حملة لمقاطعة ( وإزالة إن أمكن ) لوجو play boy

**agwaa** · 27-05-2011 03:13 PM

السلام عليكم إخوتي الكرام
إنطلاقاً من مبدأ لازم نتغير علشان الثورة تنجح ....
ومن مبدأ من رأى منكم منكراً فليغيره .............
فكرت في هذا الموضوع لأني لاحظت كل ما أسأل أي أحد سواء سائق تاكسي أو ميكروبص أو حتى ملاكي السؤال دة :
ــ أنا ــ هو معنى إستيكر الأرنوب الإسود إللي إنت لاصقة دة إيه ؟
ــ الآخر ــ موش عارف .. هو معناه إيه ؟
وبمجرد شرحي له عن معناه ومعنى إنك بتعمل دعاية مجانية لمين ( بل بفلوسك موش بتشتري الإستيكر دة ؟ ولا فيه حد بيديهولك ) على الفور بيزيله على _ أه والله بيزيله _ ومسيحي قبل مسلم ودة دليل عن طيبة الشعب المصري بطائفتيه وحب بل الطائفتين لبعضهما البعض بدون فتن خارجية ..... ( وليست طائفية كما يدعون ) ...

والحديث الشريف
من رأى منكم منكراً .. إلى آخر الحديث
.... لن نستطيع أن نغير المنكر باليد ( وإلا قيل علينا متعصبين ومتطرفين ) ....
.... ولكن ممكن أن نغير هذا المنكر بللسان ( كما أفعل بالحسنى وبالدخول على الشخص بالسؤال أو بالنكتة أو ... أو .. كلٌ حسب إسلوبه ..... ثم النصيحة
.... أو نغير المنكر بالقلب وهو أضعف الإيمان ( كما قال أصدق القائلين ( ص ) .. )
والتغيير بالقلب أن تنظر للمنكر وتقول مخاطباً المولى عز وجل ( اللهم إن هذ منكراً لا يرضيك وأنا غير راض عنه
وتقبلوا تحياتي
........

**ZALABANY** · 27-05-2011 03:21 PM

والله فكره ممتازه ربنا يجازيك خير

**Amr Axel** · 27-05-2011 03:35 PM

و انا معاك يا ريس لأني للأسف لقيت شباب كتيير حاطينه و مش عارفين
لكن للأسف فيه منهم بيبقي عايز يمسك في خناقك لما تقوله و دول اللي عارفين معناه او من فئة كبر دماغك طالما عاجبني الاستيكر
بس فعلا يا ريت لكنا نعمل كده و ننصح اللي مش عارف و نبقي عملنا اللي علينا

**matrix_it** · 27-05-2011 04:00 PM

طيب انا فعلا بجد مش عارف معناه ايه ممكن حد يفهمنى او يبعتلى على الخاص شكرا

**fouaa** · 27-05-2011 04:12 PM

طيب معلشى انا عندى سوال هو اشمعنى احنا هنبص للنحيه السيئه ليه ما يمكن ده ماركه تيى شيرت او برفيوم او ساعه او نضاره انا مشتريها وعاجبنى اللوجو بتاعها فلزقو تفتكر لو انا مشترى تيشيرت نوعو بلاى بوى وعجبنى اللوجو ولزقتو ابقى بعمل دعايه لحاجه تانيه من غير محس هديلك مثال تتانى انا مثلا عندى لاب توب ابل وعجبانى التفاحه وحاططها على العربيه واعتقد ان الى بيلزقو عمرو هيكون فبالو انو بتاع حاجه مش كويسه معتقدش تماما

**Elawany13** · 27-05-2011 04:20 PM

أنا متهيألى الأرنوب ده ليه معنى إباحى
طبعا إزالته والتوعيه بيه مطلوبه

**amado318** · 27-05-2011 05:33 PM

الارنوب دة اللوجو بتاع محطه ومجله البلاى بوى الجنسيه يا ناس والى بيحطه على عربيته راجل ناقص وشاذ ومنحل ومنه لله

**mikology** · 27-05-2011 05:37 PM

اللى اقدر اعمله انى ماحطوش على عربيتى لو ليه معنى اباحى او سياسى او او - ده لو يتعارض مع افكارى
لكن البلاى بوى خصوصا هى ماركه - فى اصلها اباحى على حد علمى
لكن هى ماركه للبيرفيوم و التى شيرت و حجات كتير
انا عن نفسى مش بستعملها و مش بحب اعلن عنها لكن مقدرش اقول لحد تانى متحبهاش او متعلنش عنها
يعنى انا راطب لانشيا و حاطط فى البروفايل لوجو لانشيا لانى بحبها و من الى بيدعمو ليها وعاوز الكل يركبها - وهكذا بردو للى راكب اوبل - هيونداى - و و و و
مثلا لوجو apple كل الناس حاطاه و كتير منهم مش بيستعملو ابل
انا بستعمل ابل و من حقى اساند و ارشح الماركه دى للكل - وجهه نظر - وبردو مش حاططها
مع انها غاليه و مش مع كل الناس - بس اللى عاوز يجيبها يجيبها واللى مش عاوز مايجيبش
اللى عاوز اوصله - ممكن ننصح لكن مش من الديموقراطيه انى افرض رأى ولو حتى اغلبيه
وشكرا

-

الموضوع: حملة لمقاطعة ( وإزالة إن أمكن ) لوجو play boy

LinkBack

أدوات الموضوع

عرض

حملة لمقاطعة ( وإزالة إن أمكن ) لوجو play boy - انشر الموضوع فى :

-

-

-

المواضيع المتشابهه

حملة لمقاطعة توكيل فيات

معني لوجو play boy لازم الكل يعرفه لعدم شراء منتجاته

حملة لمقاطعة التاكسي الجديد

حملة لمقاطعة نوكيا فى المانيا

الكلمات الدلالية لهذا الموضوع

المفضلات

المفضلات

ضوابط المشاركة