الموضوع: ام 11 .. اداء وثبات فوق الممتاز وعن اول تجربة

المشاركة الأصلية كتبت بواسطة khaled_saga

شكرا لكل الاخوة الكرام المرور والله يبارك فيكم واسمحولى بس ارد خصوصا على الاستاذ عماد..

يا أخ عماد لا داعى للاعتذار انت كده كده كل مرة بتدخل فى مواضيعى تشتم فى العربية وتكرهنى فيها ولكن الحمد لله انا ليا اللى شايفه فى العربية وبعدين على أد فلوسى اشتريت وانا عارف انى مشترتش بى ام وكمان لا انا اول ولا اخر واحد اشتراها ولا هيشتريها وانا مقتنع بان كل عربية ليه ميزاتها وعيوبها ولا خلاف على كده.
انا شايف ان تجربة حضرتك لا تستدعى انك فى كل موضوع يخص الام 11 تدخل تسب فيها وتكره اصحابها فيها انت لا هتستفيد شىء غير للاسف انك ممكن تعكر مزاج ملاك العربية واعتقد انك ملكش اى مصلحة فى كده.
اسف على كلامى وتقبل تحياتى

تسلم الصوابع اللي كتبت الكلام ده ...
يا خالد حب العربية هاتلاقي منها اكتر ما انت متوقع
"" مافيش عربية فيكي يا مصر اجمع عليها الشعب ان مافيهاش عيوب سواء عن تجربة او سماعي من ملاكها ""

المشاركة الأصلية كتبت بواسطة emad7759

ياخى الغالى انا مش بكرهك فى العربيه انا وانتا وكل اللى اشترى

عربيه اى كان نوعها فكلانا تعبنا فى الفلوس وعلى فكره

ولله العظيم انا بفرح لما اجد حد عربيته حلوه

وربنا يديك خيرها ويكفيك شرها ويارب تزل فرحان بيها كده

على طول يارب ولو مشركاتى هتزعلكم انا ياسيدى

مش هشارك تانى خالص لا بلحلو ولا المر(يا ريت) طالما كلمه الحق بتزعل كده وبتعكر اللى معاهم العربيه

يارجالهخ اعظم واحسن عربيه فى الدنيا هى الام11)(كلام مظبووط)

وكل العربيات التانيه زى النيله ووحشه جدا وكلها مشاكل

ولاكن الام 11 احسن عربيه فى مصر والحمد لله قطع غيارها

موجوده على الرصيف وسعرها ببلاش زى ال128

والدنيا وردى واللى مش معاه عربيه ام11 ليس معاه عربيه

وياريت الناس كلها تبيع عربيتها وتشترى ام11

ايه رئيك كده حلو اى خدمه ياعم انتا تامر

ودى ياسيدى اخر مشاركه معاكم وشوفه لما حد يسمع كلامكم

ويروح يشترى وتقابله المشاكل ويدور على قطع الغيار ليها

ولم يجد ويقول زى منا بقول حسبنا لله ونعم الوكيل فى اللى

خلانى اشتريها هيكون كويس

وفى الاول والاخر احنا اخوات

واى اوامر اخره انا تحت امرك ياباشا

وانا فى اخر مشاركه معاكم بقول ليكم ياريت

ترتبه مقابله يارب تعملوها فى المريخ وانا هكون اول من يحضر المقابله ونشوف مين فينا اللى صح ومين اللى غلط

ولو انتم وثقين من عربيتكم رتبه المقابله والمياه تكدب الغطاص


واقول ليكم مع الف مليون سلامه وخليكم مع بعض

وانا خارج علاشان معكرشى مزاج حد او اكره حد فى عربيته
(أحسن حاجة)

واسف على الاطاله ومعلشى علاشان دى اخر مشاركه ليا

(مع ألف سلامة)

يااخ عماد اعتبرنى اخ ليك واقبل نصيحتى .. ياريت تبيع العربية وتريح دماغك علشان والله انت كدة بتحرق فى دمك ليل نهار .. انت طلع حظك وحش فيها زى ماكتيييييير بيطلع حظوظهم وحشة فى عربيات كتيرة جدا وانواع احدث بكتير من النوع ده .. ولو حضرتك عاوز تجيش ناس قصاد الام11 علشان تكسب تعويض مادى او شىء نتيجة شكاويك ليهم المتكررة فاحنا معندناش مانع لاننا بالفعل بندور بردة على حقوقنا لان ساعتها الى عندة مشكله هتتحل بسرعه والى معندوش يبقى يعمل حسابة لو حصله حاجة فى العربية لاقدر الله .. بس ارجوك بلااااش تعقد الى جاب العربية وتخلية يكرة اليوم الى اشتراها فيه وتقوله اصل القديم احسن والجديد زباله والكلام الى بتقوله ده .. انصحة يحافظ عليها ازاى ويتلاشى عيوب اية فيها ويخلى باله من ايه لانه خلاص جابها فانت مستنى منه اية لو مستنى منه يبيعها يبقى انت اول واحد المفروض يبيعها وصدقنى محدش هيلعن ويحسبن على الى قاله يشتريها علشان حاجتين اولهم انه بيصلى استخارة يعنى دة اختيار ربنا ليه وهيباركله فيها وهتبقى احسن من اى اختيار تانى ربنا مش رايده ليه وثانيا لان دى فلوسة ومش هيرميها عالارض . واسف على الاطاله

فلة شمعة منورة....كلام من الاخر بصرلحة وده رايي انا كمان

بجد يا اخ عماد مش لاقى كلام ارد عليك بيه اكتر من اللى الاخ مشير قالوا .. اسف يا صاحبى انت اللى اضطرتنا كلنا نرد عليك بالكلام ده!