الموضوع: ليه الاخوان بيعملو كده ؟؟؟

المشاركة الأصلية كتبت بواسطة hobiko

بصراحة مش عارف ..... ليه كدة ؟؟؟؟؟


بصراحة مش عارف أقول إيه ؟؟؟؟


حسبي الله و نعم الوكيل في كل واحد بينعت المسلمين بالكفر و العلمانية و الالحاد

ربنا يهدى فعلا
[/color][/size]

المشاركة الأصلية كتبت بواسطة enas75

حضرتك مضايق من ايه هو انت نازل التحرير...او القائد ابراهيم علشان مجلس رئاسي والدستور وتاجيل الانتخابات ....يعني انت رافض نتيجه الاستفتاء واغلبيه راي الناس وعايز تمشي كلامك علي الاغلبيه بالمظاهرات......ولا ايه اسباب مضايقتك....
.....................

سبب مضايقتى ان هما عملو مظاهره يوم التلاث وعبرو عن مطالبهم ولهم مطلق الحريه وكامل الاحترام

لكن يطلعو يقولو لا للى فى التحرير ولا لكل واحد عاوز يروح معاهم يطلعو فى مظهارات ضدهم يبقى كده هما مفرقوش حاجه كده عن الحزب الوطنى
تانى حاجه وصف اللى نازلين بكره يقولو لا للظلم ولا لاهدار دم الشهداء بالعلمانين والشيوعين
اه ممكن يكون فيه ناس وسطيهم نيتهم وحشه بس مش اوصف كل الشعب بكده
هو مش ده غلط برضه ولا انا اللى غلطان
ثالثا اين الديمقراطيه اللى هما بيتكلمو عليها وهما بيشوههو صوره اللى نازلين بكره فى مكرففونات المساجد ووصفهم بأنهم من الثوره المضاده

المشاركة الأصلية كتبت بواسطة ahmedabutaleb

مش هما دول بردو اللى رفضوا النزول فى اول ايام الثورة ولا انا ناسى صحيح التاريخ بيعيد نفسه

خلاص يا باشا المجلس العسكرى وضع الخطه وهما ماشين عليها ومرتبين نفسيهم على كده
تيجو انتو بقى تقلبولهم الموازين وعاوزين المجلس العسكرى يمشى ويجى بداله واحد الله اعلم حيتحكم فيهم ازاى
ده غير كده مش حيعرفو يقولو كلمه على الدستور وحيبقو امام الامر الواقع
هما عاوزين اغلب مقاعد مجلس الشعب والدستور يبقى بعد مجلس الشعب عشان يتحكمو فى الدستور وقرارات الرئيس القااااااادم

المشاركة الأصلية كتبت بواسطة dojuar

ايه المقصود بالقوى يا حضرات؟؟

ليه الحيد عن المعنى الظاهر؟؟

هل يقصدوا الشعب أو أعضاء المنتدى الكرام اللي هاينزلوا التحرير بكره؟؟؟

الاجابة: لأ

طب يقصدوا مين بالقوى ديه؟

الاجابة: انتم عارفينهم كويس

المعنى فى بطن الشاعر
انت مش معايا تبقى مع القوى الاخرى اللى ضدى

المشاركة الأصلية كتبت بواسطة enas75

هو فين العنف ده .....انا بسال هو مضايق ليه كده ...زعلان من ايه في الموضوع علشان نفهم وجهه نظره

حضرتك رديت بطريقه مش ظريفه ده اولاً

ثانياً الراجل بيقول وجهت نظره وبيتكلم بكل احترام

ثالثاً الحمد لله انا مسلم وعارف دينى كويس .. بس مش مع المنهج اللى الإخوان المسلمين بيتبعوه

لأنهم على استعداد الأتفاق مع يهودى كافر .. عشان يخلصوا مصلحه ليهم

ودى من اكتر الحاجات اللى بتضايقنى في بعضهم .. مش كلهم طبعأ

مع احترامى ليهم :d

المشاركة الأصلية كتبت بواسطة enas75

بصراحه انا شايفه انهم من حقهم كحزب سياسي انه يبدي رايه بطريقته ...ايا كانت ولك حق الاختلاف معهم او موافقتهم عليه....وان كان صنف بعض الفئات باسماء علمانيين وشيوعيين ف رسالته فده معلش مش تصنفيهم هما ....الناس دي صنفت نفسها بنفسها واصبحت بتتحدث اعلاميا بصفتها سواء علمانيين او شيوعيين عادي......دي مش شتيمه ياسيدي الفاضل ده تصنيف موجود وانكاره ممنوش فايده
وهما فعلا اكتر فصيل حتي هذه اللحظه يطالب بوضوح بتاجيا الانتخابات ومجلس رئاسي خوفا صراحا من فوز الاخوان بالانتخابات وتقلص فرصتهم من نشر فكرهم في المجتمع ......................
طيب حتقولي يعني كل واحد كان شايف المجلس الرئاسي والانتخابات تتاجل علماني او مشرك................
حرد عليك حضرتك ادري بنفسك وبقناعاتك....لو الوصف ده يشملك طبعا حتزعل ...بس يكون ردك كلامي عليهم ...مش هما بيعملو كده ليه وحرام ...لا الرد بقناعتك زي ماهما اتكلمو بقناعتهم
ولو انت مش كده مش حيفرق معاك لان الوصف ده لاينطبق عليك....ده صراع كلامي بين فصيلين سياسين اكييد حيبقي فيه حرب كلاميه بينهم ....تدخل ما بينهم ليه

طيب والشعب اللى و لا علمانى ولا اخوانى ولا اى حد من دول المواطن البسيييييييييييييييييط
ونازل بكره يقول لا للكوسه اللى لسه موجوده
ولا للظلم اللى لسه موجود
ولا لاهدار دم الشهداء
ولا لافتعال الازمات زى الغاز والبنزين والسولار وغيره وغيره
حيقول لا للمساومه على الحريه مقابل لقمه العيش
لا لكذا ولا لكذا .......................

هل الشعب ده كده شيوعى وعلمانى
احب اقول عيب عيب عيب مش عشان انا اخدت مصلحتى ومظبط نفسى يبقى طظ فى باقى الناس واطلع فى مكرفونات المساجد اقول للمواطن البسيط اللى مش فاهم حاجه لا متنزلش بكره اللى نازل بكره دول ثوره مضاده وعلمانين وملحدين

عيب بصراحه نفس الاسلوب اللى تم ممارسته ايام الاستفتاء

أستاذه إيناس...بصي مفيش فايدة

الحق واضح...وحسابنا عند الله

المشاركة الأصلية كتبت بواسطة enas75

معلش الكلام موجه لفئه معينه فعلا .........والتصنيفات دي مهياش شتيمه لاصحابها ناس كتيره ظهرت مؤخرا في الاعلام بصفيه علماني ليبرالي ...يساري شيوعي.....ومتكلموش علي نفسهم باي صفه تانيه ولما بيتكلمو علي الاخوان بيتكلمو عليهم باسلوب مش كويس .....
والاخوان برده نفس الكلام .....
يبقي ليه ننكر شئ علي الاخوان ولا ننكره علي باقي التيارات......
.....................
وبرده فيه ناس كتيييره قوي بنسبه كبيره مقتنعه سواء تنزل او متنزلش بدون ما تكون تبع اي الفصيلين ...ودول الاغلبيه الصامته ...ودي في راي هيا صاحبه القرار في اي مواجهه ديمقراطيه حره.....يبقي اي حد يزعل ليه من اي فصيل سياسي بيمارس حقه في استقطاب اي فئه...
من هنا ورايح لازم نتعلم ان الاطراف المتنازعه السياسيه حيبقي دائما بينهم مشادات كلاميه ومواقف مختلفه....ولازم نتعلم تقبل ده......
وبعدين لو انت عايز مجلس رئاسي ومش من التصنيف الاعلامي ال.......يبقي ميفرقش معاك حد لان مش من حق حد يزايد علي وطنيه وايمان اي حد
......................
من الاخر دي معركه سياسيه يتم استخدام كافه الوسائل فيها......شئ معمول بيه في كل دول العالم وزي ما بيقولو بره
nothing personal

صح عندك حق بس برضه مينفعش استخبى ورا الدين واقول للمواطن والبسيط والشعب اللى مش فاهم حاجه تعالا معايا ومتروحش مع دول
دول كفره
دول علمانين
ده البابا راح قال نعم انت عاوزه ينتصر علينا (ملحوظه الكلمه دى اتقالتلى فى وشى من واحد من الاخوان )
اللى نازلين فى المظاهرات يوم الجمعه دول كذا وذا وكذا
ده كده اخلاق دى كده اسلوب محترم فى الحرب ومواجهه الاطراف او القوى الاخرى

والله العظيم انا كل لما اقول لنفسى وماله لما يبقى الاخوان هما المتحكمين فى مصير البلد دول مسلمين واحسن من غيرهم
الاقى حاجه من الحاجات اللى بيعملوها دى تطلع تخلينى افوق وارجع اقول هما بيعملو كده ليه