هل يوجد أزمة بنزبن
عمال اسمع تلميحات عن الموضوع ده
ايه النظام
عرض للطباعة
هل يوجد أزمة بنزبن
عمال اسمع تلميحات عن الموضوع ده
ايه النظام
ماسمعتش حاجه عن الموضوع ده و متابع انا نشوف بقية الاعضاء هاتقول ايه
تلميحات إيه ؟ إنت قصدك إن هيبقى فيه ؟؟
لا انا مسمعتش اى اخبار عن اسعار البنزين
بس اللى انا عرفه انه فى ازمة فى السولار وكل بنزينة اعدى عليها الاقيهم حطين حواجر على ماكينة تزويد السولار
ﻷ خالص الدنيا عادي جدا
لا البنزين متوفر تمام حتي ال80 موجود اطمن
الحمد لله
بالفعل كان فيه ازمة افتكر الحمد لله عدت وكانت لمدة 3 ايام امبارح مكنش فيه بنزين فى كل بنزينات مساكن شيراتون مص الجديدة واتوفرت اخر النهار والراجل مرضيش يفول العربية العامل قال ان فيه ازمة بقالها 3 ايام فى البنزين ومرضيش يحط غير 20 بعدها بليل الامور تقريبا رجعت عادية لانى فولت والعامل مقاليش حاجة تانية وتقريبا مش كل الناس حست بالموضوع ده لان اغلبية الناس بتفول اول الاسبوع وبعد كده ب3 او 4 ايام ترجع تفول تانى فالفترة كانت فى النص وربنا يسترها معانا هاتبقى مشكلة كبيرة مش ال 80 بس دى كانت فى ال90 و ال92 تحياتى
من امبارح فى مشكله فى بنزين 80 وانا شخصيا بقالى يومين بعانى من الموضوع ده وسمعت ان فى بعض المحافظات والموضوع شوية شوية هيبقى فى مصر كلها وسمعت تلميحات من عصام شرف ان ممكن يبقى فيه نيه لرفع الدعم 10% عن البنزين
أنا امبارح دخلت كذا بنزينه علشان امون كانت خاليه تماما من السولار والبنزين بكافه انواعه
ده كان الفترة اللى فاتت من كام يوم كده ورجعت الامور بخير الحمد لله
يا شباب بالنسبة لموضوع الدعم ده طلع أونطة على رأي د الكفراوي وزير الاسكان الاسبق
عارفين يعني ايه
يعني بيحسب سعر البنزين لو تم تصديره كان هيجيب كام وبالتالي يقولك أنا بدعم الفرق
تاني بالارقام عشان لو محدش خد باله
علي سبيل المثال
يتم تصدير لتر البنزين للخارج ب 2 جنيه
ويباع في السوق المحلي ب 1.5
فيصبح الدعم 1/2 جنيه فيتم التهديد برفع الدعم عشان يساوي تمن تصديره 2 جنيه
طب المصيبة فين بئه :) :) :)
إن البنزين ده مستخرج من أرض مصر يعني ملكك وملكي وملك كل المصريين مينفعش تقول ليا لو صدرته هيجيب كام ونفس المثال بالنسبة للكهرباء
استاذ احمد اينعم فيه الناس خايفة من واقع بكرة لأنه فيه اشاعة سارية انه البنزينات بكرة ها تتقفل كلها !!
حضرتك البنزينة اللي في العروبة وراها طوابير واللي في المرغني !!! الناس عندها خيال انه بكرة ها تحصل ازمة زي ازمة 25 يناير ومش ها تلاقي بنزين خالص !!!
أنا لفيت كتير جدا على ما عرفت املى بنزين
متابع بس هذا الكلام ليس الان ولكن منذ فترة
من ساعة ما حصلت أزمة السولار و ال80 قليل عندنا مش بلاقيه بسهوله أخرها امبارح بالليل (الأربعاء) محطه واحده في طنطا اللي فيها وطبعا طوابير كبيره جدا ..
و بقالي كام يوم مش بعرف افول غير من المحطات اللي علي الطريق الزراعي مع العلم اني ممكن ادخل المحطه منهم الصبح ملاقيش بالليل ألاقي وبرضو مش كلهم
بالنسبة ل 92 موجود ومافيش اي مشكلة واغلب البنزينات الي بعدي عليها بلاقي عربيات واقفة جواها بتمون
الظريف ان من 5 ايام فاتوا كل ما اجي ادخل بنزينة عشان احط بنزين الاقي عربية البنزين لسة بتملاها ودة كان في 4 بنزينات في اماكن مختلفة
أمبارح و أول أمبارح كان المنظر غريب عند موبيل on the run اللي عند بوابة 13 في الرحاب ... طوابير ولا أكنوا بنزين 80 !
أهلا بالطنطاوية
محطة البنزين اللى عند شركة البترول فاضيه صباحا ومساءا من كافة أنواع البنزين أو السولار!!!
محطة بنزين قرانشوا اللى بعد المطاحن وانت جاى من اسكندرية وداخل على طنطا عليها طوابير على البنزين
والسولار خلصان
فيه محطة قدام بعد الكوبرى قبل دخلة المرشحة فاضية تماماً برده
المحطة الوحيده اللى عرفت أمون منها بنزين وكانت رايقه نوعا ما
فى آخر شارع البحر عند مستشفى المبرة
الكلام ده امبارح بالليل يوم الخميس