الموضوع: أجراءات نقل ملكية سيارة

انا اشتريت سيارة هيونداي النترا 2005 سعة الموتور 1600 سي سي ملاكي القاهره والرخصه سارية حتى 27/7/2011
كانت مع واحد مشتريها من مالكها الاصلي بتوكيل وباع ليا بتوكيل بالبيع والشراء للنفس وجاب براءة زمة حديثة للمخالفات
1- ذهبت الى الشهر العقاري بالتوكيلات الخاصه بالسيارة ومن ضمنهم التوكيل الخاص بي وعملت عقد بيع وشراء للنفس
وقالي الموظف معاش شهر من اليوم لانهاء اجراءات نقل الملكية ( مصاريف نقل الملكية 1000 جنيه مش عارف ليه )
2- ذهبت للمرور الخاص بي في محافظ قنا واخذت بصمة للسيارة على النموذج المعد للفحص وقالي الظابط اذهب لمرور القاهره لمطابقة البصمه
3- ذهبت الى ادارة مرور القوات المسلحة بالقاهره ومعايا ( الرخصه - اللوحات المعدنية - براءة الزمة - التوكيلات و عقد البيع للنفس )
4- عملت مطابقة للبصمه على النموذج المعد للفحص ( بدون السيارة )
5- طلبت من الموظف استلام اللوحات والرخصه وعمل شهادة بيانات بالسيارة لمرور قنا
( في الاول رفض لان الرخصه سارية لسه قلتله هاتنتهي خلال شهرين وانا عاوز اخلص مش فاض قالي روح سلمهم عندكم في قنا
في هذه الحالة كنت هاخد 3 شهور تصريح لحين ورود الملف لمرور قنا انا رفضت وقلتله لازم اسلمهم هنا انا مش فاضي ووراي شغل
ورفض رحت ذهبت الى رئيس الوحده ( العميد حسام تقريبا ) وكان في قمت الزوق وذهب معايا للموظف المختص وقاله استلم من الاستاذ
واعطيه شهادة بيانات ده جاي من سفر 12 ساعه حرام كده والرخصه خلاص شهرين وتخلص
6- استلم اللوحات والرخصه وبراءة الزمة وصورة من عقد الملكية واعطاني شهادة بيانات بالسيارة وكتب فيها ( لايطالب بالرخصه ولا اللوحات ولا المخالفات )
7- رجعت الى مرور قنا بشهادة البيانات ونموذج الفحص المختوم من قنا ثم مطابقة من مرور القاهره ( مرور قوات مسلحة )وعملت وثيقة تأمين للسيارة بمدة 13 شهر من تاريخ اليوم
بمبلغ 118 جنية ودفعت ضريبة سنه في المرور 213 جنيه ولوحات جديدة 30 جنية وشوية ورق ( ايصال كمبيوتر وطوابع وخلافه 30 جنيه ) طفاية جديدة 120 جنية
وشنطة اسعافات ومثلث عاكس 65 جنية لان السيارة لا يوجد بها استلمتها كده من الراجل
المجموع في حدود 550 جنية تم ترخيص السيارة بتاريخ جديد وتم الغاء الشهرين الباقين في الترخيص
ملحوظات على ما تم :-
1- المفروض كنت انتظرت الشهرين قبل ما اعمل عقد البيع للنفس لان مدته شهر فقط لازم اخلص فيها نقل الملكية وبكده راحوا عليا الشهرين الباقين في الرخصه
2- سوء سوء سوء معامله من موظفي المرور في وحدة تراخيص القوات المسلحه ناس مش عاوزة تشتغل وحرام ان الناس اللي ماتت في الثورة لم تأثر فيهم
3- قمه في الادب والاخلاق من رئيس الوحده ( عميد حسام تقريبا ) بدونه كنت رجعت بدون شهادة البيانات
4- الشكر كل الشكر الى الاخوه في المنتدى لوصفهم لي عنوان مرور القوات المسلحة
اتمنى من الله ان أكون افدت الجميع وانا موجود لاي استفسار