السلام عليكم، حد يعرف ثمن المروحة الشمال بتاعت إبيزا 2001؟ :b4_611:
عرض للطباعة
السلام عليكم، حد يعرف ثمن المروحة الشمال بتاعت إبيزا 2001؟ :b4_611:
وعليكم السلام ورحمه الله يااحمد باشا هي بتعمل معاك ايه بالظبط؟
هيا مش راضيا تشتغل!!
منا عملت كده، هيا لازم تتغير للأسف!
?!!
استيراد المروحتين بالقميص بتاعهم ب 450 ... تقريبا
هما بييجو اتنين مع بعض؟؟ مينفعش أخد اللي أنا محتاجها بس؟؟؟
كنت هاجبها و الواد طلعهالى و بعد ما قالى 150 صاحب المحل جه و قالى 300 قلتلو خليهالك بتاعه التكييف و بردو بتاعه تبريد الموتور مش هتختلف كتيير
السلام عليكم
ها اية الاخبار جيبت المروحة لوحدها ولا جيبت الاتنين
متابع لاني عندي اللي هما المروحتين في بعض و بيشتغلوا مع بعض و فيها سرعتين وللاسف فيه السرع بتاعت التكيف باظت اللي هيا الاولي و انا شغال علي التانيه بس عندي مشكله ان الفيشه فيها عيب و ساعات بتفصل خالص
ف ممكن اجيب الفيشه بس ولا لازم اجيب الفيشه و المروحه ياريت تفدوني بسرعه عشان العربيه تحت البيت مبقدرش اتحرك بيها
السلام عليكم
انا المشكلة عندى ان فى مروحة من الاتنين فيها رفه وبتعمل صوت رهيب كانى راكب دبابة والمروحة شغاله
فا كنت عايز اعرف هو جايب واحدة بس ولا لازم الاتنين
اعتقد يا استاذ احمد الموضوع عندك بسيط ممكن تنزل الحرفيين وان شاء الله هتلاقى فيشة اكيد هناك فى مراوح بايظة
وان ملقاتش
ممكن كهربائى يظبط الفيشة ويوصل دايركت بدون فيشة اى يقطع الفيشة ويوصل السك فى بعضة (بسخد راى الاعضاء هنا الاول ممكن موضوع التوصيل بدون فيشة يكون خطير وانا مش عارف)
ربنا يوفقك للخير
ان شاء الله هنزل قريب و اعرف الدنيا فيها ايه و اقولكو حد عايز اسئله علي حاجة هناك
المشكلة الوحيدة في التوصيل المباشر للمراوح انه محتاج حد يقفله صح عشان شريط اللحام ميفكش مع السخونية و الوقت و الحركة ويلمس في اي شيء و يعمل مشكلة بالاضافة لأنك لو حبيت تعمل اي شغل في المراوح هتعد تفك و تقفل تاني لكن الفيش سهلة جدا في القصة دي (الفك و التركيب )
وانا شخصيا أكتر شيء أكرهه وجود أسلاك عريانه او متوصله من غير فيشتها وبالنسبالي دي مصيبة في العربية و مقبلهاش أبدا لأن فيشة الضفيرة الأصلية لا تعوض
والله الموفق
هو اكيدطبعا كلام حضرتك والله المستعان و الاقيهم ان شاء الله لاني سئلت كله بيقولي خد الطقم كامل سربنتينه ( ريداتير و تكيف) و المروحه
+11111اقتباس:
المشكلة الوحيدة في التوصيل المباشر للمراوح انه محتاج حد يقفله صح عشان شريط اللحام ميفكش مع السخونية و الوقت و الحركة ويلمس في اي شيء و يعمل مشكلة بالاضافة لأنك لو حبيت تعمل اي شغل في المراوح هتعد تفك و تقفل تاني لكن الفيش سهلة جدا في القصة دي (الفك و التركيب )
وانا شخصيا أكتر شيء أكرهه وجود أسلاك عريانه او متوصله من غير فيشتها وبالنسبالي دي مصيبة في العربية و مقبلهاش أبدا لأن فيشة الضفيرة الأصلية لا تعوض
والله الموفق
اكيد يا ايهاب بس المضطر بقي يوصلها دايركت :)
و بالنسبه للقميص بالمروحتين بتوعو تمنهم استيراد 300 ج
طب معلش يا جماعة انا عندي استفسار صغيور اوي
انا عندي الردياتير بالمراوح سايبين ومايلين لورا (ناحية الماتور)
هل دي تأثر علي التبريد او كفاءة عمل المراوح ؟؟؟
والله المستعان
،
،
الطبيعي انهم ليهم قواعد علي الصدر من جوهاقتباس:
طب معلش يا جماعة انا عندي استفسار صغيور اوي
انا عندي الردياتير بالمراوح سايبين ومايلين لورا (ناحية الماتور)
هل دي تأثر علي التبريد او كفاءة عمل المراوح ؟؟؟
والله المستعان
،
،
الا اذا كان صدر ال 94 و متركبله طقم تبريد ال 98 .... عموما لو الخوص اللي بيقعد عليه
طقم التبريد مش مظبوط ممكن تظبطه عند اي سمكري
و الكفائه اكيد بتقل بس بشكل غير ملحوظ عشان توزيع
الهوا علي الرياداتير مش بيكون صح 100 % ( الهوا اللي جاي من بره مش بتاع المراوح )
شكرا علي الرد
بس انا اساسا العربية عندي 99 ومش عارف القميص بتاعها ولا لاء
هكشف عليها وانا بعمل سمكرة للصدر قريب انشاء الله لأن الوش عندي مش مظبوط اساسا ولا الكبوت ولا الأكصدام ولا الشبكة ولا الفوانيس ولا الأشارات ولا الوش كله عاجبني اساسا
والله المستعان
،
،
الله ينور يا بيهمان بص تكمله للمعلومة انا كنت عملت حادثة وغيرت الصدر علما بان اللي كان راكب بتاع96 ل99 والخوص بتاع الردياتير وهو عمل زي حرف ل علي فكرة كان بتاع طقم التبريد الكبير وبعيد عن بعضه,عملت الحادثه (خدو بالكم من المياه والتراب وال.........اللي بيرجعوا ياخدوا الملف بظهرهم والطريق حارة واحدة) جبت صدر 94 طقم الردياتير الكبير الخوص بعيدة عن بعضها فارق عن بتاع 96ل99 فانه مكان مابتركب الفوجات في 94 في حديتين نازلين في كل جنب وفيهم مكان لمسمار بس كده ودول مكانهم فاضي ف96 ل99 مقصوصين ومش موجودين زائد ان ف94 مفيش استيكر عالصدر ومن96 ل99 في ههههههههههه والله بتكلم جد
بس في حاجة غريبة الصدر بيركب بمسمارين في كل رفرف من فوق ,وبينهم فتحة مسمار ثالث المهم في جنب مظبوط والفتحة واضحة والجنب تاني الفتحة باينة نصها اكنه راكب بزاوية بس الكبوت بيقفل عادي قلت للسمكري اللي ركبه قاللي ده طبيعي
السلام عليكم
نزلت امبارح الحرفيين كنت بسال على اسعار وكنت عايز اشحن التكيييف المهم سالت على المروحة الواحدة استيراد فى حدود 150 ج بس للاسف مااخدتهاش علشان الريش بتاعتها صغيرة مع العلم اللى راكب عندى الريش بتاعتهم ذى بعض ونفس الحجم وكل ما اسال عند حد يقولى المروحة الكبيرة ولا الصغيرة المهم ان شاء الله هانزل تانى واخد لفه كمان وان شاء الله هلاقى الكبيرة .
سعر المروحتين بالقميص 400 الى 500 ج
بس ممكن توضيح هل المروحتين نفس الحجم ولا واحدة كبيرة وواحدة صغيرة ( مقاس الريشه)؟؟؟؟!!!!
على فكرة سالت على الكبالن الاستيراد الكوبلن الكامل ( عدد 2 راس كوبلن يمين وشمال + الكبالن الداخلية الطويل والقصير) 350 ج من غير فصال ولا اى كلام
راس الكوبلن الجديد المانى 240 ج
كوبلن داخلى 200 ج
والله المستعان
على فكرة يا استاذ ايهاب وانا فى الحرفيين عدييت على كهربائى علشان يشوف المروحة اللى بايظه (انت عارف المبدأ الاصلاح اولا ثم التغيير فى حاله عدم الاصلاح) المهم
قالى ان المروحة دى عايزة جلبة وتتصلح لكن هتقعد شهرين او 3 شهور وترجع تانى
.
.
.
رأيك ايه !!!!!!!
طيب تمام عموما انا بصيتلك دلوقتي و دققت قوي وفعلا لقيت المروحة اليمين كبيرة و الشمال صغيره الاتنين نفس القطر ولكن مختلفين في السمك و بالتالي في حجم الريش تمام و البتالي أيضا الموتور اليمين حجمه أكبر من الشمال قليلا و لكنهم أيضا نفس القطر...... حلو كده أصحاب القرطبة هما اللي بيردو عليك أهه هههههههه
ثانيا لو نازل النهارده قلي ننزل مع بعض عشان عايز أسأل علي شوية حاجات واهو فرصه نتقابل و ندردش زي متفقنا أمبارح عشان مسافر بكرة ان شاء الله المنصورة يومين او ثلاثة مش هكون موجود
ثالثا أعتقد ان موتور المروحة اللي عايز جلبة ده ممكن يتصلح و يعيش لأن الجلب أنواعها كتير لو ركبت حاجه نضيفة هتعيش ومش هتعمل مشكلة تاني طالما هتتركب و تثبت الدنيا صح زي تقفيل الفبريكة لأن اللي بيبوظ الجلب هو التقفيل الغير جيد و عيوب الريش زي مثلا تكن المروحة فيها ريشة مقصوف منها حته اوالريشة نفسها مش متزنة او ..... يعني حاجه من هذا القبيل
بارك الله فيك
ان شاء الله هكلمك بعد صلاة العصر ونتقابل بعد الشغل حتى لو مش هننزل الحرفيين لانى مش هبقى فاضى بالليل
والله المستعان