حملة لمقاطعة ( وإزالة إن أمكن ) لوجو play boy

**agwaa** · 28-05-2011 03:07 AM

المشاركة الأصلية كتبت بواسطة axel

اولا انا معاك و انا عارف انه اكيد مش قاصد اعلان عنه لكن يعتبر اعلان بطريقة غير مباشرة هو ممكن ميقصدش لكن برده اعتبرت اعلان لأن ممكن واحد ميعرفش يشوف العلامة تعجبه يدور عليها ع النت عشان يطبعها و بالتالي هتوديه لمكان تاني هيبقي عايز يعرف و بكده الموضوع بقي اعلان لكن غير مباشر

فعشان كده بنقول ننصحهم و ننصحهم قبل ما يحطوا حاجة يبقوا عارفين معناها و النصيحة تكون بهدوء و بالعقل مش زعيق و عافية
و هم حريين يشيلوها يحطوها احنا عملنا اللي علينا

من رأي منكم منكرا فليغيره

زي مثلا اللي بيرمي اي حاجة في الشارع ممكن يكون بيرميها بطريقة تلقائية زي ما بيشوف الاخرين فممكن واحد غيره يشوفه بيرمي يقول طب مهو بيرمي هي جت عليا انا و بالتالي اللي رمي في الاول عمل زي اعلان غير مباشر للاخرين انهم يقلدوه
فننصحه برده ميرميش بعدها بقي يرمي ميرميش هو اللي يتحمل ذنبه احسن ما احنا نتحمله اننا شوفنا حاجة غلط و سكتنا
الساكت عن الحق شيطانا اخرس

صح ولا ايه يا شباب ؟ :)

+1111111111111
الله ينور عليك طبعاً صح

**agwaa** · 28-05-2011 03:12 AM

المشاركة الأصلية كتبت بواسطة now2005

إيه يا عم الجمال ده
والله لو عندي برنتر ألوان كنت طبعتها ( دا بعد إذن سيادتك طبعاً )
وده إللي فكرت أضعه على عربيتي القادمة إن شاء الله

**agwaa** · 28-05-2011 03:15 AM

المشاركة الأصلية كتبت بواسطة msiwind

بص يا سيدى انا راجل كلاسيك خالص وعربيتى عمرك ماتلاقى حاجة فيها مختلف عن الفابريقة ( من 10 سنين ) الا تصريح دخول مكان عملى ومكنتش اعرف معنى الارنب اللى بتقول عليىة و لا اهو البلاى دة ولا يهمنى اعرف
بسمن بكرة هدور على ارنب كبير واعلقة على كل العربيات اللى تحت ايدى فى الشركة ( 22 سيارة ملاكى-غير الربع والنص ) نكاية فى واحد فاضى وها.... زايك
اولا انت مالك مكل واحد حر فى عربيتة الا لو كان حد بيلزقهولك على عربيتك
ثانيا انتى بتشتغلى اييية ....
يا عالم فوقوا ...حملة ههههههههههههههههههههههههه ههههههههههه

ربنا يوفقك
ههههههههههههههههههههههههه هههههههه
بس إوعى الأرنب يعضك

**agwaa** · 28-05-2011 03:20 AM

المشاركة الأصلية كتبت بواسطة axel

و انا معاك يا ريس لأني للأسف لقيت شباب كتيير حاطينه و مش عارفين
لكن للأسف فيه منهم بيبقي عايز يمسك في خناقك لما تقوله و دول اللي عارفين معناه او من فئة كبر دماغك طالما عاجبني الاستيكر
بس فعلا يا ريت لكنا نعمل كده و ننصح اللي مش عارف و نبقي عملنا اللي علينا

ما إحنا قلنا بالراحة
وشوية شوية نغير كل سلبياتنا

**agwaa** · 28-05-2011 03:25 AM

المشاركة الأصلية كتبت بواسطة fouaa

طيب معلشى انا عندى سوال هو اشمعنى احنا هنبص للنحيه السيئه ليه ما يمكن ده ماركه تيى شيرت او برفيوم او ساعه او نضاره انا مشتريها وعاجبنى اللوجو بتاعها فلزقو تفتكر لو انا مشترى تيشيرت نوعو بلاى بوى وعجبنى اللوجو ولزقتو ابقى بعمل دعايه لحاجه تانيه من غير محس هديلك مثال تتانى انا مثلا عندى لاب توب ابل وعجبانى التفاحه وحاططها على العربيه واعتقد ان الى بيلزقو عمرو هيكون فبالو انو بتاع حاجه مش كويسه معتقدش تماما

ما هو كل المنتجات إللي سيادتك أشرت ليها وغيرها مالكيها هم نفس ملاك العلامة الأصلية أو بدعم منهم زي أي ماركة عالمية
لكن الأساس إيه

**agwaa** · 28-05-2011 03:28 AM

المشاركة الأصلية كتبت بواسطة fouaa

+1111111111
والله انا معاك ومع الحمله بس الى عاوز اقولو برضو انو مستحيل هيكون حد لزقو عشان معناه الاباحى معلشى فى ناس بتلزق وش كلب وفى ناس بتلزق فراشه وفى ناس بتلزق ولد واقف مش عارف بيعمل ايه وفى مليون حاجه اكيد الى بيلزق حاجه شكلها بس عاجبو مش معنى كده انو بيعمل اعلان لحاجه مستحيل

ماهو إللي عارف هو حر لكن المشكلة في اللي موش عارف
فدورنا نعرف إللي موش عارف والباقي عليه
مين قال إننا بنفرض رأي على حد

**agwaa** · 28-05-2011 03:31 AM

المشاركة الأصلية كتبت بواسطة amado318

الارنوب دة اللوجو بتاع محطه ومجله البلاى بوى الجنسيه يا ناس والى بيحطه على عربيته راجل ناقص وشاذ ومنحل ومنه لله

لأ لأ بالراحة على الناس شوية يا جميل
إحنا موش هنصادر على الحرية الشخصية لأي حد
إحنا نوعي وبس

**msiwind** · 28-05-2011 07:12 AM

المشاركة الأصلية كتبت بواسطة agwaa

ربنا يوفقك
ههههههههههههههههههههههههه هههههههه
بس إوعى الأرنب يعضك

سخيف حتى فى تعليقك

**agwaa** · 28-05-2011 08:40 AM

المشاركة الأصلية كتبت بواسطة msiwind

سخيف حتى فى تعليقك

مقبولة
حبيب قلبي دي موش حملة زي ما إنت متصور لكن ده لفظ إقتبسته لشد أو لجذب القارئ ..
دي بداية لتغيير سلبيات كتيير قوي في مجتمعنا المصري زي مثلاً :
.... لما تلاقي واحد محترم وراكب عربية شيك وتلاقيه يرمي علبة كانز وهو سايق .. تقوم تيجي على بربريز واحد محترم زي سيادتي أو زي سيادتك تكسره ( لا قدر الله ) .
........ لما تلاقي واحد محترم أو واحدة محترمة ماسك أو ماسكة شنطة سوداء ( شنطة مهملات وبلاش أقول لك المصطلح الشائع ) في الصباح ويرميها على جنب في قارعة الطريق ومحدش يقوله أو يقولها ليه كده ...
........لما تلاقي فتاة مصرية ( ممكن تكون إختي أو أختك ) تتخطف في عز الظهر ( الساعة 2 ظهراً ) من شارع رئيسي في الهرم ( شارع سعد زغلول ) بواسطة 4 ذئاب وأمام المارة ويغتصبوها في شقة لمدة 10 ساعات ......
........ لما تلاقي نفوس ضعيفة تنتهز فترة الإنفلات الأمني أو بمعنى أدق عدم التواجد الأمني الكامل وتهرب السولار عبر تلاجات مراكب الصيد المخصصة للسمك ونقلها لسفن تجارية مفروض إنها واقفة في المياه الدولية لكنها هي الأخرى منتهزة الفرصة وواقفة في المياه الإقليمية ..
عندك وقت أو تضمن لي أنك ما تملش وأنا أكمل لك .....!!!
يا سيدي الفاضل أنا مواطن مصري وبحب بلدي جداً وبحب شعبها جداً جداً وأقسم لك بالله مسيحي قبل مسلم ...
وعايز البلد دي تلحق بالركب إللي إنطلق من سنين قريبة ( زي ماليزيا مثلاً ) ودول موش شعب أفضل مننا ولا أحنا أقل منهم لكن محتاجين نصحصح ونصحح بعض ...
وعايز أرجع للشعب دة إيجابيات وسلوكيات جميلة موش موجودة عند أي شعوب العالم أجمع وكنا بنتباهى بيها ... لكنها كانت ( أيوة كانت ) متأصلة فينا و إن شاء الله ربنا يقدرنا ونرجعها بتكاتفنا كلنا لأنها متأصلة فينا يعني بالبلدي جذورها موجودة بس عليها شوية تراب ( زي التراب إللي بيغطي المعدن النفيس زي الذهب ومحتاج تزيل التراب بمجهود قليل من عليه فيرجع لك ذهب تاني )
زي سيادتك كدة جواك الخير وجواك معدن المصري النفيس بس مغطيه شوية تراب ( قصدي حاجات مادية مستحدثة .. والله ما أقصد إهانة ) ....
أما ردي السخيف ( على حد قولك ) دي إنفراجة بسيطة كنت أقصد أزيل بيها جو التوتر إللي حصل ودي من إيجابيات المصريين أيضاً
وعموماً يا سيدي الفاضل أنا مدين لك بإعتذار زي ما سيادتك مدين لي أنا كمان ....
وتقبل مروري ....

**Elawany13** · 28-05-2011 11:46 AM

مش كل حاجه بالمزاج وبالأهواء الشخصية
ياعنى تعلق شيئ يسيئ اليك ويسيئ لدينك وتقول أصل شاكله عاجبنى !!!!
علامات بتدعوا الى الشذوذ والإباحيه وعلامات أخرى لعبدة الشيطان والماسوينة

فيه فرق بين تفاحه أبل ماكنتوش وعلامة الأرنب أو نجمة داوود أو غيرهم
بلاش نخلط الأوراق ببعضها