أنا عايز أشتري نيفا موديل الثمانينات و أركبلها تكييف تنصحوني بإيه ؟؟

**haythamhh** · 26-05-2011 01:10 PM

عايز أعرف اهم عيوب النيفا فعلا .. هل بتسخن .. هل التكييف فيها بينفع .. ارجوكم الافادة و شكرا

**a7madramadan** · 26-05-2011 07:17 PM

بتسخن ..... دي بس تحتاج تظبطلها المروحة والرادياتير و ماتعليش البنزين على الفاضي وانت ماشي مش هتسخن ان شاء الله

والتكييف للأسف ما بينفعش فيها لإن العزل الحراري سيء جدا جدا فيها مالهوش لازمة

غير كده لازم بما إنك بتشتري مستعمل تاخد معاك ميكانيي او سمكري ثقة جدا جدا وفاهم قوي لإن النيفا الي فالسوق مش قد كده ... هتلاقي في 90% منهم عيوب قاتله ... والــ 10% هتلاقيهم نظاف قوي بس أسعارهم مبالغ فيهم جدا .. ده كلام اثنين هنا فالمنتدى من القاهرة و آخرين من أصحابي فالإسكندرية ... و ماتستعجلش في الشراء والله الموفق

**haythamhh** · 28-05-2011 12:13 PM

أشكرك جدااا علي النصيحة
طب ايه رأيك في الجولف موديل 80

**amro0** · 02-06-2011 03:52 AM

انصحك تشترى نيفا مش ح تسخن لو عدلت المروحة والرادياتير ( تغيرة من حديد الى نحاس 3 ماسورة ) فهى دبابة روسى

وفعلا 10 % من الموجود فى السوق حالتة نظيفة اتعب شوية فى البحث عنها ح تلاقيها ولكن سعرها مش ح يقل عن 20000 الف جنية النظيف والمتروشة ولكن لن تندم شرط حالتها نظيفة

**keko** · 02-06-2011 08:40 AM

ولو العربية صاجها سليم جدا وشاسيه ممتاز و حالة الكاوتش جيدة والكرونة سليمة وفيها شغل فى حاجة تانية ماشى بس تخصم ضعف تكاليف اللى محتاج يتظبط علشان وقتك برضه بفلوس