واا مصيبتاه .. اوبترا 2011 بتشرب 90

بعد ما خلص نص التنك اكتشفت ان الوالد ممون 90 مش 92
و دى اول تفويله للعربية
تفتكرو هتزعل منى جامد؟؟
ايه الاضرار ؟؟ و لو رجعت امون 92 تانى هل هتفضل زعلانة برضه؟؟


و فى حاجة عاوز اسال عليها:

لما بلف الدريكسيون للاخر شمال او يمين بسمع صوت زى موتور خفيف كدة و لو عدلت سنة واحدة بس يبطل
انا فاكر ان حد قال عليه قبل كدة بس انا نسيت

اما المرايا الشمال لما بحركها بزراير الكهربة مش بتتحرك بنعومة زى اليمين
بحسها بتتحرك على مراحل ، زى مايكون فى تراب حاشر التروس مثلا
تتحرك ببطء شديد و فجاة تنتر و بعدها بطء شديد و فجاه تنتر
اما اليمين سليمة و ناعمة
دى بسيطة وتخلص ف التوكيل ولا فيها مشاكل؟

--- استفسار جانبى ----
انا بطلع بالعربية بالدبرياش بس
اعتمادا على انها واخدة بنزين خفيف
و اما العربية تتحرك بديها بنزين

هل الطريقة دى سليمة؟؟

سعات بقى العربية مبترضاش تطلع و تفصل منى ولازم ساعتها ازود بنزين عشان تتحرك . لييييييييييييييييه؟

ان شاء اللة مفييييييييييييييييييييش مشكلة بس ابقى خد بالك المرة الجاية خد معاك منظف لدورة البنزييين وفولها 95 هو المفرووووووووووووض اول مرة 95 وبعد كدة 92 بالتوفيييييييييييق

احم احم
انا مشوفتش بنزينه عندنا بتمون 95
راعو اننا ف النصف الاخر من الكرة الارضية

ايه حكاية منظف دورة البنزين؟

اقتباس:

---

المشاركة الأصلية كتبت بواسطة sh3sh3

ان شاء الله مفييييييييييييييييييييش مشكلة بس ابقى خد بالك المرة الجاية خد معاك منظف لدورة البنزييين وفولها 95 هو المفرووووووووووووض اول مرة 95 وبعد كدة 92 بالتوفيييييييييييق

---

كلام خاطئ .. حط 92 عادي جدا و مش هيحصل حاجه
موضوع ال 95 أول مره ده .. فتوي جديده منتشره
و ما تقلقش مفيش حاجه حصلت

لما بلف الدريكسيون للاخر شمال او يمين بسمع صوت زى موتور خفيف كدة و لو عدلت سنة واحدة بس يبطل
انا فاكر ان حد قال عليه قبل كدة بس انا نسيت

ده صوت موتور الباور .. عادي جدا

انا بطلع بالعربية بالدبرياش بس
اعتمادا على انها واخدة بنزين خفيف
و اما العربية تتحرك بديها بنزين

هل الطريقة دى سليمة؟؟

طريقه سليمه .. مفيش مشكله

أوقات بتبطل لو علي مطلع أو محمل أو مشغل التكييف .. العربيه بتكون محتاجه عزم أكتر

متشكر جدا على رد حضرتك الجميييييل ..................... بالنسبة لموضوع الفتاوي انا قولت تجربة عن نفسي عن اللي عملتة وسمعتة

واول مرة ااسمع الفتوة الجديييدة دي من حضرتك كل الناس بتعملها ومش هتخسر حاجة يعني لما العربية اول مرة يتحطلها 95 اضمن في كفائة الاحتراق

واللة اعلم:b4_611::b4_611:

متشكر لكل الردود

متغلبوش روحكو
احنا معندناش 95 اساسا

طب و دى ؟

اما المرايا الشمال لما بحركها بزراير الكهربة مش بتتحرك بنعومة زى اليمين
بحسها بتتحرك على مراحل ، زى مايكون فى تراب حاشر التروس مثلا
تتحرك ببطء شديد و فجاة تنتر و بعدها بطء شديد و فجاه تنتر
اما اليمين سليمة و ناعمة
دى بسيطة وتخلص ف التوكيل ولا فيها مشاكل

دي في التوكيل بقي

wd40

يباشا حجات بسيطة كلها والبنزين ال 90 مش هيعمل حاجة إطلاقا لكن متعودهاش علي كده لحسن تزعل ...
علي فكرة يباشا عنوان الموضوع أنا شايف انه ممكن يكون أبسط من كده ....... أصل كلمة مصيبتاه دي كبيرة أوي ولاأحبذ أستخدامها ولو علي سبيل الدعابة ... تقبل مروري وشكرا ..

على فكرة انا بأمانة ربنا قعدت حوالي سنتين و نص بمون ب 90
و بعدين غيرت ل 92
و الحمد لله مفيش مشكلة

و بالنسبة للصوت بتاع الدريكسيون لما تكسر الدريكسيون للآخر خالص ده عادي لإن ده الباور و في الأول كنت قلقان زيك كده من الصوت بس اكتشفت إن كل الاوبترا كده
بالتوفيق

متشكر للردود مرة تانية

وا مصيبتاه دى دعابية طبعا ، وفيها حبة قلق لان دى اول تفويله

بالنشبة لحوار المرايا ؟؟ تفتكرو موضضوع صعب؟؟
اصل التوكيل اللى عندنا صغير
مفهوش كل الصيانات
ف خايف احسن يقولى وديها القاهرة ولا حاجة

يا ترى ممكن يكون السبب ايه؟

استفسار تانى

وانا بنزل القزاز ف باب السائق
بضغط على الزرار لفترة طويلة عشان ينزل كله
لو شلت ايدى قبل مل ينزل كله . المفروض يقف
لا انا عندى بيكمل للاخر لوحده

ف هل ده الزرار بيعلق
ولا هى فيها الاوبشن ده
انك بضغطة طويلة يفهم انك عاوز تكمل للاخر ف بيكمل للاخر؟؟

زرار زجاج السائق فيه اوبشن زياده .. الاوتو
يعني في تكه كده لو دوست عليها هاينزل او يطلع لوحده
لودوست خفيف بس صباعك يفضل عليه .... هايطلع ويقفل زي ما انت عايز
وبالمرة
زرار السنتر .... المفروض يقفل الابواب كلها ماعدا بابك .... ول عايز تقفل بابك معاهم يبقي من مسوجر بابك
وبرده سنتر الازاژ العربة .... يقفل الابواب كلها ما عدا بابك
اقعد بالعافية

اقتباس:

---

المشاركة الأصلية كتبت بواسطة sonasteel

زرار زجاج السائق فيه اوبشن زياده .. الاوتو
يعني في تكه كده لو دوست عليها هاينزل او يطلع لوحده
لودوست خفيف بس صباعك يفضل عليه .... هايطلع ويقفل زي ما انت عايز
وبالمرة
زرار السنتر .... المفروض يقفل الابواب كلها ماعدا بابك .... ول عايز تقفل بابك معاهم يبقي من مسوجر بابك
وبرده سنتر الازاژ العربة .... يقفل الابواب كلها ما عدا بابك
اقعد بالعافية

---

الكلام ده ف الاوبترا ولا الصنى؟؟

هي المشكلة مش إن العربية تزعل لكن المشكلة إن التوكيل هو اللي يزعل في مصر بنزين 92 مش 92 بظبط هو قريب من 91 و حاجة و 90 مش 90 هو من 88 ل 89 و ممكن حد يتأكد من كلامي و يتصل بموبيل المعادي المقر الرئيسي و يسألهم

اقتباس:

---

المشاركة الأصلية كتبت بواسطة Dr_ahmedrady

الكلام ده ف الاوبترا ولا الصنى؟؟

---

اكييييد في العربيتين

يا باشا مفييش اي شكوي من الشكاوي اللي عندك محتاجة اي حاجة ...كل حاجة طبيعية زي ما قالوا الاعضاء

و خد بالك المرايا الشمال بتتحرك علي محور اوسع من اليمين ......يعني حركتها بتفتح اكتر من اليمين.....فممكن ده اللي يبقي عامل الفرق معاك

و بردو اشرحلهم مشكلتك في التوكيل مش حتخسر حاجة

95 ايه بس انتوا بتهزروا !!!!!!
امال لو راكب بورشه ولا فيرارى هنعمل ايه

والناس الى بتحط 80 بعربيات زيروا دول ايه
مش فاهم احنا ليه فاكرين ان 80 ولا 90 جريمه فى حق العربيه !!!!
انا بحط 92 او 90 حسب الى بلاقيه وعندى استعداد انزل لل 80 واراعى الفلاتر ومش مهم سحب ضعيف
بس معملش حوا رومشكله على ا لفاضى

اقتباس:

---

المشاركة الأصلية كتبت بواسطة dr_ahmedrady

استفسار تانى

وانا بنزل القزاز ف باب السائق
بضغط على الزرار لفترة طويلة عشان ينزل كله
لو شلت ايدى قبل مل ينزل كله . المفروض يقف
لا انا عندى بيكمل للاخر لوحده

ف هل ده الزرار بيعلق
ولا هى فيها الاوبشن ده
انك بضغطة طويلة يفهم انك عاوز تكمل للاخر ف بيكمل للاخر؟؟

---

زرار شباك السائق في الأوبترا لو ضغطت ضغطة طويلة شوية بينزل كله اوتوماتيك و لو عايز تقف عند حد معين بدوس لأعلي تكة واحدة

لكن العكس ما بيحصلشي "الأوتو للنزول بس"

موضوع الأوكتين بتاع البنزين الأوبترا تبع التوكيل فيشة الموتور مكتوب عليها 91 بمعني انها ما يفضلش وضع بنزين اقل من 91 علشان ما تأثرش علي عمر لموتور

يعني مش لازم تحط بنزين 95 ال 92 هو المناسب ليها

بالتجربة 90 زى 92 فى الاوبترا
120000 كم وزى الفل

الموضوع بسيط جدا 90 زى 92 للاوبترا و اساسا 92 دلوقتى مغشوش و حتى لو 80 مرة واحدة مش حتعمل مصيبة فى العربية اطمن و متقلقش نفسك .