عايز اعدل عربيتى النيو اكسنت 2008 مانيوال لوتوماتك ايه الحاجات المفروض تتعمل وهل هيحصل اى مشاكل بعد كده ولا لاء ياريت تردوا عليا بسرعة
عرض للطباعة
عايز اعدل عربيتى النيو اكسنت 2008 مانيوال لوتوماتك ايه الحاجات المفروض تتعمل وهل هيحصل اى مشاكل بعد كده ولا لاء ياريت تردوا عليا بسرعة
والله يا باشا انا هشرحلك بالتفصيل الحاجات الى هتتغير ولاسف مش عارف اسعار وفالاخر هاقولك لو عملت ايه يبقى افضل ليك
اولا هتشترى فتيس اوتوماتيك بالدفيره بتاعتو والكنترول بتاعو وده ممكن تلاقيه موجود استراد
تانى حاجه هتشترى شاشه عدادت بدل الى عندك علشان الاوتو بيبقى فيها انديكاشن بتاع الفتيس الى هو الغيار الى الفتيس عليه بيبقى مكتوب فيها
تالت حاجه ودى هتبقى صعبه شويتين هتبقى محتاج عصايه فتيس بالكونصوله بتاعتها يعنى عصايه فتيس والحته البلاستيك الى بتبقى حوليها الى مكتوب عليها prnd2l
رابع حاجه دواسه فرامل كبيره بتاعت الاوتو وطبه عشان لما هتشيل الدبرياش هحطها مكانو
بعد متجيب كل ده هتروح لميكانيكى كويس جدا عشان يركب الفتيس وهيفك الفتيس يتاعك ومحدش هيرضة يشتريه او هتبيعو بتمن قليل جدا بعدها هتحتاج كهربائى كويس جدا برضو يركب الكنترول والدفيره والشاشه وبعدها هتحتاج سروجى كويس اوى عشان يفك الكنسول بتاعك ويركب التانى ويشغل انوارو ويظبطو تمام
الموضوع نسبيا مش صعب النتيجه النهائيه ناجحه بنسبه 80 فالميه التقفيل تمام بنسبه 70 فالميه شغل الفتيس بعد كده يا يبقى تمام يا يقرفك
لو حسبت تمن الحاجات الى هتشتريها واللف عليها والمصنعيات وعدد الايام الى العربيه هتقف فيها وممكن النتيجه فالاخر تطلع غير مرضيه
بيع العربيه احسن وبنفس الفلوس هات وحده اوتو نفس الموديل فبريكه وتبقى حاطط فبطنك بطيخه صيفى ده راى والله اعلم
والله انا بشكرك لانك اول واحد رديت عليا بالنسبة لموضع تغيير العربية مش قادر ابيعها مع انها تانى عربية ليا العربية ماشية 42500 كيلو فى تلات سنين بحطلها بنزين 92 ومظبطها على الاخر كماليات واكسوسرات فانا بقول لو انا جبت الفتيس والكنترول الاوريجنال بتوع عربية نيو اكسنت اوتوماتك ايه المشكلة اللى هتظهر مع ان الحاجات اللى هركبها بتاعتها
هرخم عليك بسؤال
يعنى انت هتحولها فالتوكيييييل ؟؟؟؟؟؟؟؟ هتدهلهم وتاخدها منهم اوتو ولا هتجبلها حاجات استراد وتعمل القصه الى قلتلك عليها
السلام عليكم
لا يمكن التفكير في التوكيل في موضوع زي ده
لأنه ببساطه هايقولوا لحضرتك أقل حاجه 15 ألف جنيه مثلا
و بره الموضوع ده بالكتير يتكلف في أي عربيه هيونداي 3 ألاف جنيه
لكن النصيحه طالما عربية حضرتك نضيفه و محافظ عليها و خاصة أنها موتور مدش شغال فيه قوي يبقي بلاش تلعب فيها و سبها فابريكه و لما تزهق منها بعها و زود 5 ألاف و هات الأوتو نفس الحاله
لو كان مع حضرتك فيرنا أو أكسنت (1) كنت شجعتك جدا
بالتوفيق
غير كده كمان فى حاجات هيبقى صعب توفيرها استراد زى دواسه الفرامل والقطع الى محتاجها جوه العربيه الكونسول والشاشه هتلف عليها شويه على متلاقى حاجه كويسه
حضرتك تبيع العربيه وتشترى نيو اكسنت اتوماتيك
هو الموضوع صعب للدرجة دى