صباح الفل يا رجاله
بما ان النهارده كان يوم حار
فاكيد كل اللى معاه الايفو كانت فرصه ليه يجرب التكييف و يقيمه
ارجو الافاده بكل حياديه عشان الواحد يبقى على نور :16:
عرض للطباعة
صباح الفل يا رجاله
بما ان النهارده كان يوم حار
فاكيد كل اللى معاه الايفو كانت فرصه ليه يجرب التكييف و يقيمه
ارجو الافاده بكل حياديه عشان الواحد يبقى على نور :16:
بامانة التكييف مش حلو اوي بس شغال يعني مايتقالش عليه ضعيف
واخبار الناس اللي معاها باقي الفيات ايه ؟؟
انا عن نفسي كنت بعيط ومعرفتش اقعد اول مافتحت العربيه (كانت الساعه 3 ) وكانت مركونه في الشمس طول اليوم وطبعا الكراسي جلد اسود والعربيه سوده مش عايز اقولوكو معرفتش ارجع ضهري لورا اساسا
واول ما اتحركت بالعربيه الكورنيش واقف مش بيتحرك قلت خلاص انا حاموت مسلوق وش في العربيه وفقت الامل في التكيف ولكن الحمد لله بعد شويه كده ابتدي يسقع ويطلع النار اللي جوه العربيه ويبدلها بشويه سقوعيه
النتيجه: حلفت اني لازم اركب اي عازل حراري (زي في كوول او كده )
التكييف: شايفه مرضي جدا خاصه اني اول مادخلت العربيه كانت قاريه حراره 46 مقارنه بالبرافو يبقى احمد ربنا جدا انه اشتغل اصلا :):):)
أنا بفتح التكيف والإزاز لحد ما الحرارة الي جوه دورة التكيف تطلع والحرارة الي مكتومة جوه العربيه وبقفل الإزاز بيسقع بعدها بدقيقة بالكتير بس برده مش زي الياباني (هو ضعف عن أول ما جبته وهروح أكشف عليه)
يعنى لو افترضنا خلاص ان الهوا السخن خرج
وانت قاعد فى العربيه دلوقتى وواقف فى اشاره و فى قاعد معاه واحد جنبك و فتحات التكييف عليك و عليه
والجو حر جدا
مستوى السقوعيه ايه اخبارها دلوقتى
ولو فتحه التكييف انت موجهها للسقف - بتحس بسقوعيه بردو حواليك ولا فى الهالك؟؟
انا امباحر كنت حاسس انى فاتح شباك جايبلى نسمه هوا حلوة - بس مش ساقعه - بالنسبه للجو اللى بره رحمه طبعا
بس الواحد عاوز اكتر من كده طبعا خصوصا لو العربيه فيها كذا حد وكله بيطلع حراره جسمه - فاكيد التكييف مش هايبقى ليه لازمه
انا بفكر جديا انى افك التلاجه الداخليه و انضفها
تكييف الايفو كويس جدا بالنسبة لي مع العلم اني ما جربتش الياباني
لما تكون العربية مركونة في الشمس انا باعمل الاتي
1- افتح العربية و احط المفتاح في الكونتاكت و انزل الازاز كله و استني نص دقيقة كده عشان الهواء الساخن المحبوس يفقد جزأ من حرارته
2- اركب العربية و اشغل التكييف علي 4 و اسيب الزاز مفتوح يمين و شمال و اخد ملفين عشان يخلخلوا الهوا السخن و يطلع بره العربية
3- اقفل الازاز و اسيب التكييف علي 4 لحد ما ان الجو برد و بعدين انزل من 4 ل 3 و بعدين 2...و لو المشوار علي سرعة عالية و مفيش وقوف كتير ممكن بعد نص ساعة انزل علي واحد
ملحوظة: بالنسبة للايفو لو الجو حار جدا و ماشي في الزحمة لازم تقفل ال start/stop عشان كل ما الموتور يطفي التكييف بيشتغل مروحة بس و الجو يسخن
في نقطة تانية...الايفو ما فيهاش فتحة تكييف للجزأ الخلفي ...يعني الناس الي قاعدة ورا لازم تعتمد علي الهوا اللي طالع من الفتحات الامامية (كان عندي في الاسبيرانزا فتحة تكييف بين الكرسيين بتوزع الهواء للكنبة )
و الحكاية دي بتخليني قلقان لما الجو يكون حر و اسال زوجتي و هي قاعدة ورا مع العيال "حاسة بالتكييف؟" و هي بتقولي ايوة كويس بس ما كنتش مقتنع و حاسس انها بتجاملني..بس مرة قالتلي اطفي التكييف عشان برد علي الولاد و اقتنعت ساعتها انه الهواء البارد بيوصل عندهم...و غالبا الازاز الفاميه الخلفي بيسهل تبريد الكنبة و يقلل تأثير الشمس عليهم