تم تغيير لوحة مفاتيح التكييف و لكن
اللسلام عليكم و رحمة الله و بركاته
تم بحمد الله تغيير لوحة مفاتيح التكييف لأن بوابة عزل السياره عن الخارج بتعلق و العيب كان من المفتاح المهم بعد ما اتغيرت لاقيت اللوحه الجديد فيها زرار جديد و الخاص بتسخين الزجاج منعا للشبوره عليه و كمان لاقيه شغال و منور يعنى بقى عندى زرار 1 مكان الطبه اللى كانت فى اللوحه القديمه بس معلوماتى بتقول ان اللانوس مافيش فيها سخان زجاج فهل موديل 2011 فيها الكلام ده و لا ايه الحوار بالضبط لأنى الزرار عندى شغال و منور
بس الزجاج الخلفى مفيهوش الشبكه و هل لو لاقيت زجاج خلفى السخان بناعه و ركبته هيشتغل و لا ايه ؟؟
و ده معناه ان ضفيرة العربيه فيها كل الأوبشن الموجوده فى الكامله لأنى لما جيت ركبت الزجاج الكهربا و السنتر لاقيت فيش ليهم و صممنا ضفيرة الأرضيه مع كهربائى اسمه جبر فى فيصل و الصراحه شغله نضيف جدا جدا و بيشتغل بالكاويه و القصجري مجرحش ضفيرة العربيه مجرد ركب فيش فى بعض ده حتى مكان السينتر الفبريكه لاقيناه و ركبنا عليه طرمبات السنتر ال spy
عربيتى شيفورليه لانوس 2010
