الموضوع: بطارية الام 11 شكلها كدة باظت

طيب ربنا يطنمك والله يعني احنا كدة يعتبر في السليم برده .
طيب هل حضرتك عندك فكرة عن الاسعار او الانواع الكويسة .
و هل نوع البطارية اللي كان راكب ده اصلا كويس و لا اي كلام .
وبعدين هوه في احتمال ان العربية تطفئ مني و هيه ماشية مثلا و لا مادام العربية اتزقت و مشيت يبقى مفيش قلق الا لما ابطل .

والله جزاكم الله كل خير على المعلومات الثمينة ديه و اهتمام حضرتك بالرد و ربنا ما يضرك ابدا في اي حاجة .
و الف شكر ليك يا باشا.

الموقف ده بالظبط حصل معاى من 10 أيام.. و جبت واحد صاحبى معاه واصلة بطارية و العربية دارت ...
و لسه ماغيرتش البطارية و الدنيا تمام.. يا ترى لازم أغيرها و لا أستنى شويه...
و ممكن تقولنا يا هيما البيومى اللى فى الدقى فين بالظبط..؟؟

انا اشتريت بطارية جديدة والحمد لله و بعد بعض الاستشارات من اصحابي اشتريت نفس الماركة بالظبط اللي كانت راكبة قبل كدة و ده للسببين ان سعرها مناسب وان الوقت كان عندي مزنوق شوية و العربية عطلانة و مكنتش لاقي بديل غير الالماني و ان هيه من البطاريات القليلقه اللي ممكن تغيرها خالص في الضمان اما غيرها بيخصم نسبة معينة من الفلوس حاجة كدة .

بالنسبة لعمرها بعض الناس قاتلي متحكمش على بطاريات الفبريكة لانها وارد جدا تكون كانت متخزنة لفترة قبل ما تيجي و في نفس الوقت انا حسيت برده ان الام 11 بتستهلك البطارية اكتر شوية من العربيات التانية يعني انا كل مرة بعد ما ابطل العربية الاقيني اقدر ارفع الازاز عادي من الزراير يعني كان في كهربا بتفضل شغاله في العربية بنسبة بسيطة وموضوع المروحة اللي بتفضل شغالة ديه شوية بعد ما الواحد يبطل و موضوع وحدات الرفع يعني انا على حدعلمي البسيط ان كل ده استهلاك من البطارية بيقلل من عمرها .

نصيحتي للدكتور احمد ابتدي اعمل ترتيباتك على واحدة جديدة ولو الفلوس متوفرة اشتري واحد وخيلها معاك احتياطي عشان لو عملتها معاك تفك و تركب و تريح بالك .

و ربنا يسترها معانا جمعيا