الموضوع: شكر اصيل ..لاخ وصقر اصيل .. على اللى عملوا معايا

المشاركة الأصلية كتبت بواسطة peaceman

مبروك يا احمد تصليح الاكصدام
ووليد ده فعلا بجد راجل و محترم و احلي حاجه فيه انه الحاجه اللي بيفهم فيها بس بيتكلم فيها و هو علي يقين من كلامه و ثقة من النفس .. "يا وليد يا جامد"

تسلم يا حبيبى , الحمد لله ان ربنا كرمنى وحلتها على خير

المشاركة الأصلية كتبت بواسطة samsong

الجمد لله علي سلامتك استاذ احمد ...
وفعلا يوم ورا يوم المنتدي بيثبت للجميع علي تميزه بكل اعضائه ومدي تعاونهم في حل كل المشاكل وبكل الطرق
ومعرفة كل ماهو جديد ولوجه الله .

الله يسلمك يا استاذ سامى

فعلا كلامك حقيقى , المنتدى غنى بناس جدعة جدا ومحترمين وولاد بلد ومش بيتاخرو عن مساعدة حد ابدا

المشاركة الأصلية كتبت بواسطة sonasteel

سكر اصيل ... وعسل ابيض
وليد عادل .. واحمد مصطفي
كان نفسي تبقي فطير بلدي واجي معاكم المشوار ده ... هههه
انا مش هاتكلم علي احمد .. علشان مششلاقي حاجة بصراحة اقولها عليه .... حسبي الله ونعم الوكيل ههههههه
ربنا يبارك لنا في ياعسل ابيض ... و يارب اشوفك نحلة قد الدنيا :))
اجي بقي للشخصية العسل ديه ... يعني هي مجاتش فرصه اني اتكلم عليه .... ماشاء الله عليه خدوم جدا ودمه زي العسل ومبيتأخرش لحظه عن حد ولا عن مقابله حد .. وهو اللي بيسعي انه يقابلنا ... ولييييد عادل
يعني بفضل الله ثم احمد .. اتعرفت عليه ( احسبه علي خير ولا ازكيه علي الله)... تسلم ياويل علي وقفه ولاد البلد ديه ... ومنتحرمش من قعدتك الجميلة ... وربنا يباركلك في الحاج والحاجة ويرزقك برهم واخدمك يوم فرحك يا عرييييييس :))
اقعد بالعافية ;)

يا حبيبى انت الدقيق والعجين والعسل وكل حاجة يا حسين

انا مش حنسى وقفتك معايا لما كنت بروح الحرفين , وبعمل الاكصدامات قبل كدا عند بسام , بصراحة انت من الناس الغالية عندى جدااا , وفعلا حقيقى ربنا عوضنى بيك اخ حقيقى يا حسين
انسان كريم , وجدع وطيب ومعدنك واصيل , وبسيط , , بصراحة يعنى لو فضلت احكى واقول مش حوفيك حقك يا حسين والله
وربنا يباركلك فى صحتك وفى اهلك , ويسعدك ويرزقك الخير يارب , ونشوفك عريس بقااااااا

والله ساعتها حتلاقينى فى دهرك وحفرحلك فرحة كبيرة جدااا

المشاركة الأصلية كتبت بواسطة ahmedezar

حمد لله علي السلامة يا أحمد
ودايما كده الناس في خدمة بعضها وده جزء من جمايلك علينا يا عم أحمد
وأ/ وليد عادل شخصية فعلا زي ما حسين باشا قال زي السكر

ابوحميد حبيبى , الله يسلمك , احنا اخوات , ومفيش جمايل بين الاخوات ,, وربنا يعلم معزتكم عندى كلكم

ولو كان معايا امكانية كبيرة مادية او غير مادية , والله كنت سخرتها لخدمة الناس المحترمة اللى زيكم , واى حد ليه مشكلة كنت اخليه يسيب عربيته واجبله عربية مكنها جديدة زيرو

بس العين بصيرة واليد قصيرة

المشاركة الأصلية كتبت بواسطة walidadel

كنت خااااااااااايف انا من الحركه دي تصدق بقي ياحمد يامصطفي
يابني والله ماعملتش حاجه كله في الخفيف يعني و مكنش لازم السياحه اللي انت عملتها دي في المنتدي يابيه تصدق انا كنت اسيبك تغير اكصدام احسن
انا بحب اخدم الناس الجدعان بس ياعم احمد ...... و ربنا يديم المحبه مابينا يارب و انت فعلا جدع و تستاهل كل خير

بجد والله ياجماعه انا مش عارف ارد اقول ايه بس شكرا لكل الردود و الواحد فعلا ماعملتش كده الا علشان لاقي ناس قدامه كده و ربنا يديمها علينا نعمه

يا حبيبى المفروض من زمان من قبل الموضوع ده احكى واقول قد ايه انت اخ وصديق رائع على المستوى الانسانى بجد , وابن بلد وجدع جدا

وربنا يديم الحب والمعرفة بينا , وانت عارف غلوتك عندى من زمان

المشاركة الأصلية كتبت بواسطة mohamednagib

دا العادي من صقور النيسان .... و الخير اللي بتعمله مع الناس يا احمد لازم يترد لك في الدنيا و الاخرة ...

و يمكن ما اكونش قابلت وليد الا مرة واحدة يوم المقابلة .. بس كان شكله بصراحة زي باقي الصقور في النيسان ... الجدعنه في دمهم ....

ربنا يكرمه و يبارك له ... و يبارك لك انت كمان يا احمد و النيسانوية كلهم

الله يخليك يا محمد , والله اللى بعمله ده بعمله مع اخوة وناس غالية عندى , ولو اقدر اعمل اكتر حعمل

لانكم ناس محترمة جدا وتستهلوا كل خير