اماكن الصيانه ومحلات قطع الغيار

**aYaBooY** · 11-10-2009 12:07 AM

حمد لله على السلامة و على فكرة انا اصلا من الاسماعيلية
العربية الي مع حضرتك ملهاش وجود في مصر تقريبا و لازم تعمل موضوع الزيت ده قبل السفر ادخل على موقع فورد او في الكتالوج بتاع العربية المفروض تلاقي شرح لطريقة تزويد زيت الفتيس و غالبا هاتلاقي طبه علوية في الفتيس لتزويد الزيت و خلي بالك كل الورش بتاعت الاسماعيلية محدش بيعرف يعمل حاجة في الفورد العادية بتاعت مصر مش في الي معاك و غالبا الموضوع هيحتاج منك مشوار القاهرة و طبعا منصحكش تيجي سايقها علشان الفتيس ميضرش انصحك تحطها على ونش و لو هاتيجي مصر عندك رمضان في الحرفيين بس الصراحة منصحكش بيه قوي في عربية موديل جديد و عندك قطب في الضاهر و ده انصحك بيه قوي او التوكيل و فيه مركزين واحد اسمه تكنوبوش و التاني اوتو ماجد اياك تروح ليهم برده

**alexcdx** · 13-10-2009 09:20 PM

حد يعرف أو أتعامل مع حد عنده أسكانر و هل بيكشف على abs و الفتيس الأوتومانيك ؟

**aYaBooY** · 15-10-2009 06:43 PM

انا شوفت قطب بيتعامل في فوردات غريبة و كانو 4*4 و البرنامج بتاع الفورد واحد لكل العربيات الفورد و انصحك بيه عن ثقة

**alexcdx** · 27-10-2009 08:43 PM

الأسكندريه :
ميكانيكى وائل : خلف نقطه الابراهيميه عنده سكانر متخصص فى جميع أنواع الفورد
أوروبى وأمريكانى ولينكولين ومركيورى
ت :0101686945

**Kotb** · 02-11-2009 07:29 PM

السلام عليكم ورحمة الله وبركاتو معاكم اخوم قطب اكيد البعض يعرفني والبعض سمع عني علي العموم انا قطب الماكانيكي بتاع الظاهرلو في شكوا ياجماعه لي حد فيكم من ناحيت السياره احب اعرفها ولواي حد محثاج نصيحه لوجه الله علي اتم الستعداد ورقم موبيلي 0101468854 شكرا

**Kotb** · 02-11-2009 07:56 PM

ياجماعه موضع العمره ده يطلع كويس لعدات اسباب منها (1)موصفت الصنيعي للخراط (2)نظافة الميكانيكي (3)قطعة الغيارلزم تكون اصلي ومن مصدر موسوق فيه

**aYaBooY** · 03-11-2009 07:11 PM

اهلا يا قطب باشا
منور يا ريس
عموما انت ترد هنا و انا اروح ابيع ترمس هههههههههه

**Kotb** · 05-11-2009 10:16 PM

انا ماضرشي اتعدا علي معليك يا باشا

**aYaBooY** · 08-11-2009 06:46 PM

الله يكرمك يا غالي

**medociv** · 12-11-2009 10:36 AM

السلام عليكم ورحمة الله وبركاته
انا رايي من خلال تعاملي : ان اي ميكانيكي ماينفعش تحكم عليه من السمع لازم تجربه ثانيا : ماتديش دقنك للميانيكي او العامل في ورشته انه يشتريلك قطع الغيارلانه هيشنبرك لو مش كويس ، غلطت مرة والعامل جابلي جلب مقصات باعتبارها اصلي (وكانت مغشوشة) وركبت ومفيش شهر العربية صفرت ورجعت للميكانيكي قالي منت ممكن تكون خدت مطب جامد قلتله هو انا هجي ارمي بلايا لو عملت كده!! المهم فك المقصات وطلع الجلب متفرتكة
وبعدين بعت معايا نفس العامل لمحل قطع الغيار والعامل سابني اواجه صاحب المحل المهم فهمته القصة قعد يقولي في الاول ده مش مشكلتي وبدعين بعد كده قام مديني جوز تاني وحاسبني على نص تمنهم ومقعدوش اسبوعين وكانو باظو
حسبي الله ونعم الوكيل
في الاخر قصرت واشتريت مساعدين جديد
محل قطع الغيار ده في وسط البلد اسمه يوسف بدرسيان