تعالوا نعرف انواع الحرايق و الطفايات و كيفية استخدامها

**Amr Axel** · 28-05-2011 05:07 PM

المشاركة الأصلية كتبت بواسطة l0new0lf

اسمحلى ازود لضميرك المعلومه دى
فيه حاجه اسمها مثلث الحريق
مثلث يعنى 3 اضلاع
ماده قابله للاشتعال (خشب, ورق ,بلاستيك ..) , ماده مساعده للاشتعال (اكسجين) و ماده بادئه للاشتعال (مصدر حراره, شراره) لو كسرت اى ضلع من اضلاع المثلث بحيث ان ال3 اضلاع لا يتواجدوا فى نفس اللحظه فى نفس المكان يبقى انت نجحت فى انك تمنع حدوث حريق

اسمح لضميري يقولك ع رأي ايام المدارس

انظر الصفحة الأولي المشاركة رقم 7 ههههه

هتلاقيني اتكلمت عنها لأني نسيت اكتبها في الموضوع و طبعا جيت اعدل وقت التعديل خلص :)

و مثلث النار او الحريق ع حسب التسمية فعلا زي ما حضرتك قولت

و بيتم استخدام نظرية من تلاتة للكسره و هم

التجويع او الخنق او التبريد

نورت الموضوع :)

**Amr Axel** · 28-05-2011 08:36 PM

المشاركة الأصلية كتبت بواسطة abd_el_7amid

يا اخى فعلا انت وضميرك سبقتنى
انا كنت ناوى اكتب عن طفايات الحريق واهميتها ... نظرا لانى لسه من كام يوم متعرض لحريق
اسمحولى اشرحلكم القصة باختصار
كنت قاعد يوم الجمعة فى سكون ... ولقيت جرس الباب ترررررن .. خرجت ملقتش حد بس سمعت صوت و ناس عمالة تجرى... وبعد كده بقه جه الصويت و العويل والذى منه.
المهم خرجت بسرعة ( انا ساكن فى الدور السابع ) لقيتهم كلهم فى التاسع و شقة بتولع و محدش شايف حاجة من كتر الدخان الاسود
نزلت مسرعا الى المحل فى نفس العمارة وجيبت طفايتين حريق 6 ك بتوعى وطلعت تانى التاسع ... كان فى شاب زى الورد اخد من الطفايتن وعليه بطانيه ودخل و جبتلهم كشاف لان فعلا الرؤية منعدمة... ونزلت بسرعة اجيب المطافى... الحمد لله المطافى جت و مدت الخراطيم على السلم لحد التاسع وقدروا يسيطروا على الوضع و فصلنا الكهرباء...
الخسائر مش كبيرة الحمد لله.. المطبخ راح كله ثلاجة و ميكرويف و شفاط و بوتجاز و سخان وكل الخشب
والحمد لله كان فيه 3 انابيب بوتجاز وكلهم سلام... الصالة نصها باظ و السقف راح ... بس الحمد لله مفييييييييش خسائر فى الارواح
ومن ساعتها قررت اجيب طفاية بالبيت ضرورى ... واشترينا للعمارة لكل دور طفاية
لكن كلنا فعلا لازم نتعلم نستخدمها...... واهم حاجة فعلا لاتصوب على اللهب ولكن على مصدر اللهب ... حماكم الله
وجزى الله خيرا لصاحب الموضوع

الحمد الله ان مفيش خساير في الارواح و ربنا يعوض ع صاحب الحاجة الحاجة اللي راحت

و فعلا اهم حاجة يكون في ع الاقل طفاية واحدة

و في المنطقة عندنا قولت اعمل زي نشرة و اكلم الناس اقولهم كل عمارة يبقي ليها و لو طفاية واحدة بقفل مع السكان
لكن كله ضحك و خدها ع انها نكتة كالمعتاد الناس و الله عقدوني اني اقول اي اقتراحات
الناس مش بترضي تعمل الحاجة الا لما المصيبة تحصل يرجعوا يقولوا نعمل و نعمل ميعروفش ان في حاجة اسمها الوقاية خيرا من العلاج

لدرجة اني قررت اقدم اقتراح للحكومة ان مفيش عمارة تخلو من طفاية و يكون فيه تفتيش مفاجئ و العمارة اللي مفيهاش طفاية , سكان العمارة كلهم يدفعوا غرامة 10 -20 جنيه لكل شقة
ياما طفاية لكل شقه و يبقي تفتيش برده و المفتش يشوف الطفاية بنفسه
و بكده اي حريق تحصل ان شاء الله تتلحق
و طبعا هتبقي مصلحة للحكومة
بس لازم الاول يتعملها حملة توعية
بس البلد تهدي شوية

نورت يا ريس الموضوع

**Amr Axel** · 29-05-2011 05:34 PM

المشاركة الأصلية كتبت بواسطة kashtoot

مشكور على المعلومات القيمة

شكرا لردك

و ارجو انك تكون استفيد :)

**Amr Axel** · 03-06-2011 03:01 PM

شكرا ليك

نورت الموضوع

**hossam_elwani** · 04-06-2011 02:35 AM

موضوع مهم شكرا..................

**Amr Axel** · 04-06-2011 05:57 AM

المشاركة الأصلية كتبت بواسطة hossam_elwani

موضوع مهم شكرا..................

نورت يا استاذ حسام

-

-

الموضوع: تعالوا نعرف انواع الحرايق و الطفايات و كيفية استخدامها

LinkBack

أدوات الموضوع

عرض

-

-

-

-

-

المواضيع المتشابهه

تعالوا نعرف ازاي نغير سير الدينامو

تعالوا نعرف ايه هوا ال gdi .. وليه بنزين 95 الافضل ..

تعالوا نعرف انواع الفتيس و الفرق بينهم و ازاي نسوق بكل واحد منهم

تعالوا نعرف ايه هي العلامات المرورية و معناها

تعالوا نعرف مع بعض ازاى نحافظ على عربياتنا

الكلمات الدلالية لهذا الموضوع

المفضلات

المفضلات

ضوابط المشاركة