هههههههههههههه يالا ربنا يسهل و نغيرها و نجيب حاجة نضيفة كدة :Copy of m-s5:
عرض للطباعة
وليه دا كله:grin54:
انا هاكتب علي عربيتي اودي a8
حد ليه عندي حاجه :grin54:
واعيش اللحظه
وعلي فكره اخويا في الكويت معاه اودي وهوا من عشاقها وبيفكر في ال a6 لانه شغال في المجال دا ويقدر يجيبها بتسهيلات
بس حرام بيني وبينك يتدفع فيها كل دا وانا بحاول اغيرله فكرته لان فيه اولوليات عنها
مع انه لو جابها ونزل مصر هاينساها لاني مش هانزل منها هابات فيها دا 5 نجوم ياراجل :grin54:
دا الواحد يجيب كذا عربيه بسعرها ويوقفهم تحت البيت ويبدل فيهم
ويبقا الحج احمد راح والحج احمد جه :grin54:
مركبات فضائيه.....كائنات من مجرات اخرى,,,,حسبى الله ونعم الوكيل
انا اترددت كتير قبل ما اكتب الرد ده بس سامحونى انا حكتب وربنا يستر
طبعا الاودى عربيه جميله جدا بس للاسف فى بيعها تمنها بيقل كتير جدا جدا جدا لان تمنها غالى جدا فمش ناس كتير بتقدر تشتريها وتانى حاجه قطع غيارها غاليه جدا ومش ممكن تلاقيها غير فى التوكيل وكمان مفيش اى صنايعى يقدر يشتغل فيها برضه لازم اى حاجه فى التوكيل
وعلى فكرة فئه ال A دى اقل فئه فى الاودى انا ركبت S8 وبصراحه حسيب الصورة تتكلم انا ليا تعليق واحد وهو انى وصلت من سرعه صفر لسرعه 260 فى 9 ثوانى العربيه V10 و5200 سى سى وعدادها لحد 300 كيلو فى الساعه وقمه فى الرفاهيه وفيها عفشه سبورت وعفشه انسيابيه وتقدر من داخل العربيه عن طريق الكمبيوتر تعدل من درجات العفشه سواء عايزها رياضيه ولا انسيابيه ولا مريحه وبتلاقى العربيه بتعلى وتوطى على حسب الظبط اللى انت عايزه والعربيه فيها تكييف فى التابلوه وتكييف فى الكراسى وكل شخص يقدر يتحكم فى درجه حراره التكييف بتاع الكرسى اللى قاعد عليه بالاضافه الى ساوند سيستم اكتر من جبار سمعت عليه الاغانى العاديه اللى احنا بنسمعها بس استغربت لما سمعت اصوات الات فى الاغنيه مكنتش بسمعها قبل كده ههههههههه كفايه كده واسيبكم مع الصور
اه نسيت انا لما ركبت البى ام 5 مع انها عربيه حلوه برضه بس لا وجه للمقارنه فى العزم والسرعه والثبات والانسيابيه مع ال S8
4shared - View all images at My 4shared folder
اتمنى لكم مشاهده ممتعه وربنا يستر
شكرا يا باشا على المشاركة
بس فيه كام نقطة
طبعا مشكلة الاودى فعلا هى سعر إعادة البيع المدتنى بس المشكلة دى فى كتير من العربيات الفخمة مش الاودى بس
و الفئة a يا باشا هى الفئة العادية لعربيات السيدان فى الاودى الفخامة و القوة .. و هناك الفئة s الرياضية بفخامة و هناك طبعا rs الرياضية المطلقة و التى لا تخلو من الفخامة أيضا ...
بس يا باشا ماينفعش تجيب 260 فى 9 ثوانى حتى لو راكب s8 دى اللامبورجينى الجلاردو بتجيب ال 200 فى أكتر من 10 ثوانى ... اكيد انت حسبتها غلط
و طبعا درجات السبورت و انظمة التعليق المتكيفة اللى بتتكلم عنها موجودة فى كل العربيات الالمانى الفخمة
الوحيد اللى مش موجود هو الكواترو (نظام الدفع الرباعى المستمر) و بتكلم طبعا عن العربيات السيدان ... مع انك ممكن تطلبه فى المرسيدس
و يا باشا ماينفعش تقارن الاودى s8 بالبى ام الفئة الخامسة ... لأنهم فئتين مختلفتين .. عاوز تقارنها يبقى تقارنها بالبى إم 760 أو حتى الألبينا b7 كدة تبقى المقارنة عادلة
و شكرا ليك مرة اخرى
شكرا ليك يا باشا على اهتمامك بالرد على الموضع بس اسمحلى اعلق برضه تعليق صغير
موضوع 9 ثوانى من 10 ثوانى او حتى 11 ثانيه مش هو ده الفرق اللى بنتكلم فيه هى الفكرة بتعتمد على الطريق اولا والرياح وسرعتها واتجاهها ثانيا انا لما كنت سايق العربيه كنت سايق على الطريق بين الامارات والسعوديه وطبعا الاسفلت هنا حريييييييييير يعنى العربيه مش بتلاقى اى مقاومه على الطريق وبالتالى معدل زياده السرعه فى الثانيه بيزيد انا بصراحه مكانش معايا ستوب ووتش ساعتها اللى كان قاعد جنبى بيعد على الساعه بتاعته .
وبصراحه برضه انا معرفش سرعه اللامبورجينى قد ايه بس مش معقول اللامبورجينى تجيب 200 فى 10 ثوانى لانى فاكر تقريبا ان شيفروليه او جى ام سى تقريبا كان عندها عربيه بتجيب ال 100 فى 3 ثوانى
ثانيا انا مركبتش بى ام فئه سابعه قبل كده علشان اقارنها بيها ولو انت ركبتها ياريت تدينى فكرة عنها
صباحك فل يا باشا
انا فاهم يا باشا انك ماقستش السرعة بدقة .. انت بتحاول تنقل احساسك بالعربية بس و هو ده اللى انا قلته
هى عموما كمان الوصول لسرعة 100 غير الوصول لسرعة 200 خالص ... يعنى مثلا اللامبورجينى جلاردو اللى بنتكلم عنها بتوصل 100 فى 3 ثوانى و نص و بتوصل 200 فى 10 ثوانى و نص .... و هى طبعا اقوى و اخف وزنا من الاودى اللى مع حضرتك فى الصور ... و ده طبعا فى احسن الظروف الممكنة من كوتش و طريق و حالة عربية و درجة حرارة و كثافة الهوا و اتجاه الريح .. يعنى ده افضل رقم ممكن تجيبه
اما بالنسبة للأودى S8 فا بتجيب 100 فى 5,2 ثانية و بتوصل سرعة 200 فى 17 ثانية ... و ده طبعا برده تم اختباره فى احسن ظروف ممكنة ..
و طبعا الارقام دى موثقة و ممكن تتأكد بنفسك ....
و عموما يا باشا لما نيجى نقارن العربيات لازم نقارن الفئات المتساوية يعنى مثلا
مرسيدس S320 تتقارن بالبى ام 740 , و تتقارن بالأودى A8
أما لو حبينا نقارن البى إم الفئة الخامسة مثلا يبقى تتقارن بالأودى A6 و تتقارن بالمرسيدس E كلاس العيون
و البى ام الفئة التالتة تتقارن بمرسيدس C كلاس و أودى A4
و كذلك يتم مقارنة الفئات الرياضية ببعضها
يعنى AMG من مرسيدس تتقارن ب M Power من بى ام دبليو و تتقان بال S, RS من أودى
و انا يا باشا سقت أودى A8 موديل 2011 الجديدة كليا اللى الموضوع عنها
و سقت مرسيدس S350 موديل 2010
و سقت بى ام الفئة السابعة موديل 2011
و عموما التلاتة متقاربين جدا من بعض فى التكنولجيا و الفخامة و الانظمة
بس اللى اقدر اقولهولك فى التفرقة بينهم
مرسيدس منتهى الراحة و الرفاهية كأنك راكب بساط الريح ملكش دعوة باى حاجة برااها
بى ام كأنك راكب صاروخ متوحش فخامة و قوة و اكثر رياضية و لكنه اقل راحة
أودى هى خليط بين مرسيدس و بى ام الفخامة و الرياضية و فوقهم كمان الدفع الرباعى المستمر
(يعنى هى نص مريحة و نص رياضية)
و تحت امرك يا باشا
شكرا يا باشا على التوضيح وليك عليا المرة الجايه ان شاء الله حقيس الثوانى بالستوب ووتش هههههه
ربنا يكرمك يا باشا :)
و مش مهم خالص يا باشا ستوب وتش الواحد مع العربيات ده مابيبقاش عاوز يعمل اى حاجة تفصله عن متعة الركوب و القيادة بيبقى عاوز يتمتع بس بالعربية
و اهى الارقام يا سيدى موجودة على الصفحات الرسمية .. مش مشكلة يعنى ...و انا قلتها للتوضيح فقط
و صباحك زى الفل يا باشا
http://i1115.photobucket.com/albums/...0/71a47b33.jpg
:crying1::crying1::crying1::crying1::crying1:
و المصحف حرااااااااااااااااااااااا اام عليك كده
منك لله كرهتنا فى عربياتنا كلها :)
من كل الأودي نفسي في ال AUDI Q7 V12 تحس انها طياره وبفضلها عن البورش كايين تيربو وال X5M
وبرده ال R8 V10 اللي بحس انها مزه وتتعاكس من العربيات التانيه وعلي الطبيعه غير الصور خالص لسه شايفها في دبي الأسبوع اللي فات بالليل حاجه وهم وبرده بفضلها علي منافسها ال Nissan GTR بالرغم ان ال GTR تتفوق عليها في الحلبه ومن 0 الي 100 لكن ال R8 افخم واسرع علي السرعات العاليه لان ال GTR بتنام بعد ال 200 ده غير الصوت بتاع ال 10 سيلندر
ال q7 v12 مش وهم و لا حاجه
هي كلها 500 حصان يعني ال x5m و الكايين تيربو يعلموا عليها
كمان يعيبها انها ديزل و الديزل صعب يتفوق علي البنزين
ال r8 فعلا جميله الجميلات
تجمع بين الشكل الرياضي العنيف و قمه الاناقه و الكلاسيكيه مع بعض ازاي متفهمش
و صعب قوي تقارنها بال gtr لانك كده بتظلم ال gtr
ده كفايه فرق السعر
هي اي نعم تجاريها في الاداء لكن ليس لها اي فرصه من ناحيه البرستيج
و معروف ان ال r8 منافسها العتيد هي ال 911 تيربو
انا عارف ان ال Q7 V12 اقل في القدره الحصانيه والتسارع بس العربيه وحش وحش والعزم بتاعها 1000 نيوتن\متر يعني اكتر من الكايين ب 300 وال X5M باكتر من كده ده غير انها 7 راكب والموتور المتوحش ده بيمشي 8 كيلو للتر ده غير الفخامه والضخامه بتاعتها
الكايين انا شوفتها كذا مره في الحقيقه وبصراحه ملهاش هيبه زي الاودي والبي ام يمكن عشان حجمها صغير
ال GTR ياباشا من منافسي ال R8 - حضرتك بتقول ان المنافس العتيد لل R8 هو ال بورش 911 وانا بقولك ان المنافس العتيد بتاع ال 911 Turbo هو ال GTR وهي اللي تقريبا خسرتها لقب اسرع توقيت علي حلبه نيربرينج
مختلفناش يا باشا
و اكيد العزم بتاع الاودي اكبر لانها ديزل لكن طبعا في الاداء الهور باور هو الحكم
و ال q7 مبنيه علي نفس قاعده عجلات الكايين علي فكره و الضخامه ناتجه عن التصميم و كده كده فولكس تعمدت تعمل ده كنوع من التفرقه بين الكايين و الطوارق و ال q7 و اللي تعتبر فئه مختلفه عن اخواتها بحكم الحجم
مختلف معاك شويه في موضوع هيبه الكايين لان حجمها مش اصغر قوي
اومال لو شفت الشكل الجديد هتقول عليه ايه
ال r8 و ال 911 يفرقوا عن ال gtr في الفخامه و البرستيج زي ما قلت
لكن كاداء معاك انها بتنافسهم
و الgtr مش اسرع توقيت لحلبه نوربرج. ده كان جزء من الدعايه و التقديم ليها اول ما نزلت انها كسرت رقم البورش 911 تيربو
و بعد كده بورش نزلت ال 911 تيربو اس و اعتقد اثبتوا ان ال gtr المستخدمه مكانتش ستوك 100% بس مش عارف وصلوا لايه في الاخر
انا شفت الكايين الجديده كتيير اخرها يوم الأربعاء اللي فات في مرور ابيس كانت بترخص وعشان كده بقولك ملهاش هيبه
ساعات بفكر او بمعني اخر بحلم ياتري لو خيرت (بضم الخاء) مابين ال gtr وال r8 هختار انهي واحده فيهم وخصوصا اني مش متقبل فكرة عربيه سوبر كار ب 6 سيلندر
ده غير ان الجي تي ار بتتديك كل اللي انت عايزه بنص التمن
بما انكم ذكرتوا ال q7 بقى والكايين والذى منه.. ايه رأيكم مقارنه العربيات دى ب رنج روفر سبورت ..ياسلام لو فى حد عمل درايف تست كدا ويتحفنا بالى حصل :)
العربيه دى فى رأيى الشخصى ملك ال 4x4 متهيألى مفيش اى جيب تانيه تنافس العربيه دى فى الطرق الوعره والكلام دا وليها هيبه ملك الصراحه
الرينج روفر سبورت جامده جدا وخصوصا الصالون بتاعها تحفه بس طبعا كالعاده حوت بنزين ده غير اني قريت في كذا مكان ان الرينج روفر من اسوأ 10 عربيات في الأعتماديه في العالم لانها معروفه باعطالها الكتير والفجائيه ده غير ان شكلها من بره مش عاطفي قوي
نفسي يعملوها زي الرينج روفر ايفوك الجديده شكلها من قدام تحفه فنيه
اللهم صل على محمد وعلى آله وصحبه أجمعين
اذا كان كده ماشي
مش عارف ازاي بورش و فولكس كبروا حجم الكايين و الطوارق مع ذلك شكلهم اصغر
هي صعب نقول عليها ملهاش هيبه هي ليها بس اقل من الموديل اللي قبله و من المنافسين و هما بس لو يغيروا الفوانيس الورانيه هتبقي عال العال
و علي الرغم من كده ما زالت الكايين الجديده تحتفظ بافضل انتريور متاح علي الاطلاق و مش قادر انساه و لا اشيلو من دماغي
اما بقي ال GTR و ال R8 فالمنافسه بالنسبه لي محسومه
ال R8 طبعا علي الرغم من ان سعرها ضعف ال GTR تقريبا
يكفيني بس كميه الوهم اللي اتوهمته لما ركبتها
الراينج روفر في راي اسوا عربيه في الكاتيجوري دي
غير موضوع الاعتماديه و مشاكل الكهربا و الهيدروليك اللي فيها وضعيه الجلوس فيها من اسوء ما يكون لانك بتحس انك راكب علي العربيه مش جواها
الكراسي عاليه قويييي و علي الملفات صباح الشهيصه و حسيت جواها اني سايق نقل
و يمكن كانت تعتبر افخم واحده في المجموعه لكن الكايين الجديده حسمت الموضوع ده لصالحها و كان الامل في ML في موضوع الفخامه ده لكن للاسف خيبت الامال
و ميزه الراينج الوحيده ان قدرات ال offroading فيها اعلي من المنافسين لكن خلينا واقعيين مين من ملاك العربيات دي هيخاطر بعربيه بالسعر دي و يطلع يهينها في صحرا و لا مدق
و اللي عايز يعمل كده و يبقي في نفس الوقت متدلع ملوش الا اللكزس ال LX لانها في الاصل لاندكروزر
عليه افضل الصلاه و السلام
ماشاء الله انا مخدتش بالي غير دلوقتي ان حضرتك عايش في الكويت وبالتالي الحاجات دي هناك عادي
الأنتربور بتاع الكايين فعلا تحفه ويحسسك انك في طياره مش في عربيه
اما المزه قصدي ال r8 فانا زهلت بس من شكلها ومش عارف هعمل ايه لو ركبتها
وخصوصا ال r8 gt اللي بتنافس الفيراري ايطاليا وال sls amg
ولا يهمك يا زعيم
و انت هتقولي علي انتريور الكايين الجديده
هو الحاجه الوحيده اللي قدر يقلل من قدر عربيتي في نفسي مش عارف اذا ينفع اركبه عندي و لا لا هههه
اما ال r8 gt ده قصه تانيه بس للاسف نسخه محدوده هما 333 واحده اللي هيشوفوا الدنيا
و طبعا الفضل في ده لللامبورجيني اللي مكتفه ال r8 عشان متنافسش الجلاردو و يقطعوا في بعض و هما اخوات
اللامبو دي حاجه تانيه خالص - دوول بيهرجو - انت شفت الافانتاداار؟
وعلي فكره بالنسبه لموضوع حجم الكايين انا كنت مره شفت الأبعاد بتاعتاها وقارنتها بال X5 وال Q7 وكانت اقل فعلا في كل الابعاد - لكن ال X5 وال Q7 كانو تقريبا متساويين في كل حاجه ماعدا ال Wheelbase ومع ذلك بيظهر ال Q7 انها اضخم من ال X5 بس عشان تصميمها مدي ايحاء انه اكبر
ربنا يرزقنا بقي ويفكنا من ام الجمارك والضرايب اللي مولعه العربيات في مصر عشان اجيب بقي ال 4 عربيات اللي في نفسي ههههههههههه بعد مااجيب الشقه طبعا
شفتها يا باشا وهم الاوهام
و الكايين مش اصغر من ال x5 ولا حاجه و الفرق بينهم لا يذكر
و الاودي طبعا اكبر منهم فعلا
و دي مقاسات كل واحده فيهم
الكايين
قاعده العجلات: 2,895 ملم
الطول: 4,846 ملم
العرض:1,938 ملم
ال x5
قاعده العجلات: 2,933 ملم
الطول: 4,860 ملم
العرض:1,933 ملم
ال q7
قاعده العجلات: 3,002ملم
الطول: 5,088 ملم
العرض:1,984ملم
و من بقك لباب السما
ما هو يا زعيم حتي ك offroading الراينج متفرقش كتير عن المنافسين خصوصا الكايين و الطوراق اللي الي حد ما قدراتهم كويسه ك offroading يعني وقت اللزوم هيسدوا برضه و يمكن ال x5 و ال Ml اقل شويه بس بيتلعب بيهم برضه و كده كده العربيات دي كلها مش Serious offroaders دي كاتيجوري تانيه خالص و عشان كده اسمهم SUVs و بي ام كانت صريحه و من الاول قالت ال X5 هي SAV - sport activity viechle يعني من الاخر متهرجش بيها في ال Offroading
و موضوع ان الناس بتشتريها عشان المدينه ده مش مبرر دي واقع
ده حتي عربيات ال Offroad الاصيله زي اللاندكروزر و الباترول و الباجيرو و خلافهم نادرا لما حد بياخدهم و يطلع بيهم offroadig. ناس كتييير جايباها بس عشان العلو و المساحه و خلاص و اخرهم يطلعوا بيها رصيف و لا يمشي علي شويه رمله و دمتم
بصراحه محدش هيشتري عربيه تمنها معدي ال 100 الف دولار عشان يبهدلها في طين ولا رمله
ههههه بيتهيقلك
و ادي الدليل
http://www.nilemotors.net/Nile/76512-a.html
إيه اللي بيحصل في الbentley ده؟!! خلاص يعني خلصت الlandcruser من العالم عشان يدخل بـ دي الصحرا؟ :untitled 1: ده أنا معايا corsa ومش با هينها كده :crying2:
أنا شفت العربيه دي في Automach بس كانت الsuper sports مش الGTC العاديه, كان تمنها 7 مليون جنيه! والpaint job بس لوحده كان بـ19 ألف جنيه استرليني عشان matte.
:crying2: :crying2:
سوري ملعش نسيت اقول بصراحه محدش عنده عقل هيشتري عربيه تمنها معدي ال 100 الف دولار عشان يبهدلها في طين ولا رمله
تقرير روعة يا شريف باشا
أنا في الفئة دي
بفضل الأدوي و الجاجوار الxj و بعدين المرسيدس ثم الفئة السابعة
تقرير رااائع عن سيارة خرافية بجد
فين التقرير ....؟؟؟؟؟
فين التقرير ....؟؟؟؟؟
فين التقرير ....؟؟؟؟؟
تقرير اكثر من رائع
ده احنا على كده مش راكبين عربيات
اوووووووووووووووووووووووو ووووووووووووووووووووووووو ووف