لو حة مفاتيح التكييف

**ahmedhilmy** · 27-05-2011 03:43 AM

السلام عليكم جميعا

النهارده كان عندي شوية فراغ فقلت اعدي علي الكهربائيس شوفلي النور بتاع لوحة التكييف ضعيف ليه البيه معرفش يفكها قطعلي ويرات التكييف او كسرها بمعني ادق و بوظهم قلت اصبر جه بيفك المفاتيح معرفش قام جايب البنسه ام بوز طويل علشان يفكهم قام مجرحهم و خلي شكلهم زبالة القرف بقي كمل لما البيه حاول ينطرهم بالمفك قام المفك متزحلق منه ضارب الوحة قطع الباستيكة اللي بتبقي ملزوقة عليها اللي فيها الرقام ووضعيات الهويات المهم الحمد لله علي كده و كرهت الساعة اللي فكرت اني اعدي عليه فيها دلوقتي الورقة اللي ملزوقة علي اللوحة دي ممكن تتغير و لا لازم اجيب وش كامل جديد لاني رحت سالت عليه عند بتاع استيراد قللي ادهولك بالويرات بتاعة التكييف ب 300 جنيه طبعا سعر مبالغ فيه جدا مفيش حج عنده الورقة اللي بتتلزق دي و الويرات دي تمنها كام و منين و مين يركبها سعر الوش ده كام لو ملقتش الورقة دي كام و المفاتيح سعرهم كام احسن مخنوق من شكله اوي و حسبي الله و نعم الوكيل في كل بني ادم مبيعرفش في حاجة و يقعد يفتي فيها

**ahmedeg1** · 27-05-2011 05:02 AM

و انتا ايه اللى خالاك تسكت أصلا على كده و ازاى تسيبه يشتغل و يبهدل الدنيا و انتا بتتفرج عليه

**kiroo** · 27-05-2011 05:22 AM

المشاركة الأصلية كتبت بواسطة ahmedeg1

و انتا ايه اللى خالاك تسكت أصلا على كده و ازاى تسيبه يشتغل و يبهدل الدنيا و انتا بتتفرج عليه

+1

**elpasha1** · 27-05-2011 05:22 AM

ربنا يعوض عليك

**mustafavet** · 27-05-2011 10:08 AM

اولا روح لكهربائي كويس يصلحلك ما افسده ابو العريف بس تكون سالت عليه
ثانيا التجريح دا ممكن يترش ويبقي شكله انظف من الاول ولو في لزق ولا حاجه ممكن تطبعه

**ahmedhilmy** · 27-05-2011 12:27 PM

المشاركة الأصلية كتبت بواسطة ahmedeg1

و انتا ايه اللى خالاك تسكت أصلا على كده و ازاى تسيبه يشتغل و يبهدل الدنيا و انتا بتتفرج عليه

لأنه كان فك خلاص و الدنيا اسلاك و حاجا مدلدلة يمين و شمال فكان لازم اخليه يكمل علشان يلم البهدلة اللي عملها

المشاركة الأصلية كتبت بواسطة elpasha1

ربنا يعوض عليك

ربنا يكرمك

المشاركة الأصلية كتبت بواسطة mustafavet

اولا روح لكهربائي كويس يصلحلك ما افسده ابو العريف بس تكون سالت عليه
ثانيا التجريح دا ممكن يترش ويبقي شكله انظف من الاول ولو في لزق ولا حاجه ممكن تطبعه

هو اللي باظ ويرات التكييف و انا عارف ان دي بتتباع جديدة بس مش عارف موجوده عند ابو الحسن و لا لأ و سعرها كام و مين هيركبها لما اجبها ؟دي حاجة الحاجة التاني المفاتيح التجاريح اللي فيها شكلها و حش بس مش ملاحظة اوي اللي مضايقني القطع اللي في الورقة اللي بتبقي ملزوقة علي اللوحة دي مش عارف اتصرف فيها ازاي قللي حضرتك قصة الطباعة دي ازاي و فين و بتطلع نضيفة زي الاصلي؟ مع الشكر

**jojowork1** · 27-05-2011 04:09 PM

انا اخدت الوش بالويرات بحوالي 60 جنيه بس من واحد صحبي شويه يعني كان انظف من الزيرو من عربيه اروبي شوف حد تاني لان السعر مبالغ فيه جدا

**ahmed_mido1889** · 28-05-2011 01:26 AM

الويرات ب50 جنيه

**ahmedhilmy** · 28-05-2011 04:57 AM

الويرات سألت عليهم النهارده عند ابو الحسن لقيتهم ب 60 جنيه و نفس السعر عند واحد في شارع احمد زكي بس الوش مش موجود عند ابو الحسن و التاني قللي كان عندي و خلص و كان بيبعه ب 270 بالويرات بس الاسود بتاع الهاف برده سعر مبالغ فيه النهارده واحد جاري قللي ان اللزقة اللي موجوده علي الوش دي في ناس بتطبع زيها بالظبط في شارع دمشق حد عنده فكرة عن القصة دي