افتتاح شركة انتاج سينمائى للاخوان

رد الفنانين على افتتاح شركة انتاج سينمائى للاخوان
الثلاثاء 24 مايو 2011 5:26 مساءً

كتبَ /سلمى محمد

بعد ما اعلنت جماعة الإخوان المسلمين عن تأسيسها لشركة " الرحاب للانتاج الفني " حصل قلق في الوسط السينمائي خصوصاً بعد ماصرح مدير الشركة – أحد قيادات الإخوان – بإن الجماعة وحزب الحرية والعدالة ناويين ينتجوا افلام دينية واجتماعية ووثائقية، عشان ينشروا الثقافة في المجتمع وقالوا إنهم هيدعموا ممثلين زي عبد العزيز مخيون و وجدي العربي عشان يقوموا بالمهمة دي، وإن عصر أفلام العري والرقص خلصت وإن الشعب مش هيرضي إن يشوف افلام زي دي تاني في السينمات.
وقالت المخرجة إيناس الدغيدي عن الخبر ده إن الاخوان جماعة اجتماعية مختصة بالدعوة وانهم مالهمش أي علاقة بالفن وسألت:" هما جايبين تمويل الشركة دي منين؟؟."
وقال الناقد " يعقوب وهبي " إن الشركة دي خطر علي السينما المصرية عشان عندها رأس مال تقدر تسيطر بيه علي السينما وتحتكر السوق السينمائى.
اما المخرج داود عبد السيد فقال ان من حق الاخوان انهم ينتجوا افلام سينمائية بالرؤية اللى هما عاوزنها على اعتبار اننا عايشين فى ظل قوانين السوق الحر اللى بتسمح للجميع انهم يمارسوا الانشطة اللى هما عاوزنها مادام مش بتخالف القانون.
وبتتفق معاه الفنانة بسمة وضافت انها مش هتتردد فى المشاركة فى افلام من انتاجهم اذا كانت بتتفق مع مبادئها.

يعني ممكن نلاقي افلام دينية بحق وحقيقي مش افلامنا المسماه دينية ولايخلو فيلم منهم من مشاهد عري ورقص وخمور
وخلي نسناس الدغيدي تموت بغيظها

أخيراً هنشوف حاجة ليها هدف
دا الواحد اتخنق من كمية الافلام اللي ملهاش لازمة

اقتباس:

---

المشاركة الأصلية كتبت بواسطة نور القمر

يعني ممكن نلاقي افلام دينية بحق وحقيقي مش افلامنا المسماه دينية ولايخلو فيلم منهم من مشاهد عري ورقص وخمور

---

يعنى يطلعوا الكفار و الناس فى عصر الجاهليه قاعدين قعده خيريه ولا بيصلوا فى الكعبه :)

اكيد طبعا خمر و عربده حتى تصل الفكره عن حياة اللهو

من غير كده ماتبقاش سينما


انا مش بأيد العري انا بس بقول فكره السينما ان هيه تبرز واقع - بتبقى تسجيلى اكتر

اقتباس:

---

المشاركة الأصلية كتبت بواسطة otefa

[color=#000000]وقالت المخرجة إيناس الدغيدي عن الخبر ده إن الاخوان جماعة اجتماعية مختصة بالدعوة وانهم مالهمش أي علاقة بالفن وسألت:" هما جايبين تمويل الشركة دي منين؟؟."

---

و دي كانت مستخبية في انهوا داهية !

اقتباس:

---

المشاركة الأصلية كتبت بواسطة human12

يعنى يطلعوا الكفار و الناس فى عصر الجاهليه قاعدين قعده خيريه ولا بيصلوا فى الكعبه :)

اكيد طبعا خمر و عربده حتى تصل الفكره عن حياة اللهو

من غير كده ماتبقاش سينما


انا مش بأيد العري انا بس بقول فكره السينما ان هيه تبرز واقع - بتبقى تسجيلى اكتر

---

مهو ممكن توصيل فكرة عربدة الجاهلية وكفار قريش من غير ستات لابسة عريانة واحضان في الخمارات
مش لازم تكون المشاهد صريحة ويرجع يسمي الفيلم بفيلم ديني

اقتباس:

---

المشاركة الأصلية كتبت بواسطة نور القمر

مهو ممكن توصيل فكرة عربدة الجاهلية وكفار قريش من غير ستات لابسة عريانة واحضان في الخمارات
مش لازم تكون المشاهد صريحة ويرجع يسمي الفيلم بفيلم ديني

---

ديه مدرسه سينمائية
و فى الوفت اللى الافلام ديه اتعملت كان الناس ماشيه فى الشارع بلبس قصير و العرى كان تريند فى العالم اجمع مع الحركات التحرريه و الهيبيز و السينما
حتى الافلام الطبيعى بتاعها فيها عري اكتر من دلوقتى

المهم السينما هى تعبير عن حاله - عن فكر المخرج - و كل مخرج بيستخدم ادوات مختلفه

يا ريت يقدروا يعملوا افلام جيده بادوات ولغة سينمائية متفرده

خبر ممتاز . و انا سعيد بيه

اقتباس:

---

المشاركة الأصلية كتبت بواسطة نور القمر

يعني ممكن نلاقي افلام دينية بحق وحقيقي مش افلامنا المسماه دينية ولايخلو فيلم منهم من مشاهد عري ورقص وخمور
وخلي نسناس الدغيدي تموت بغيظها

---

أن شاء الله هاتتنقط وتقع لوحدها من غير ماحد يقرب منها هاتاكل نفسها بنفسها ولا حد هايجبرهم على المنع
السينما ألي فيها أنحطاط هاتجيب درفها لوحدها وبالمنافسة الشريفة

اقتباس:

---

المشاركة الأصلية كتبت بواسطة Ralliart

أخيراً هنشوف حاجة ليها هدف
دا الواحد اتخنق من كمية الافلام اللي ملهاش لازمة

---

فساد أخلاقي ........جهل ديني

اقتباس:

---

المشاركة الأصلية كتبت بواسطة human12

يعنى يطلعوا الكفار و الناس فى عصر الجاهليه قاعدين قعده خيريه ولا بيصلوا فى الكعبه :)

اكيد طبعا خمر و عربده حتى تصل الفكره عن حياة اللهو

من غير كده ماتبقاش سينما


انا مش بأيد العري انا بس بقول فكره السينما ان هيه تبرز واقع - بتبقى تسجيلى اكتر

---

لو مالهاش حل أصلاحي بيقى بلاها خالص كفاية أتلاف للأجيال العربية مش بس المصرية
ده غير الصورة ألي بيخدوها عننا ويعايرونا بيها ....عارفها طبعا

اقتباس:

---

المشاركة الأصلية كتبت بواسطة now2005

و دي كانت مستخبية في انهوا داهية !

---

مستني تلدع لدعتها هي وخليلتها هالة سرحان ومن على شاكلتهما

اقتباس:

---

المشاركة الأصلية كتبت بواسطة نور القمر

مهو ممكن توصيل فكرة عربدة الجاهلية وكفار قريش من غير ستات لابسة عريانة واحضان في الخمارات
مش لازم تكون المشاهد صريحة ويرجع يسمي الفيلم بفيلم ديني

---

:16:

اقتباس:

---

المشاركة الأصلية كتبت بواسطة human12

ديه مدرسه سينمائية
و فى الوفت اللى الافلام ديه اتعملت كان الناس ماشيه فى الشارع بلبس قصير و العرى كان تريند فى العالم اجمع مع الحركات التحرريه و الهيبيز و السينما
حتى الافلام الطبيعى بتاعها فيها عري اكتر من دلوقتى

المهم السينما هى تعبير عن حاله - عن فكر المخرج - و كل مخرج بيستخدم ادوات مختلفه

يا ريت يقدروا يعملوا افلام جيده بادوات ولغة سينمائية متفرده

---

ياترى البيضة الأول ولا الفرخة:grin54:
ال2 على علاقة طردية مع بعض
مش معنى أن المجتمع فيه بعض المظاهر اللاأخلاقية يبقى أفوكس عليها وأزيد الطينة بلة العكس هو المطلوب توعية المجتمع والأرتقاء بذوقه وأخلاقه ولا أحنا ما نقلدش الغرب ألا في السلبيات

اقتباس:

---

المشاركة الأصلية كتبت بواسطة MaZaGAngeE

خبر ممتاز . و انا سعيد بيه
أنا أسعد والله:grin54:

---

الإخوان دول أذكية جدا، بيقولوا إن احنا عندنا البديل اللي يتناسب مع مبادئنا وأخلاق المجتمع، بس مش على الورق،لأ، عملي. شركة إنتاج سينمائي وفريق كورة وعندهم من زمان أغاني وأناشيد إسلامية وعندهم رؤية في التعليم والاقتصاد والسياحة والصناعة، أنا قرأت كل حاجة عن الحزب. بجد حاجة تفرح. يا ريت الباقي يتعلم، مش مجرد بيحاربوا أي فكرة تخالف مبادئهم وخلاص.

المخرج داود عبد السيد فقال ان من حق الاخوان انهم ينتجوا افلام سينمائية بالرؤية اللى هما عاوزنها على اعتبار اننا عايشين فى ظل قوانين السوق الحر اللى بتسمح للجميع انهم يمارسوا الانشطة اللى هما عاوزنها مادام مش بتخالف القانون.
+1111111111111111111111111111111111111111111111111 11
خلاصه الكلام فعلا

والله يا جماعه ابتديت اعجب بالناس دول


سيبك من الاعلام الفاشل وفيها ايه لما يبقي في اخلاق

ماهم في فرنسا فرضوا علينا تقليدهم وان كان عاجبك

طب معلش سؤال هى الافلام الى حا ينتجوها أكيد مصروف عليها فلوس كتير خصوصا لو عملو افلام زى الافلام التاريخية و دة شيىء مكلف جدا جدا لآى حد بيعرف شوية فى موضوع السينما يعنى أعداد مهولة من الكومبارس و احصنة و جمال و ملابس . طيب لما الافلام دى تنتج مش لازم تحقق عائد و لا حا تذاع مجانا على القنوات الفضائية يعنى مش بغرض الربح و لكن بغرض نشر الوعى . و لا حا تنزل السينمات و تنافس باقى الافلام على أيراد الشباك .
حد تابع الافلام الدينية القديمة سواء العربية او الاجنبية و شاف الفيلم عامل ازاى لو قلنا مثلا فيلم الرسالة أتعمل عربى و أتعمل اجنبة بطولة أنتونى كوين . و بعض الافلام الاخرى

هى خلاص بقت أجبارى ... والمعنى واضح . اتوقع الغاء الدش و الوصلة بحجة احنا بنحارب العرى واتوقع مجتمع اكثر انغلاقا ..
مقتبس:
إن عصر أفلام العري والرقص خلصت وإن الشعب مش هيرضي إن يشوف افلام زي دي تاني في السينمات

طب ياترى مين اللى حيقيم الافلام و مين فرض ان الشعب مش هيرضى يشوف افلام ذى دى تانى ؟؟؟؟؟!!!!

كل مايعملوا حركة تبتدى تخلى الواحد يقول ممكن اقتنع بيهم ييجى التصريح المعتاد بتاعهم بتاع الوصاية ... أحنا اوصياء الشعب
و نفس المغزى من المنشورات و ميكروفونات المساجد لأ بس اوسع انتشارا احنا حندخلكم البيوت من التلفزيون وحننشر فكرنا غصب عنكم ... ودة مش بعيد انهم يسيطروا ع الانتاج السينمائى كلة



وهل ياترى كل الافلام بالنسبة لمنظور الجماعة فيها عرى و اباحية ؟؟؟ الله اعلم ... وربنا يستر

________________________

كلامى ورأيى لا يمس الاسلام والمسلمين لأنى أؤمن ان الجماعة لا تمثل الاسلام ولكن كأنها كأى حزب سياسى لة افكار ويرد نشرها.

طبعا متوقع ان ممكن يحصل هجوم على كلامى وان انا بشجع كيت وكيت وكيت وبهاجم كيت وكيت وكيت !!


بس أرجع و اقول انا أؤمن بالديمقراطية ومن حقهم يعملوا افلام... بس ارجو من ربنا ان ال فى دماغى من توغل وغلغلة فكرهم وفكر جماعتهم ميزدش تدريجيا وفى الاخر المجتمع ينقسم قسمين معانا ولا عدونا

أقنعنى ولا تجبر على .... دة اللى نفسى يعملوة بس الجماعة مش بتعترف بية اصلا...

__________________________________________________ ______

تقبلوا رأيى اذا اردتم وشكرا

اقتباس:

---

المشاركة الأصلية كتبت بواسطة ashouhdy

هى خلاص بقت أجبارى ... والمعنى واضح . اتوقع الغاء الدش و الوصلة بحجة احنا بنحارب العرى واتوقع مجتمع اكثر انغلاقا ..
مقتبس:
إن عصر أفلام العري والرقص خلصت وإن الشعب مش هيرضي إن يشوف افلام زي دي تاني في السينمات

طب ياترى مين اللى حيقيم الافلام و مين فرض ان الشعب مش هيرضى يشوف افلام ذى دى تانى ؟؟؟؟؟!!!!

كل مايعملوا حركة تبتدى تخلى الواحد يقول ممكن اقتنع بيهم ييجى التصريح المعتاد بتاعهم بتاع الوصاية ... أحنا اوصياء الشعب
و نفس المغزى من المنشورات و ميكروفونات المساجد لأ بس اوسع انتشارا احنا حندخلكم البيوت من التلفزيون وحننشر فكرنا غصب عنكم ... ودة مش بعيد انهم يسيطروا ع الانتاج السينمائى كلة



وهل ياترى كل الافلام بالنسبة لمنظور الجماعة فيها عرى و اباحية ؟؟؟ الله اعلم ... وربنا يستر

________________________

كلامى ورأيى لا يمس الاسلام والمسلمين لأنى أؤمن ان الجماعة لا تمثل الاسلام ولكن كأنها كأى حزب سياسى لة افكار ويرد نشرها.

طبعا متوقع ان ممكن يحصل هجوم على كلامى وان انا بشجع كيت وكيت وكيت وبهاجم كيت وكيت وكيت !!


بس أرجع و اقول انا أؤمن بالديمقراطية ومن حقهم يعملوا افلام... بس ارجو من ربنا ان ال فى دماغى من توغل وغلغلة فكرهم وفكر جماعتهم ميزدش تدريجيا وفى الاخر المجتمع ينقسم قسمين معانا ولا عدونا

أقنعنى ولا تجبر على .... دة اللى نفسى يعملوة بس الجماعة مش بتعترف بية اصلا...

__________________________________________________ ______

تقبلوا رأيى اذا اردتم وشكرا

---

بيقولو يادكتر الشعب هو ألي هايرفض بعد مايلاقي البديل المحترم...........يعني بيمدحو في الشعب وأخلاقه ودينه وبيراهنو عليه وليس أجبارا
يعني ماقلوش هانمنع الأفلام والسينما بالعكس هايعملو أفلام محترمة تنافس والخيار للمشاهد:grin54:

اقتباس:

---

المشاركة الأصلية كتبت بواسطة mikho83

الإخوان دول أذكية جدا، بيقولوا إن احنا عندنا البديل اللي يتناسب مع مبادئنا وأخلاق المجتمع، بس مش على الورق،لأ، عملي. شركة إنتاج سينمائي وفريق كورة وعندهم من زمان أغاني وأناشيد إسلامية وعندهم رؤية في التعليم والاقتصاد والسياحة والصناعة، أنا قرأت كل حاجة عن الحزب. بجد حاجة تفرح. يا ريت الباقي يتعلم، مش مجرد بيحاربوا أي فكرة تخالف مبادئهم وخلاص.

---

+++1111

وده من موقع الأخوان لقيت مقال يوضح رئيهم في الفنون بصفة عامة ..........أنا شايف أنه كلا م معقول جدا
ولو دي مبادئهم فما وجه الأعتراض؟

ط¥ط®ظˆط§ظ† ط§ظˆظ† ظ„ط§ظٹظ† - ط§ظ„ط¥ط®ظˆط§ظ† ظˆط§ظ„ظپظ†.. طھط§ط±ظٹط® ظ…ط±ط.ظ„ط© ط§ظ„طھط£ط³ظٹط³
--------------------
حوار بين الدين والفن:
رغب أحد الإخوان أن يشتغل بفن التمثيل، ذلك الفن الذي عشقه منذ الصغر وما إن أعلن ذلك حتى هبَّت عليه ثورة جامحة من أفراد أسرته صارخين في وجهه مستنكرين كيف سمحت نفسه أن يندمج في هذا الوسط الذي لا يتفق وكرامة الأسرة، وقال له أخوه الأكبر مذهولاً كيف رضيت لنفسك هذا وأنت التقي الورع المتدين؟ أتريد أن تكون ممثلا؟

يا الله أين صلاتك وصيامك؟ أين جهادك الذي حدثتنا عنه في سبيل الله وفي سبيل الوطن وفي سبيل الإصلاح؟! سبحان مغير الأحوال.

فابتسم هذا الأخ وقال: يا إخواني وأهلي إنكم تعجبون لأني سأعمل بالتمثيل وأنا التقي الورع وتذهلون لأنني سأكون فنانًا وممثلاً وستكون هذه حرفتي وسيكون هذا جهادي في سبيل ديني وفي سبيل وطني، وسيصبح هذا ميداني الذي أصل بالجد فيه إلى أملي المنشود، وهو الإصلاح العام، وسأظل كما عهدتموني مسلمًا متدينًا فإنه لا تأثير للفن الحقيقي الذي يسمو بصاحبه على تدينه وتقواه.

وسوف تكون غايتي هي بعينها الغاية التي أنشدها، وهدفي هو الهدف الذي حدثتكم عنه وهو الجهاد في سبيل الله، والعمل على إصلاح المجتمع عن طريق الفن.

فسأعرف كيف أصور للناس هذا الرجل الغني حين يمتلئ قلبه بالإيمان ملبيًا دعوة الداعي إلى الحق والنور فيعمل بما أمر الله به عباده المخلصين، فيظفر بالسعادة في الدارين.

وسأصور للناس كيف يصبح حبيب أهله وذويه وإخوانه وجيرانه؟ وكيف يرضى عنه المجتمع ويقدره الوطن فيوقظ في الأغنياء ما هو كامن في قلوبهم من إيمان بالله واستعداد لتلبية دعوة الأخوة الإسلامية؟.

وسأعرف أيضًا كيف أصور ذلك الظالم المستبد كيف يطغى فيحلو له التمادي في الطغيان فيكرهه الناس، ويصبح ممقوتًا ومحتقرًا ومنبوذًا رغم غنائه وثرائه الذي لا يفيد به بني جنسه ودينه ووطنه.

وسأصور كذلك كيف يسعد الحاكم العادل بعدله في حكمه وخشيته لرب العالمين فيسعد الناس معه، ويظفر بحبهم وتقديرهم ثم يلقي ربه آمنا مطمئنًا.. وسأصور وسأصور وسوف أكون بإذن الله باحثًا منقبًا عن عيوب المجتمع في كلِّ مكان، وسوف أبرزها في الصورة التي تلفت أنظار أولي الأمر وذوي الشأن في هذا البلد، وتنبه المتمادين في الغي ليثوبوا إلى رشدهم ويعودوا إلى الطريق القويم.

أليس هذا ميدانًا من ميادين الجهاد!

أليس هذا إصلاحًا وتوجيهًا لا يتنافى مع الدين، وهذا هو الذي أسميه فنًّا ساميًا رفيعًا وهو الذي سأعمل لإحيائه.

بالفن الذي يرضي الدين نستطيع أن نضع له الدواء المر في شراب حلو محبب إلى النفس فيقبل عليه المريض راضي القلب فيشفى، وكل فنان يستطيع بفنه أن يجاهد في سبيل الله، وفي سبيل الوطن، وفي سبيل الإصلاح.

وانتهى هذا الأخ من حديثه وقد بدت دلائل الاقتناع على مستمعيه فوقف من بينهم شيخ وقور وهو كبير العائلة ثم ربت على كتف هذا الشاب الفنان المسلم وقال:

بارك الله فيك يا ولدي، إن كانت هذه غايتك وما دام هذا هو هدفك المنشود فإني أدعو لك بالتوفيق، وأتمنى لك مستقبلاً كم تمنيته لمثلك، وأرجو أن تكون كغيرك من المرتدين ثياب الفن المزيفة المتجرين باسمه المستغلين سذاجة الشعب وطيبته؛ ليربحوا منه الأموال باسم الفن وهم لا يعرفون عنه شيئًا، ولا يرجون من عملهم هذا إلا المال والشهرة.

وإني أحمد الله أن رأيت في أواخر أيامي فنانًا مسلمًا متدينًا يريد أن يستغل فنه للإسلام فحسب، وإني أعتقد أن مثلك كثيرون غير أنهم لأسباب تافهة يمتنعون عن الانتفاع بما وهبهم الله من قدرة على العمل بفنهم جهادًا في سبيل الله، وفي سبيل الوطن، وفي سبيل الإصلاح.