مطلوب المساعدة....ازاي ادفع رشوة

**ahmed1981** · 28-05-2011 12:10 AM

لا تيأس من رحمة الله

موضوع مرور السلام منور المنتدى من زمان:

http://www.nilemotors.net/Nile/35795-a.html

نصيحتي لك بصفتي مرور سلاماوي قديم

لا تفكر في موضوع الرشوة أبداً

لو حسيت بإن الموظف بيحاول وبيأخر الملف عشان تدفع

لا تدفع مليم وإديله شوية وقت (الملف بعد إعطاء الرقم للعسكري لا يحتاج أكثر من ربع ساعة لإحضار الملف)

توجه لمدير الوحدة بعدها وأخبره أن الموظف يرفض إحضار الملف من الوقت الفلاني
هيبعتك للموظف
تروح للموظف ولو الملف مجاش خلال خمس دقائق تروح للظابط تاني وتقوله الموظف رافض يجيب الملف

بمعنى أصح تعرف الموظف إنك مش ناوي تدفع
وتعرف الظابط إنك مش هتبطل تروحله

أهم حاجة محدش يخليك تفقد أعصابك ويمسك عليك غلطة

نيتك تكون خالصة لوجه الله في البعد عن الحرام في كل شيء وفي الرشوة سواء الإعطاء أو الأخذ

صدقني الموضوع هيمشي أحسن من أي واسطة وأحسن من أي رشوة

-

**Donzi** · 28-05-2011 12:11 AM

اقول لحضرتك حاجة والاختيار في الاخر ليك

انا اخويا ربنا يكرمه يا رب تدين اوي و التزم الحمد لله من فترة كبيرة حوالي 12 سنة تقريبا و من ساعتها عمره ما خلص مصلحة في اي حتة بالرشوة ولا تقولي ثورة بقى ولا غير ثورة

بس هوا شخصية جامدة شويتين يعني هايخد حقه هايخد حقه و لما موظف بيتنح معاه كدا و يقعد يقوله كل سنة و انت طيب و الشاي و القهوة و السجاير و الكلام الفاضي دا و يلاقي الموظف مرخم و مش بيخلصله حاجته بما يرضي الله بيبتدي يزعق بقى و يسيح للموظف عيني عينك قدام الناس و الموظفين و يعلي صوته و طبعا بيبقى في ناس تانية متضررين فابيدخلوا معاه في الحوار لحد ما المدير يجي و يقول للموظف يا عم خلصله حاجته مش عاوزين قلق و الموظف المرتشي بيخاف عشان عارف انه غلط و بيسرق

بس هوا ما دام نيته مايدفعش رشوة مابيدفعهاااااااااااااش و نصيحتي ليك تمسك بموقفك و هتثاب عنه خير ان شاء الله و كل دقيقة وقفتها في سبيل انك ماتدفعش رشوة شوف هتاخد بيها كام حسنة

**Ralliart** · 28-05-2011 12:28 AM

لا يا باشا انا لو مكانك مدفعش حتى لو مش هرخص العربية
روح للظابط وزعق وقوله موظفينك مش بيمشو غير بالرشوة واشتكي في الداخلية واعملهم فرح ويا ريت لو تعرف تصور الموظفة دي وهي بتاخد فلوس من حد او تزن عليها لحد ما تطلبها مباشرة وتصورها
انا كنت مع واحد صاحبي بيرخص عربيته والموظف ودانا من مرور فيصل للمصرية في المعادي 3 مرات علشان ورق ملهوش لازمة بس برضو مدفعناش رشوة والموظفين في المعرض طلعو عارفينهم بالإسم وبيقبضوهم كل شهر علشان يخلصو عملاؤهم!! وبعتو معانا واحد خلص الحوار من غير ولا ملليم دول ناس عايزين الحرق

**dr.hazem** · 28-05-2011 12:46 AM

انا باذن الله مش دافع اي جنيه لاي حد كان من غير وجه حق

واحتسب عند الله الاجر
ومن يتق الله يجعل له مخرجا

تحياتي

**No Comment** · 28-05-2011 04:54 AM

السلام عليكم ... ازيك يا أستاذ محمد .
بعد قراءة موضوع طلبك انك تدفع رشوة ولا لا فى مرور السلام ... الرجاء قراءة هذا الموضوع أولاً كنت عملته من اسبوع اثناء التجديد .
http://www.nilemotors.net/Nile/220232-a.html

**Nistelrooy** · 07-06-2011 05:54 PM

والله شجعتوني انا لما اجدد الشهر الي جي ازعق واذا حد طلب مني كوباية شاي مثلاً ازعق واقول هو لازم كوباية شاي علشان اخلص ورقي لسة الناس زي ما هي عايزة رشاوي .. لا حول ولا قوة الا بالله

**محمد محمد** · 07-06-2011 06:12 PM

انا الحمد لله خلص الأثنين اللى قبل اللى فات الملف طلع موجود في ارشيف تاني غير اللى بيدوروا فيه ومطلعش غير لما دخل صاحبي للظابط بالورق وقاله احنا بندور علي الملف من يوم الخميس ماقيش نص ساعة والملف ظهر.

-

-

-

الموضوع: مطلوب المساعدة....ازاي ادفع رشوة

LinkBack

أدوات الموضوع

عرض

-

-

-

-

-

المواضيع المتشابهه

محتاج كتاب طبي من موقع الامازون ازاي ادفع بدون ماستخدم الفيزا

”رشوة مرسيدس” والكشف عن أسماء المطورتين بها

رشوة مرسيدس

نقلت الملكية ورخصت من غير رشوة والحمد لله

الكلمات الدلالية لهذا الموضوع

المفضلات

المفضلات

ضوابط المشاركة