عرض للطباعة
السلام عليكم ورحمة الله وبركاته
عايز اخد رأيكم في عربيه ادامي هي لانوس 1 2001 اوتوماتيك فابريكه بره وجوه عامله 100000 كم ومطلوب فيها 41000
انا قلقان جدا من الفتيس الاتوماتيك لاني ماشوفتيش اتوماتيك لانوس غير عربيه واحده كان سحبها كويس بس كانت بتعطل كتير ( اقصد اعطال الفتيس )
وبرضه واحد قريبي معاه نوبيرا اتوماتيك والفتيس بيعطل كتير جدا
فانتوا ايه رايكم وبالنسبه لاعطال الفتيس الاتوماتيك في اللانوس ايه نظام مصاريفه والفتيس علي بعضه بكام ؟؟؟
سعرها كويس
لو مقلق من الفتيس الاوتو يبقى كبر منها ودور على المانيوال
مش كفاية العربية تبقى فبريكة لازم يكون صاحبها بيهتم بالصيانة عشان متتعبكش
انا معايا لانوس 99 اوتوماتيك الفتيس ممتاز
فتيس اللانوس يسمى الفتيس المدفع لانه كبير وفى شبة بينة وبين فتيس البيجو ال 405 الاوتو
عموما انت لازم تغير زيت وفلتر علشان تفوء العربية وخير ان شاء الله
ملحوظه : فتيس اللانوس الاوتو مش غالى انا كنت سألت علية كلة كان عامل 800 جنية بالكنترول
ولكن هو ممتاز غير النوبيرا لان فتيس النوبيرا صغير على حجم العربية
بص انا معايا لانوس اوتوماتيك 2 هو الفتيس كويس اهم حاجة انك تهتم بية ولكن هو مشكلة
اولا ملوش مقاس للزيت ولكن لية تبه ممكن تفتحها وبيتحرك الغيارات كلها وتقف على r لو نزل زيت يبقا الزيت كويس مش ناقص لو منزلش يبقا نقلص وخلينى اكون صريح معاك دا حوار ولكن ممكن تاتغلب على المشكلة دى بانك بانك بتشوف النقل بتاع الفتيس على rpm لو كان بينقول معاك وصوت العربية مش بيعلة يبقا الفتيس كويس جدا والزيت كويس لو الغيار مرحل معاك على rpm وتحس انة بياخد وقت فى النقل يبقا الزيت عندك ناقص دا حل انا بتسخدمة بدل المقاس بتاعت الزيت
المشكلة التانية ان الفتيس دا بياخد فعليا 10 لتر زيت اوتوماتيك يعنى لو جيت تغير الزيت بتاع الفتيس وهو المفروض انة بيقعد 50000 خمسين الف بتجيب زيت 300 + فلتر زيت + جيوان 10=470 (بس خلى بالك ان فى ناس مش بتغير الزيت دا اصلا والدنيا معاهم زى الفل وبعدين دى خمسين الف كيلو يعنى على كلامك ان العربية عملة 100000 يبقا الراجل غيروه مرتين )
تالت حاجة انت الفتيس د مش غالى هو كلة 900 او 1000 تقريبا او عند سوسو فى فيصل معاة العلم ان سمعت معلومة مش عارف هى صح ولا لا ان فتيس ليجانس بيركيب عبى لانوس ونوبيرا كمان ودا فتيس الناس بتشكر فية عكس فتيس نوبيرا دا زبالة
رابع حاجة بقا ودا من الاخر العميلة كلها بترجع عليك انت لو انت مهتم بالحاجات دى مش هتحصل معاك مشاكل ان شاء الله
ر