عايز احدث جهازى فى الحنين

السلام عليكم
عندى جهاز عمره حوالى 6 سنوات او اكثر فيه مازر acorp ورامات 256 كارت شاشه 64 هارد 80 دى فى دى رايتر

هو نوعه تقريبا اللى بيقولوا عليه pentuim 4

طبعا بعد لما جبت اللابتوب بقى استخدامى ليه بسيط

ينفع اشيل المازربورد والبروسيسور والرامات واركب حاجه احدث على نفس الكيسه بحيث اوفر تمن الكيسه والهارد والرايتر والباور صبلاى

انا عاوز حاجه اسعارها حنينه فى اقل مستوى اسعار يعنى يدوبك اشغل عليه ويندوز سيفين والعب pro evolution 2011 لو احتجتها على خفيف يعنى وبشغل فوتوشوب وفلاش خفيف برده مش عاوز جهاز شديد يعنى يعنى ياريت كل الكروت تكون بيلت ان

الميزانيه المقترحه اقل ميزانيه ممكنه للتحديث تفى بالغرض المطلوب

ولو فيه محلات فى اسكندريه مضمونه تكون عندها مازر وبروسيسور ورامات مستعمله ممكن احدث فيها الجهاز يبقى مفيش مشكله بس اهم حاجه يكونوا عندهم ضمير علشان مايندحكشى عليا وعلى الاقل ممكن لو حاجتى ينفع تتباع ابيعها

وشكرا

مبدئيا انا مش متأكد من موضوع ان حضرتك تقدر تستخدم نفس الكيسة عشان ممكن البوردة الجديدة متركبش عليها ده غير ان من الأفضل انك تجيب كيشة جديدة عشان التهوية مهمة جدا جدا خصوصة اننا في الصيف دي اول حاجة , تاني حاجة اه طبعا حصرتك تقدر تستخدم نفس ال components التانية ومش هتحتاج الا motherboard processor Vga Ram ,
يفضل في الميزانية القليلة ان حضرتك تجيب AMD و متجبش INTEL لأن في INTEL مش بتعطي كفاءة مقابل سعر غير في الفئات العالية وهنا نلاقي ان AMD افضل ليك ,

Phenom II X2 550 3.1GHz, 7MB Total Cache, 4000MT/s Bus السعر 560 جنيه
MSI 770-C45 السعر 360 جنيه
Kingston 2GB DDR3 bus 1333MHz CL9 السعر 280 جنيه
Sapphire HD 4670 1GB DDR3 السعر 400 جنيه

ابعد عن دول كور و الفينوم اكس 2 افضل من الكور 2 ديو مش فرق كبير اوي بس افضل منه وارخص وحصرتك كارت الشاشة ده عندي وبشغل كل الالعاب حتي الجديدة علي Max , لو في اي استفسار انا تحت امرك .

اولا صباح الخير وشكرا على المشاركه بس انا عاوز اقل من كده كمان
لان الجهاز ده بقى احتياطى بعد اللاب توب مش عاوز ادفع فيه كتير
يعنى اقل جهاز يشغل ويندوز سيفين وجميع الكروت عاوزها بيلت ان مش خارجيه حتى كارت الشاشه لانى مش كييف العاب قوى بعد السن ده الواحد زهق من الجيمز خلاص بلعبها على فترات متباعده يعنى تشتغل على ال law مش حتزعلنى مفيش مشكله
وياريت لو فيه المنتجات دية مستعمله او محلات بتبيع الحاجات بتاعت الناس اللى بتحدث حاجاتها باستمرار يكون افضل مش شرط جديد يعنى والافضل لو فى اسكندريه طبعا

اها فهمت حضرتك بس للأسف انا مش من اسكندرية ومليش في سوق المستعمل بس حضرتك ممكن تعرف بسهولة اماكن ال computer malls عندكو بس انا ممكن افيدك اني اقول لحضرتك علي المكونات واسعارها الجديدة و لما تنزل تشوف تقدر تسأل علي المستعمل :

Athlon II X2 240 2.8GHz, 2MB Total Cache, 4000MT/s Bus السعر 320 جنيه
GIGABYTE GA-785GMT-USB3 السعر 450 جنيه
Kingston 2GB DDR3 bus 1333MHz CL9 السعر 280 جنيه

او

http://farm3.static.flickr.com/2059/...052095@N03.jpg

INTEL Dual Core E5300 2.6GHz / 2MB cache / 800 bus السعر 350 جنية
Gigabyte GA-EG41MFT-US2H السعر 390 جنيه
Kingston 2GB DDR3 bus 1333MHz CL9 السعر 280 جنيه

ملحوظة بسيطة التجميعة الأولي انا بفضلها عشان فرق اداء البروسسور افضل نسبيا عن INTEL وكمان البوردة بتاعت AMD احدث من ال G41 وبتدي اداء افضل عشان حاجة اسمها Northbridge w south bridge fفي البوردة ده غير ان البلت ان في البوردة اللي هي 785GMT احسن بكتير من ال G41 , اتمني اكون افدت حضرتك

الف شكرليك يا diablo1231

الجهاز اللى عند حضرتك يا استاذ مصطفي للاسف لا يقبل التحديث والسبب ان البنتيوم فور مختلف كلياَ عن المكونات الجديدة
بالاضافة ان حضرتك عايز تشغل جيمز محتاج مواصفات عالية
يبقى محتاجين على الاقل ألف ج لعمل مكونات كيسة فقط .. ولا تقم ببيع الموجود لديك لانة هيتباع بسعر بخص وانت هتحتاجة فيما بعد

بالنسبة للاب جريد upgrade
حضرتك محتاج تغير الاتى
باور سبلاي مع مخرج اي تي اكس 24 بن power supply with atx out with 24 bin
بروسيسور اس اي انتل ممكن مثلا 3 جيجا فأعلي
رامات لا تقل عن 4 ججا بايت للاداء ممتار دي دي رام 3 تكنولوجي 4 giga ram ddr three
مازار بورد اسعارها بتدء من 300 ج فأكثر .. اختر ما يناسبك منها ولكن احرص على اختيارك لبوردة تحتوي على dual ram + dual bios
كارت فيجا اختر ما يناسبك ولكن لا يقل ابدا عن 512 ميجا ويفضل 1 جيجا one gigabyte vga recommended
بعد كدة استمتع بأي جيمز اياَ كان حجمة ونوعة ومواصفاتة ..
انا مجمع جهازي ف المكتب بمبلغ كبير شوية منذ اكثر من عام ومازال قوي ولا توجد اي جيم او بروجرام الا وكلة شغال لان المواصفات العالية
بتريحك على الاقل 3 سنوات للامام بدون اي تحديثات >> حضرتك محتاج على الاقل الف ج . updates .

اقتباس:

---

المشاركة الأصلية كتبت بواسطة diablo1231

ملحوظة بسيطة التجميعة الأولي انا بفضلها عشان فرق اداء البروسسور افضل نسبيا عن INTEL وكمان البوردة بتاعت AMD احدث من ال G41 وبتدي اداء افضل عشان حاجة اسمها Northbridge w south bridge fفي البوردة ده غير ان البلت ان في البوردة اللي هي 785GMT احسن بكتير من ال G41 , اتمني اكون افدت حضرتك

---

البلت ان build in board غير محبب بالمرة مع الجيمز التقيل لان البلت مستحيل يخرج نفس قوة كارت الفيجا العادي
واستاذ مصطفي واضح انة غاوي جيمز والبلت ان هيوقف معة حاجات كتير خصوصا مستقبلاَ . ممكن يشتري بوردة بلت ان
وبعد فترة يكون جمع تمن كارت فيجا ف حدود مثلا 300 ج ويبقى وفر 300 ج بشكل مؤقت .. لكن هيشترية فيما بعد اجباري
وهيلاحظ الفرق الشاسع بين الاتنين اكيد

اقتباس:

---

المشاركة الأصلية كتبت بواسطة nicegypt

البلت ان build in board غير محبب بالمرة مع الجيمز التقيل لان البلت مستحيل يخرج نفس قوة كارت الفيجا العادي
واستاذ مصطفي واضح انة غاوي جيمز والبلت ان هيوقف معة حاجات كتير خصوصا مستقبلاَ . ممكن يشتري بوردة بلت ان
وبعد فترة يكون جمع تمن كارت فيجا ف حدود مثلا 300 ج ويبقى وفر 300 ج بشكل مؤقت .. لكن هيشترية فيما بعد اجباري
وهيلاحظ الفرق الشاسع بين الاتنين اكيد

---

عارف والله خو اللي قالي انه عايز بلت ان عشان مش عايز يدفع كتير عشان كده قلتله ان 785 هتبقي احسن من ال جي 41 اولا عشان البلت ان اللي فيها افضل كتير من ال جي 41 وكمان عشان هي احدث وافضل من ال جي 41 ده غير انها support للفينوم والاثلون عشان السوكت بتاعها يمشي مع حاجات كتير عكس الجي 41 .

شكرا ليكم ياجماعه فعلا اناعاوز بيلت ان لان لعب الجيمز عندى خفيف ومش مستمر يعنى وان شاء الله اخد بنصيحتكم

اقتباس:

---

المشاركة الأصلية كتبت بواسطة diablo1231

ملحوظة بسيطة التجميعة الأولي انا بفضلها عشان فرق اداء البروسسور افضل نسبيا عن INTEL وكمان البوردة بتاعت AMD احدث من ال G41 وبتدي اداء افضل عشان حاجة اسمها Northbridge w south bridge fفي البوردة ده غير ان البلت ان في البوردة اللي هي 785GMT احسن بكتير من ال G41 , اتمني اكون افدت حضرتك

---

اقتباس:

---

المشاركة الأصلية كتبت بواسطة moustafa_saad

شكرا ليكم ياجماعه فعلا اناعاوز بيلت ان لان لعب الجيمز عندى خفيف ومش مستمر يعنى وان شاء الله اخد بنصيحتكم

---

اقبل اضافتى ع الفيس يا استاذ مصطفي .. اسمى هناك NicEgypt web

قبلتها ياباشا وعلى فكره انا بدرس برمجة وتصميم المواقع برده بس لسه مخلصتش الكورس