الحمد لله: اخيرا حجزت السريون... باركولى

**ara** · 23-04-2008 01:38 PM

الحمد لله اخيرا وبعد طول إنتظار حجزت السريون :)
ان شاء الله استلم قريب, ممكن نصائح وقت الإستلام و الترخيص الخ؟
و هاوافيكم بالأخبار إن شاء الله

ان شاء الله
ان شاء الله
وليست انشاء الله

الادارة 1

**osama_alam** · 23-04-2008 01:41 PM

مبروك يا ريس وربنا يباركلك فيها ان شاء الله

**معاذ الشرباصى** · 23-04-2008 01:46 PM

الف الف مبروك

بس مش تقولى اى موديل فى السريون؟

حضرتك قولى عاوزة تسألى على ايه و احنا فى الخدمة

عموما العربية بتاخدى معاها طفاية هدية و طقم دواسات + طبعا الاستبن و العدة

بالنسبة للورق بيبقى شهادة بيانات موجهه للمرور اللى حضرتك تبعه + ورقه فيها ارقام الشاسيه بتاع عربيات كتير و متعلم على رقم شاسيه و موتور عربية حضرتك + المخالصة او عقد البيع (مش فاكر اسمها ايه)

كتيب الضمان حضرتك بتاخديه بعد الترخيص

**OlaOsman** · 23-04-2008 01:48 PM

الف الف مبرووووووووووك :)

اللهم بارك يا رب :)

سؤالي المفضل: لونها ايه؟ :D

**Noha.M** · 23-04-2008 01:52 PM

مببارك مبااارك :)

بجد انا بحب العربية دى موووووت :)

بسم الله ما شاء الله

**ara** · 23-04-2008 02:00 PM

ألف شكر يا osama_alam :) ربنا يبارك لينا كلنا فى عربياتنا :)
الله يبارك فيك يا معاذ و شكرا على الرد السريع و المعلومات
انا الحمد لله حجزت GLX 1.5 . هما فى دايهاتسوا قالولى إنهم "هايخلصو" الورق بس مقالوش ايه هوا :)
ايه اللى المفروض ابص او أسإل عليه وقت الإستلام؟

**ara** · 23-04-2008 02:02 PM

الله يبارك فيكى يا علا و عقبالك قرييييييييييييييييييييييي ييييييييييييب إن شاء الله
انا إخترت اللون الإسود علشان حسيت انه احلى لون فى 1.5

onna الله يبارك فيكى انا كمان بحب العربية ديه وكنت كل لما أشوفها فى الشارع اتهبل عليها :)

**سمير يونس** · 23-04-2008 02:12 PM

أحب أقول لك ألف ألف مليون مبروك على السيارة

و ربنا يرزقك خيرها و يكفيك شرها

**ara** · 23-04-2008 02:54 PM

شكرا يا أستاد سمير الله يبارك فيك

**معاذ الشرباصى** · 23-04-2008 02:58 PM

المشاركة الأصلية كتبت بواسطة ara

ألف شكر يا osama_alam :) ربنا يبارك لينا كلنا فى عربياتنا :)
الله يبارك فيك يا معاذ و شكرا على الرد السريع و المعلومات
انا الحمد لله حجزت GLX 1.5 . هما فى دايهاتسوا قالولى إنهم "هايخلصو" الورق بس مقالوش ايه هوا :)
ايه اللى المفروض ابص او أسإل عليه وقت الإستلام؟

الف مبروك

كده حضرتك جايبة نفس اللون و الموديل بتاعى :)

الورق اللى هيخلصوه هو اللى كتيته لحضرتك فوق, و يا ريت لو يطلع مع حضرتك مندوب لمرور علشان يخلص لك الاجراءات هناك, لأنهم بيقى عندهم خبرة فى التعامل مع موظفى المرور, بس ربنا يكون فى عونك و تلاقى نمر فى وقت قصير

حضرتك حاولى تستلمى العربية الصبح, تبصى على كل حتة فى العربية , علشان لو فى اى خدوش او اى حاجة لا قدر الله (انا شفت عربية سريون عند المصرية اللى فى المعادى واخدة نقرة جامدة فى العربية)

العربية زى ما قلت معاها طفاية + طقم دواسات هدية, الاستبن, العدة, و 2 اداه القطر (علشان لو العربية احتاجتى تجرى حد او حد يجرك) + 2 مفتاح من غير ريموت + كتالوج العربية

لو حضرتك بتركنى العربية فى الشارع يبقى اكيد هتحتاجى غطاء للعربية, مش هتلاقى مقاس العربية خالص فى الاغطية الجاهزة اللى بتتباع سواء فى التوفيية او شارع دمشق. يبقى عندك حل من 2: تشترى الغطاء بتاع Top cover egypt و ده تمنه 180 جنيه و ده waterproof و خفيف و مقاس العربية بالظبط (حضرتك صورته موجوده فى تقييم العربية اللى انا عامله), او تعملى غطاء تفصيل و ده بيبقى قماش.

و ربنا يكون فى عونك فى تنظيف الاسود

و اى استفسار تحت امرك

الموضوع: الحمد لله: اخيرا حجزت السريون... باركولى

LinkBack

أدوات الموضوع

عرض

-

-

-

-

المواضيع المتشابهه

الحمد لله اخيرا حجزت كيا سيراتو sx2

باركولى .....الحمد للة حجزت البونتو كلاسيك و محتاج مشورتكم

الحمد لله اخيرا حجزت الساجا

اخيرا حجزت الساجا (الحمد لله)

باركولى .. اخيرا حجزت اليارس

الكلمات الدلالية لهذا الموضوع

المفضلات

المفضلات

ضوابط المشاركة