عرض للطباعة
محتار نيسان صنى اوتوماتيك مستعمل 2007 ولا لانسر 2007 اوتوماتيك مستعمل لأن اللى ملاحظه ان مفيش حد مجتمع على عربيه؟ ولا بنفس الرينج ده أجيب لاونس أو لوجان زيرو؟؟؟
ولو مستعمل أفضل ايه السعر العادل للعربيتين نيسان صنى اوتوماتيك مستعمل 2007 ولا لانسر 2007 اوتوماتيك مستعمل؟
ومين أفضل من الاخر انا عايز القول الفصل فى نيسان صنى اوتوماتيك مستعمل 2007 ولانسر 2007 اوتوماتيك مستعمل؟
أرجو الاهتمام من اخوانى أعضاء المنتدى
دور في الانسر احسن بس ياريت لو 1600 تبقى جميلة جدا لو 1300 هاتها مانيوال
سعر الصني ارخص يعني ممكن تجيبها اوتو في حدود 65-66 الف اما الانسر لو 1300 هتعمل 69 و لو 1600 كلاسيك تعمل 73-74 لو عربيات كلها فابريقة برة و جوة
استاذ فؤاد شكرا ليك حضرتك بتوصى بلانسر بس للأسف أنا اللى معروض علي حاليا صنى 2007 أوتوماتيك فابريقه بره وجوه على 65000 هل أخلص فيها أفضل ولا بلاش الصنى خالص لأن فى ناس قالولى انها عربيه فاشله والمهم بدون ابداء أى اسباب فبجد مش عارف ايه عيوب الصنى دى وايه مميزاتها؟؟
فين مشاركات الاخوه الاعضاء
اصل حضرتك داخل قسم النيسان و بتقول انها عربيه فاشله طيب اللي قالك كده ماقالش ليييه فاشله ياباشا ولا هيا فاشله كده و خلاص
عموما عموما خاليك في اللانسر احسن لان الصني عربيه فاشله فعلا
اقتباس:
المشاركة الأصلية كتبت بواسطة m.fouad
استاذ وليد حضرتك متهيائلك انى جاى اتريقز أنا فعلا مش عارف مميزات العربيه وعيوبها وعايز أعرفها وفعلا زى ما قلت ان اللى قال انها عربيه فاشله حد بتكلم امامه بالصدفه ودون \أن يبدى أى اسباب يا ريت أعرف عيوب العربيه ومميزاتها خصوصا الاوتوماتيك منها من أصحابها اللى راكبينهااقتباس:
المشاركة الأصلية كتبت بواسطة walidadel
بص الفرق بين العربيتن هايبقي في ايه
اللانسر بياعه اوووي فممكن تكون اتباعت اكتر من مرة وماشيه كيلومترات كتير وسعرها اغلي من الصني نفس موديل السنه وكيلومترتها ممكن تكون اقل الثلثين ولا حاجة ومش متهانة ..... ديه اول حاجة
ثانيا ... عفشة وقطع غيار الصني معمرة جدااااا ماشاء الله عن اللانسر ... وديه بشهادة مالكي اخد اكبر محل قطع غيار في جسر السويس للياباني
ثالثا .. التوكيل ... وبفضل الله مفيش توكيل ژي توكيلات نيسان ومراكژ صيانتها اللي كل يوم بتحسن من نفسها
اخير الانتشار ... مفيش شك ان اللانسر منتشرة جدا ودلوقتي الصني في مرحلة انتشار رهيبة ماشاء ولو فاشله مكانش الحجز عليها بقي بالشهور
ماشاء الله عربيه موتورها و فتيس ياباني... عزمهم مشفتش زيه ماشاء الله وعفشة تستحمل علطرق الحرير بتاعه مصر
انت انزل شوف العربيتين لي الطبيعه ... وانت اللي هاتقرر
ومتنساش الاستخارة
اقعد بالعافية
توكل علي الله نيسان ومش هتندم
الانسر لو 1300 متفكرش فيها نهائي
لو يهمك اعادة البيع او لو هتبيع بعد فترة قريبة هات لك لانسر 1600
جزاكم الله خير على بركة الله يبأه نيسان صنى بس يا ريت لو أى أخ تانى عنده مشاركه سواء بيعيب أو ميزه فى صنى 2007 اوتوماتيك بالذات لا يبخل علينا بيه والله الموفق والمستعان ههههه
معاك في اللي قلتة بس معترض على العفشة و قطع الغيار الانسر احسن بكثير جدا عن الصني في العفشة و دة عن تجربةاقتباس:
المشاركة الأصلية كتبت بواسطة sonasteel
فية نقط بقى لصالح الانسر العربية تقفيل ياباني بالكامل مفيش اي عيوب للتقفيل المصري زي الصني خاصة ان فرق السعر مش كبير اوي فاحسن اجيب الانسر
الشكل دة ازواق بس شكل الانسر اشيك من و جهة نظري هو و التابلوة
على فكرة احنا عندنا صني بس شايف ان الانسر لو 1600 تبقى احسن بكثير بردة
هو فرق الفلوس بينهم مش كبير بس شوف حاله ديه وحاله ديه
هتلاقي اللانسر مدعوكة والصني مش متهانة
والتقفيل الياباني لا يعلي عليه طبعا وكان نفسي الصني تفضل ياباني .... بس المصري مش وحش خااااالص
وكذا واحد من صحابي ميعرفش موضوع التقفيل امصري ... وكان بيركب معايا ولما يعرف انها مصري كان بيصدم
فرق السعر 25000 جنيه بين الاتنين
ومبلغ كبيير مش صغير ده لو جديده ... والسعر ده مش منافس خاااالص
اقعد بالعافية ;))
m3aya sunny super saloon 2010 mn shahr 7 ely fat w msa zy el fol etekel 3ala allah w hatha
يابيه حضرتك عندك صني تماماقتباس:
المشاركة الأصلية كتبت بواسطة m.fouad
وبتشتكي من التقفيل المصري تمام
ممكن تفيدنا بقي ايه عيوب التقفيل المصري في نظرك كمالك لها؟
اممممممممممممم
زي ما توقعت مفيش اجابه
واتمني اني اكون غلطان وسيادتك بتحضر رد
اقتباس:
المشاركة الأصلية كتبت بواسطة م/محمد
اولا شكرا لذوقك الواضح في الرد :dontudear:اقتباس:
المشاركة الأصلية كتبت بواسطة م/محمد
ثانيا انا معنديش الصني المصري عندي الياباني 2001 و عايز اقولك فرق جبار بينهم
ثالثا ربنا يباركلك في عربيتك مادام شاريها و مقتنع بيها
الفرق انت هتحسه لو بتفهم في العربيات شوف التجنيد بتاع الكراسي شوف عزل الصوت حتى و العربية واقفة شوف فرق الكاسيت و السماعات شوف استهلاك البنزين شوف موديلات 2006-2009 تكييفها عامل ازاي و قارنة بتكييف 2001 مع ان العربية 1300 و كل التقفيل المصري 1600
شوف كمية الاصوات اللي بتسمعها على الطريق في عربية بقالها سنتين ثلاثة و عربية تانية بقالها 10 سنين
شوف حتى فرش الدواسات عامل ازاي بين المصري و الياباني
روح التوكيل و شوف كام عربية حوادث الايرباج بتاعها فتح مش محطوط منظر
و مع ذلك العربية العربية التجميع المصري ممتازة جدا على قد فلوسها كفاية انك راكب عربية على الزيرو فل ابشن مانيوال ب 85 الف جنية سعر يخليني افكر مليون مرة قبل ما اشتري مستعمل لانها حاجات كلها ممكن تتعدل بس لو هشتري صني مستعمل او لانسر او ياريس مستعمل اكيد مش هفكر في الصني ساعتها و دة اللي مخلي سوقها في اعادة البيع واقع
بما ان عربيه سيادتك 2001 و1300 فاكيد هتقول ان اللانسر احسن
كده انا فهمت
وبعدين مش سيادتك اللي هتقيمني اذا كنت بفهم في العربيات ولا لا
انا مهندس ميكانيكا واشتغلت في مرسيدس سنه اول متخرجت ودلوقتي انا مهندس بترول فمعتقدتش ان حضرتك مؤهل انك تقيمني ......تمام
وبعدين كلام سيادتك مش واضح كله بيدور حول (شوف فرق التقفيل)
وفعلا معاك حق هما حطين كاسيت كينوود معفن غير الايروسباس اللي كان في الياباني ده غير ان فعلا الكراسي كنب علي الاخر والتكييف وحش جدا لدرجه انك محتاج مروحه سقف والعربيه حريقه بنزين ومش هننسي الدواسات طبعا اللي انا مش فاهم ايه مشكلتها
و ده تقييمك للعربيه لانك فاهم تنين في العربيات مش لانك من ملاكها
ومش عيب ان الواحد يكون غلبان وراكب عربيه علي اد فلوسه وده مش مجال للتريقه
وبعدين في حاجه اسمهاvalue for money يعني مروحش اجيب كورولا زيرو ب 160 الف ولا ياريس ب 130 الف ولا اجيب كورولا مستعمله ب 80 الف
ربنا يزيدك وتغير الهامر ببوجاتي ان شاء الله
بترول و ميكانيكااقتباس:
المشاركة الأصلية كتبت بواسطة م/محمد
ربنا يهديك
يارباقتباس:
المشاركة الأصلية كتبت بواسطة m.fouad
ويهديك انت كمان وكل المسلمين
وان كان غرضك الاستغراب فممكن تسال اي حد متعلم هيقولك ان شركات البترول بتشغل ميكانيكا باور وسيارات كمان
اما ان كان غرضك الدعوه فمتشكرين يا سيدي
براحه شويه يا جماعه
يبشمهندس هو ميقصدش اللى انت فهمته منه خالص ولا كان بيقيمك ابدا
عموما انا شايف ان العربيتين متقاربين
من خبرتى البسيطه
النيسان كنبتها اديق
تقفيلها اقل سنه بسيطه من الانسر " الكراسى ناشفه شويه والكاست عاوز يتعدم "
النيسان استهلاكها اعلى سنه بسيطه من الانسر
انما فى المقابل :
النيسان هتلاقيها ارخص وغالبا حالتها افضل بفرق
النيسان ممكن تتلافى عيوب التقفيل بفرض نضيف وكاسيت جديد
توكيل نيسان ملاكها يشهدوا ليه بالخبره والاحترام فى التعامل
انا سوقت العربيه حوالى 2500 كيلو اوتوماتك 2007
ثباتها محترم وفرامل جيده جدا وتكيف جيد جدا
لانسر افضل كيتر
بكل صراحة الصني مش محبوبة في مصر ومش عارف ليه
كل ما أسأل حد عليها كأني بسأله على 128