السلام عليكم
انا عايز اروح حديقه الازهر من مدينه 6 اكتوبر
وهل فيه اماكن انتظار كويسه ولا لا؟
شكرا
عرض للطباعة
السلام عليكم
انا عايز اروح حديقه الازهر من مدينه 6 اكتوبر
وهل فيه اماكن انتظار كويسه ولا لا؟
شكرا
هو حضرتك عايز تعرف الطريف ولا اماكن الركنة
لو اماكن الركنة موجودة تبع الازهر بارك من بوابة صلاح سالم
ب 5ج العربية
لو عايز الطرق بلغني وانا اقولك ازاي
هو حضرتك عايز تعرف الطريق ولا اماكن الركنة
لو اماكن الركنة موجودة تبع الازهر بارك من بوابة صلاح سالم
ب 5ج العربية
بالنسة للطريق
تاخد من اكتوبر المحور وتطلع الدائري في اتجاه السويس ومدينة السلام
هتاخد طوالي لحد لما تلاقي يافطة مدينة السلام وهتلاقي في وشك نفق (ده اول نفق هتقابله) ما تنزلوش تاخد يمين وهتطلع بره الدائري تاخد يمين مع الطريق ده اسمه شارع جسر السويس هتمشي فيه طوالي هتلاقي كوبري اطلعه هتلاقي بياخدك في اتجاه الشمال كده انت بقيت قي جوزيف تيتو تمشي طوالي لغاية لما تلاقي ملاهي السندباد على يمينك تقوم ماسك شمال مع الطريق وهتلاقي نفسك بتعدي على شريط تروماي وتمشي طوالي هتلاقي على يمينك الاستاد تاخد اول يمين هو ده شارع صلاح سالم تمشي فيه طوالي هيقابلك كوبري الاول وبعدين نفق وهتمشي طوالي هتلاقي كباري تانية زي استمر ما انت هتلاقي في طريقك على اليمين جامع الشرطة وجامع الرحمن الرحيم وهتلاقي نفق الازهر ما تنزلوش خد شماله كده انت قربت جدا لحد لما تلاقي الازهر بارك على يمينك خش على البوابة هتلاقي البارك جوه
وحمد لله على السلامة
على فكرة رغم ان الطريق طويل شوية الا انه طريق سريع ومفتوح احسن من العك جوه وسط البلد
لو احنجت اي حاجة في الطريق كلمني
0107403276
محمد صلاح
ايه اللفه دي
متطلع الدائري من الميرطيه هرم في اتجاه التجمع هيقابلك يافطه حلوان والمعادي كمل وانزل بعد كوبري الاوتستراد نزله مدينه نصر
امشي علطول وهتطلع كبري قبل القلعه بعديه خد يمين في مخرج المقطم ويمين كمان ويمين كمان هتلاقيك عند طريق المشيخه والازهر بارك
طريق كمان
ممكن تاخد المحور وبعدين تاخد الكوبرى اللى بعده وتنزل تاخد كوبرى 15 مايو وتنزل تانى نازله بعد البحر بتاعت ماسبيرو وتكمل
على طول لحد ميدان عبدالمنعم رياض وتطلع من هناك كوبرى اكتوبر وتنزل نزلة الاسعاف وتاخد شارع عبدالخالق ثروت اللى
على اوله نقابة المحاميين واخر عبدالخالق ثروت هتلاقى كوبرى الازهر هتطلعه وتنزل قدام جامع الازهر هتمشى قدام شوية
هتبقى على صلاح سالم مش هتمشى اكتر من 300 متر وتلاقى الحديقه على يمينك
شكرا علي ردودكم جميعا وانا شخصيا شايف ان طريق المحور للتحرير لعبدالخالق ثروت
دا هيكون طريق كويس لاني انا اعرف اوصل لحد نفق الازهر