الموضوع: عايز اشترى ارض زراعية(مزرعة)

المشاركة الأصلية كتبت بواسطة taotao

بارك الله فيكم وشكراً للمعلومات .. في انتظار البقية يا أستاذ أحمد (ahmed mali)
وياريت لو حد عنده خبرة في أراضي الصحراء الغربية (طريق الإسكنردية الصحراوي مثلاً ولاواحات البحرية)
وشكراً لصاحب الموضوع :)

أنا زراعي مخضرم و أي استفسار انا تحت امركم.

دعوة للتفائل

الأرض المستصلحة محتاجة 3 حاجات مهمه و هي/
1. مال قارون
2. عمر نوح
3. و صبر ايوب

بمعنى محتاجة فلوس كتير و سنوات طويلة و الصبر.
من الممكن ان تشتري أرض جاهزة للزراعة و طبعا اسعارها عالية أو تشتري ارض وضع يد و اسعار حنينة و لكن تصرف في التجهيز من حفر بئر و شبكة ري ثم الزراعة.
الفلاح ممكن يعيش و يفتح بين من مساحة قيراط واحد (175متر مربع)، لكن وجهة نظري لكي تكون الارض ذات انتاجية حدية و مكسب يرضي صاحب الارض المستصلحة لابد ان لا تقل عن 80 فدان.

اهم شئ الارض بتتقاس بالشبر يعني ممكن كل شبر في الارض يختلف عن الشبر الاخر (طبعا الشبر مقاس اليد من الخنصر الى الابهام)
ارض وادي النطرون حلوة علشان قريبة لكن الواحات هي اجود الاراضي و كذلك المياة و يحكمنا هنا بعد المسافة لأن لابد ان يذهب صاحب الارض الى مزرعة عدة مرات و ليس كل شهر او نهاية الاسبوع علشان ها يتسرق ها يتسرق من العمال في المزرعة و ليس من اللصوص.

أرجو من الاخوة ان لا يترددوا في السؤال عن اي شئ.