الموضوع: أتبرأ ممن كانوا بالتحرير اليوم

............. منقول ..................
تاريخ ووقت النشر 5/28/2011 1:54:43 a

تعرضت الفنانتين تيسير فهمي وشريهان إلى محاولات تحرش بميدان التحرير عصر اليوم الجمعة أثناء مشاركتهما في مظاهرات مليونية الغضب الثانية.


وقام مجموعة من البلطجية بميدان التحرير يدّعون أنهم من الثوار بمحاولة التحرش بالفنانة تيسير فهمي عقب دخولها الميدان مما دعا الشباب إلى الالتفاف حولها، وحاول البعض التحرش بها، إلا أن شباب التحرير قاموا بالالتفاف حولها حتى تم إخراجها من الميدان.
وكانت الفنانة شريهان قد تعرضت عصر اليوم إلى حادث مماثل عقب دخولها الميدان وخرجت من الميدان وجلست في أحد الشوارع الجانبية وانخرطت في البكاء.

المشاركة الأصلية كتبت بواسطة تامر.محمد

بص يابو حميد , انا كنت لحد النهارده الضهر باقول موقف الاخوان الأخراني غير مفهوم و مش عاجبني و باقول انهم غلطانين جدا فيه, لما رحت الميدان النهارده , و هانزل لكم الصور كمان شوية ان شاء الله , فهمت هما عملوا كده ليه , و مازلت بالومهم لأنهم صاغوا الهجوم بصورة غبية خلت شكلهم وحش و في نفس الوقت ما وضحتش الفكرة

ان انا اروح على وعد من اكتر من جهة ان مطالب معينة هاتبقى مش موجودة , و اروح الاقيها , لما اكون رايح مظاهرة لصالح البلد عموما و الاقي نفسي في مظاهرة لصالح فئة معينة , ده اسمه انعدام اخلاق, مش هاقتنع بأي مبررات ولا اي اسباب ايا كانت , انا قابلت واحد اعرفه ليبرالي هناك و قلت له اني مش عاجبني اللي حاصل , قال لي بالنص , "بسيطة ... روح"


بخصوص نقطة صفقات الاخوان , انت عارف انا مش اخوان , لكن اللي انت مقتنع بيه ده لا عليه دليل ولا شواهد حتى , ده عبارة عن تفسير واحد بيكره الاخوان لأفعال الاخوان ببساطة ..

بص يا تامر ...... أنا معاك في رأيك بصراحة ..... دة خطأ


بس ولا حقدر أبرر ولا أسبب ...... لأنك قلت مش حقتنع بأي حاجة


و بالنسبة لتحليلي ...... إنت عارف كان نفسي أطلع محلل إستراتيجي ...... بس أهلي أصرو اني أكمل تعليمي (على رأي عمنا جلال عامر ) :)))))))))))))))

المشاركة الأصلية كتبت بواسطة ahmed anwer

للاسف معرفتش أقاوم جاذبية الميدان و لا اقامر بمستقبل الثورة

الحشد كبير ليس بالهائل و ليس بالقليل الذي يمكن تجاهله

الموضوع أمان و ظريف و اللجان الشعبية مسيطرة علي المداخل بدقة

إحساس عام بالفرحة بالقدرة علي الحشد رغم إعلان غياب الأخوان

للأسف يفط مش غالبة و لكنها كثيرة عن (( الدستور أولا ))

حتي صاحبي كان معايا كام مصمم يصورني و أنا شايل واحدة

عشان ابقي لقد فقعنا في الوخ علي راي اللمبي

معظم الميدان طبعا بعد غياب الأخوان

العيال الشيك اللي هما بشعر طويل و البنات اللي شكلهم برده

غير إن معظم اللي خرجوا ، خرجوا عشان المحاكمات و التطهير

و عشان التأكيد علي إستمرارية الثورة

و لكن الإستبداديون الجدد استغلوا حماسة الشعب

و وضعوا مطالبهم الخاصة بقمة الإنتهازية

سمعتها صريحة مادام الشعب نزل الشارع يطالب بالدستور أولا

فلابد أن يستجاب له !!!!

و كأن الشعب اللي خرج أيضا يوم الإستفتاء ،،،، ليس شعب

قمة الإنتهازية و التجارة الصريحة بدم الشهداء و آلام الجرحي اللي خرجنا عشانها

لا أحترمهم ،،،،،

بس للأمانة مبقتشي أحترم حد

شعار المرحلة لجميع القوي السياسية

(( أنا كنت جزء من النظام ))

كلهم كدابين و انتهازيين و استغلاليين نفس أسلوب النظام

موقف الأخوان المخزي (رغمي إني معترف بالمزنق اللي اتحطوا فيه ))

لكن البيان الهجومي التشكيكي بنفس لهجة النظام السابق

الموقع بتاعهم أخوان أونلاين و الصورة و الخبر المخزي بتاع الميدان الفاضي

حسسني إنهم الحزب الوطني الجديد

و موقف السلفيين اللي خلوا اللي نازل ملحد و كافر وعلماني

المكسب الوحيد النهاردة إن الأخوان خدوا درس إن مش هما الوحيدين اللي بيعرفوا ينظموا و يحشدوا

و بالتالي مش هما القوي الوحيدة في الشارع

معاك في كل حرف ......


و أضيف حاجة ...... الجميع مستبدون