طلب من مكوجية المنتدى -احسن ناس-

السلام عليكم جميعا
انا عضو قديم هنا او مكوجى زى مابتقولوا هههههه بس مكنتش بدخل على السايت كتير بس كنت عايز اسال فى موضوع كده بعد اذن حضراتكم وياريت يكون اللى بيرد فاهم كويس عشان هتصرف بناء على كلامكم

انا عندى لانسر 2003 وكنت عايز اغير الكوتشات بتاعتها طبعا المقاس الاصلى175/70 والجنط 14
طبعا المقاس ده تعبان ومش كويس فى الثبات فكنت عايز اعرض الكاوتش من غير مااغير الجنط لان اللى عندى بحالتهم
فالمهم بعد البحث لقيت ان اكتر عرض ينفع من غير ماياثر لا على عداد السرعة ولا على ارتفاع العربية اللى هو البروفايل هيكون
اما 205/60/14
او 195/65/14 وده مظبوط بس مش اوى
المهم كنت عايز اعرف ارائكم وعلى فكرة الاتنين موجودين فى مصر كمقاسات بس التانى منتشر عن الاول
المقاس الاول فى منه فالكون ونكسن ويوكوهوما زى اللى بتنزل بيه العربية
ارجو سرعة الرد واسف على ازعاجكم