-
زيادة زيت المحرك
انا فى مشكلة كبيرة ولا اعرف كيف اتصرف انصحونى لوجة الله ماذا افعل
منذ حوالى الشهر غيرت الزيت وفلتر الزيت كمان ومن بعدها بدا الماتور ينقط زيت وعرق من جميع الاتجاهات رحت للتوكيل قال لازم اغير طقم جوانات كامل واولسيل الكرنك لان عمرهم الافتراضى خلص سئلتهم الموضوع دة لسه قريب منذ ان غيرت الزيت مهتموش. والموضوع دة هيتكلف كتير لما فكرت فى السبب لقيت ان اللى بيغير الزيت منه لله مشفطش الزيت كله وحط ثلاثة ونص لتر ومهتمتش لما علامة الزيت كانت اعلى من علامة ماكس بالله عليكم اعالج الموضوع دة اذاى.
-
اول حاجة تتأكد من علامة الزيت انه بقى فى الوضع الطبيعى
ولو زيادة عن الوضع الطبيعى تروح لبنزينة او بتاع زيت وتقوله ينقص شوية
تانى حاجة هتروح بنزينة محترمة او كار كير وتخليه يغسل الموتور كويس بالفوم
وحضرتك فى الكام يوم اللى بعديها هتابع التعريق على الموتور
أى جوان هيحيب زيت يبقى لازم يتغير
انما لو مالقتش اى تعريق يبقى هما كانوا شوية زيت زيادة والمونور طردهم برة علشان ضغط الزيت يفضل ثابت
-
بارك الله فيك ان شاء الله بكرة او بعدة بالكتير اعمل كدة، فيه ميكانيكى اقترح على انه يغسل الموتور بالجاز بالكومبرسور فى الحقيقة انا خفت وقلتله بعدين خوفا من تاثير الجاز. الحاجة التانية لو لا قد لا قدر الله وطلع جوانات بتسرب زيت، التاخير فى تغيرهم مع تعويض النقص فى الزيت ممكن يؤثر وهل لازم اشترى قطع الغيار من الوكيل وشكرا على الاهتمام
-
بالنسبة لغسيل الموتور بالجاز فده غير مستحب
لانه هيأثر بالسلب على الخراطيم اللى موجودة جنب الموتور (هينشفها ويخليها تشقق)
الافضل انك تغسلة بالفوم
بالنسبة لموضوع الجوانات فهو على حسب نوع الجوان
لو جوان تاكيهات فده ممكن تستنى عليه وتزود زيت (لكن يفضل تغييره على طول)
أما لو جوان وش سلندر فده اللى لا يمكن تستنى عليه ولازم يتغير فورا علشان مايحصلش مشاكل أكبر فى العربية
بالنسبة لقطع الغيار فده على حسب نوع العربية
وحضرتك ممكن تسأل فى القسم المختص بالعربية (أعتقد عندك أوبل) هما هيفيدوك أكتر منى
-
قمت بغسيل الماتور لكن هلى لمستجد مثلى قليل الخبرة ان يميز تسرب الزيت من جوان معين وسؤال اخير عندى مؤشرات العدادات الثلاثة السرعة والبنزين والحرارة كلها بتهتز بشكل غريب عند بداية التشغيل ثم تثبت عند وضعها الطبيعى هل لذلك علاقة بالبطارية وضعفها بالرغم من ان السيارة تدور دائما من اول مرة دون مشاكل واشكرك من كل قلبى على نصائحك واستجابتك السريعة فى الرد وربنا يباركلك ويجزيك خير
-
باشا انا شايف ان عربيتك اوبل ممكن تروح على القسم الخاص بتاعنا و هناك حيقوللك على اى تفاصيل و الاسعار كمان و الميكانيكيه المحترمين اللى بيشتغلوا فى الاوبل بس اشوفك هناك :grin54:
-
ممكن يكون مش مركب الفلتر كويس او الغطاء بتاع الماتور وهو البيعمل التهريب والله اعلم اتاكد فى مكان يكون محترم وثقة ومش تروح البنزينة دي تاني
Content Relevant URLs by
vBSEO 3.6.0 PL2