اماكن الصيانه ومحلات قطع الغيار

**medociv** · 12-11-2009 10:43 AM

الصراحة برضه من المحلات الكويسة واللي بتحترم كلمتها :
سامي فخري في ش دمشق واوقات بيكون غالي بعض الشيء
يافا في ش دمشق
ومن الملاحظ برضه ان بعض المحلات بتضرب في بعض مرة اشتريت سلك الدبرياج من ش دمشق ورحت لمحل اخر عشان اشوف حاجة تانية لقيت التاني بيضرب في الاولاني وهكذا
انا بعد 3 سنين تعامل مع فورد انصحكم بالاتي:
-القطع الاكسسوارات او العادية تبقى من المحلات قطع الغيار
-الاساسية مثل مساعد - مقص - سلك دبرياش .... من التوكيل وده سعره مش فارق كتير عن بره (مشكلته بس في 10% ضريبة)
وعلى فكرة له فرع في مدينة نصر محطة بنزين وطنية عند مسجد السلام في الحي العاشر (فرع توكيل فورد لبيع قطع الغيار)

**aYaBooY** · 12-11-2009 05:03 PM

المشاركة الأصلية كتبت بواسطة medociv

الصراحة برضه من المحلات الكويسة واللي بتحترم كلمتها :
سامي فخري في ش دمشق واوقات بيكون غالي بعض الشيء
يافا في ش دمشق

طبعا الاتنين ناس زي الفل

المشاركة الأصلية كتبت بواسطة medociv

ومن الملاحظ برضه ان بعض المحلات بتضرب في بعض مرة اشتريت سلك الدبرياج من ش دمشق ورحت لمحل اخر عشان اشوف حاجة تانية لقيت التاني بيضرب في الاولاني وهكذا
انا بعد 3 سنين تعامل مع فورد انصحكم بالاتي:
-القطع الاكسسوارات او العادية تبقى من المحلات قطع الغيار
-الاساسية مثل مساعد - مقص - سلك دبرياش .... من التوكيل وده سعره مش فارق كتير عن بره (مشكلته بس في 10% ضريبة)
وعلى فكرة له فرع في مدينة نصر محطة بنزين وطنية عند مسجد السلام في الحي العاشر (فرع توكيل فورد لبيع قطع الغيار)

اعترض بشدة علشان في التوكيل بيكون الفرق كبير قوي عن بره مش مجرد فرق بسيط غير الضريبة يعني كنت ناوي اغير تيل و طنابير فرق الطنابير كان الضعف تقريبا 550 في التوكيل و 250 في كل حتة و برده اسباني او الاصلي و فيه فروق كبيرة برده في تمن الفلاتر و البوجيهات

المشاركة الأصلية كتبت بواسطة medociv

السلام عليكم ورحمة الله وبركاته
انا رايي من خلال تعاملي : ان اي ميكانيكي ماينفعش تحكم عليه من السمع لازم تجربه

طبعا كلام سليم و مع اي حد مش بس الميكانيكي

المشاركة الأصلية كتبت بواسطة medociv

ثانيا : ماتديش دقنك للميانيكي او العامل في ورشته انه يشتريلك قطع الغيارلانه هيشنبرك لو مش كويس ، غلطت مرة والعامل جابلي[gdwl] جلب مقصات [/gdwl]باعتبارها اصلي (وكانت مغشوشة) وركبت ومفيش شهر العربية صفرت ورجعت للميكانيكي قالي منت ممكن تكون خدت مطب جامد قلتله هو انا هجي ارمي بلايا لو عملت كده!! المهم فك المقصات وطلع الجلب متفرتكة
وبعدين بعت معايا نفس العامل لمحل قطع الغيار والعامل سابني اواجه صاحب المحل المهم فهمته القصة قعد يقولي في الاول ده مش مشكلتي وبدعين بعد كده قام مديني جوز تاني وحاسبني على نص تمنهم ومقعدوش اسبوعين وكانو باظو
حسبي الله ونعم الوكيل
[gdwl]في الاخر قصرت واشتريت مساعدين جديد[/gdwl]
محل قطع الغيار ده في وسط البلد اسمه يوسف بدرسيان

طبيعي ان المساعد لو بايظ ان الجلب تتهري بدري بدري و عموما الجلب الاصلية و التقليد فرق تمنهم كبير قوي

**sem2006** · 18-11-2009 03:12 AM

تحيه لاحلى منتدى , لدى شرخ فى الزجاج الامامى للسيارة اسكورت 1300 بطول الزجاج من فوق لتحت ارجو افادتى بأماكن التصليح او التغيير بأسعار حنينة فى القاهره وشكرااااااااااااا

**amooor22** · 07-12-2009 10:45 PM

اولا اسمي عمرو محمد مهندس في توكيل تكنو فورد بالحرفيين
طبعا الاعضاء ما شاء الله خلو سمعه المركز في الحضيض
انا بشتغل في المركز من شهرين طبعا معنديش فكرة عن الاسعار لكن اي عربيه بتيجي مبنقصرش فيها والكلام الي اتقال ده مبالغ فيه جدا

**reamoz** · 08-12-2009 09:42 AM

المشاركة الأصلية كتبت بواسطة amooor22

اولا اسمي عمرو محمد مهندس في توكيل تكنو فورد بالحرفيين
طبعا الاعضاء ما شاء الله خلو سمعه المركز في الحضيض
انا بشتغل في المركز من شهرين طبعا معنديش فكرة عن الاسعار لكن اي عربيه بتيجي مبنقصرش فيها والكلام الي اتقال ده مبالغ فيه جدا

وحضرتك مهندس في إيه بالظبط أنهي قسم يعني

وبعدين يعني إيه توكيل تكنو اللي في الحرفيين؟ هو ده وكيل معتمد لفورد علشان تقول عليه توكيل؟!

والأعضاء بتتكلم بناء على تجارب شخصية وبتقول على المواقف اللي حصلت فعلاً معاها مش بتفتري على حد لأن ملهاش مصلحة في كدة غير إنها بتنقل خبرتها الشخصية للناس لوجه الله

ياريت لو حضرتك مفوض من المركز لتحسين صورته تشاركنا في المشكلات اللي بنعرضها أو تعمل موضوع زي اللي عاملة الأخ قطب صاحب المركز اللي في الضاهر وتفيدونا بمعلوماتكم وخبرتكم

**aYaBooY** · 08-12-2009 10:03 AM

المشاركة الأصلية كتبت بواسطة amooor22

اولا اسمي عمرو محمد مهندس في توكيل تكنو فورد بالحرفيين
طبعا الاعضاء ما شاء الله خلو سمعه المركز في الحضيض
انا بشتغل في المركز من شهرين طبعا معنديش فكرة عن الاسعار لكن اي عربيه بتيجي مبنقصرش فيها والكلام الي اتقال ده مبالغ فيه جدا

منور
بس مش الاعضاء الي خلت السمعة في الحضيض ديه عمايلكم و قلة خبرتكم و اسعاركم المبالغ فيها
و للعمل مركز تكنوا بوش ليس توكيل هو موزع معتمد بس لقطع الغيار معتمد من التوكيل فكرى جروب و معاهم اعتماد تصليح من غبور للهيونداي

**amooor22** · 09-12-2009 12:00 AM

[gdwl]
مش الاعضاء الي خلت السمعة في الحضيض ديه عمايلكم و قلة خبرتكم و اسعاركم المبالغ فيها
[/gdwl]
اولا ممكن نحصر عدد الاعضاء الي بيشتكو من المركز (طبعا ده مركز كبير والي شغالين فيه بشر والخطأ وارد)
ثانيا قله الخبرة دي بصراحه كلمه اوفر لو المركز كدة كان قفل من زمان
ثالثا الاسعار انا قلت انا مش مسؤل عنها وولكن برضو حضرتك قبل ما يتم اي شىء في عربيتك اسأل هتتكلف كام لو السعر مش عاجبك انت لسه عالبر
[gdwl]
للعمل مركز تكنوا بوش ليس توكيل هو موزع معتمد بس لقطع الغيار معتمد من التوكيل فكرى جروب و معاهم اعتماد تصليح من غبور للهيونداي
[/gdwl]
شكرا عالمعلومه والاضافه

**amooor22** · 09-12-2009 12:21 AM

المشاركة الأصلية كتبت بواسطة reamoz

وحضرتك مهندس في إيه بالظبط أنهي قسم يعني

وبعدين يعني إيه توكيل تكنو اللي في الحرفيين؟ هو ده وكيل معتمد لفورد علشان تقول عليه توكيل؟!

والأعضاء بتتكلم بناء على تجارب شخصية وبتقول على المواقف اللي حصلت فعلاً معاها مش بتفتري على حد لأن ملهاش مصلحة في كدة غير إنها بتنقل خبرتها الشخصية للناس لوجه الله

ياريت لو حضرتك مفوض من المركز لتحسين صورته تشاركنا في المشكلات اللي بنعرضها أو تعمل موضوع زي اللي عاملة الأخ قطب صاحب المركز اللي في الضاهر وتفيدونا بمعلوماتكم وخبرتكم

شكرا على الرد
اولا قسم ميكانيكا
ثانيا موضوع توكيل ولا مش توكيل المهم لو جيت بعربيه فيها مشكله بتتصلح ولا دى الاساس والمعيار الي الناس بتقيم بيه
ثالثا انا مش مفوض من المركز بس ده مكان شغلي وبتكلم عن شغل بعمله بإيدي او تحت اشرفي
رابعا انا تحت امر الاعضاء في اي مشكله

**vooooo** · 09-12-2009 12:43 AM

لو هنتكلم عن مركز تكنو فورد فالكلام كتير قوى و مش هيبقى فى صالح المركز خالص

لأن اى واحد راح هناك و اتعامل معاهم و فى اسعار قطع الغيار و المصنعيات هيتأكد انهم واجهه بس لكن من الداخل ................!

انا وديت عربيتى عندهم مره واحده و ندمان لحد دلوقتى انى وديتهالهم و مش هتكلم عن الأسباب

لكن لو المركز ده متخصص يبقى ازاى نفس الميكانيكى اللى بيشتغل فى فورد هو نفسه اللى بيشتغل فى هيونداى و شوفت عندهم كيا و تويوتا و اسكودا.

اللى بيشتكى من تكنو فورد هو اللى شاف فرق المعامله بينهم و بين اى ميكانيكى أخر
و فرق السعار كبير قوى . و عن تجربه شخصيه و و ابسط حاجه انهم يقولوا غير ده و هات ده لكن يصلحوا مابيعرفوش.. و ده مش افترا على المركز ولا حاجه لكن مش هيبقى كل اللى فى المنتدى مخنوقين منهم و خلاص.

**aYaBooY** · 09-12-2009 10:08 AM

المشاركة الأصلية كتبت بواسطة amooor22

[gdwl]
مش الاعضاء الي خلت السمعة في الحضيض ديه عمايلكم و قلة خبرتكم و اسعاركم المبالغ فيها
[/gdwl]
اولا ممكن نحصر عدد الاعضاء الي بيشتكو من المركز (طبعا ده مركز كبير والي شغالين فيه بشر والخطأ وارد)
ثانيا قله الخبرة دي بصراحه كلمه اوفر لو المركز كدة كان قفل من زمان
ثالثا الاسعار انا قلت انا مش مسؤل عنها وولكن برضو حضرتك قبل ما يتم اي شىء في عربيتك اسأل هتتكلف كام لو السعر مش عاجبك انت لسه عالبر
[gdwl]
للعمل مركز تكنوا بوش ليس توكيل هو موزع معتمد بس لقطع الغيار معتمد من التوكيل فكرى جروب و معاهم اعتماد تصليح من غبور للهيونداي
[/gdwl]
شكرا عالمعلومه والاضافه

مهندس عمرو اولا مش عاوز نوصل ان الموضوع يكون شخصي بينك كعمر و بينا

كونه توكيل او لا طبعا بتفرق و كونه توكيل معناه مجموعة من الالتزامات تجاه العميل و يترتب عليها ارتفاع في تمن المصنعيات و التزام من المكان بتقديم قطع غيار بمستوى عالي

اما في مركز[gdwl] تكنو بوش[/gdwl]- اسم المركز تكنوبوش مش تكنوفورد - بتلتزمم فيما يخص تمن قطع الغيار و تمن المصنعية لكن التزام جودة صنعة مفيش
منساش ابدا لما كنت شاري العربية جديد و روحت عندهم بجد الكلام حسيسني اني داخل عليهم بالعربية على ونش مش سايقها و منساش واحد مش عاوز اديلة وصف طبعا مش فاكر اسمه بيقولي فيه صوت خشونة من بستم - و ده بسبب عدم ظبط تكيهات - بيقولي ممكن نفك البستم و نتطمن عليه و الله مش هاينفع اكتب كان نفسي ارد بايه
و موضوع اننا نعمل احصاء للاعضاء الي بتشتكي من المركز صدقني مش هايكون في صالح المركز خالص
اما موضوع كلمتي الاوفر لو انت اسس انها موجه لشخصك انا اسف لكن لو انت حاسس انها موجهة للمركز لا كلمتي مش اوفر و يا ريت لو حد من الاعضاء عاوز يشكر في المركز يتفضل للنقاش كمستخدم للسيارة و ليس كنائب عن المركز

الموضوع: اماكن الصيانه ومحلات قطع الغيار

LinkBack

أدوات الموضوع

عرض

-

-

-

-

-

المواضيع المتشابهه

موزعين قطع الغيار + ورش الصيانه & ميكانيكيا

اماكن قطع الغيار

سؤال عن اماكن الصيانه

اماكن مراكز الصيانه

الكلمات الدلالية لهذا الموضوع

المفضلات

المفضلات

ضوابط المشاركة