عَنِ الْخَلْقِ غَافِلِينَ ﴿١٧﴾

سميّه إلحاد سميّه اي حاجة تانية
لكن زي ما قلت في الأول ان دي نظرة محدودة لأن مش كل الناس مقتنعة بما ذكرته انت سالفا